Հայտնի են Կաննի բոլոր մրցանակակիրները

Բրիտանացի ռեժիսոր Քեն Լոուչի «Ես Դենիել Բլեյքն եմ» ֆիլմը Կաննի միջազգային կինոփառատոնում արժանացել է «Ոսկե արմավենու ճյուղի»։ Այս մասին հայտնում է RIA Novosti-ն։ Ֆիլմը կողակցին կորցրած աշխատավորի մասին է, ով առողջական խնդիրների պատճառով կորցրել է ապրուստի միջոց հայթայթելու հնարավորությունը։

Հիմնական մրցույթին մասնակցել է 21 ֆիլմ։ Գրան-պրին շնորհել են կանադացի Քսավյե Դոլանին՝ «Դա ընդամենը աշխարհի վերջն է» ֆիլմի համար։ Լավագույն ռեժիսուրայի համար ժյուրին մրցանակ է շնորհել ռումինացի Քրիստիան Մունջիուին՝ «Ավարտական երեկո» ֆիլմի համար, և ֆրանսիացի Օլիվիե Ասսայասին՝ «Անձնական գնորդ» ֆիլմի համար։ Լավագույն սցենարի համար պարգևատրվել է իրանցի Ասղար Ֆարհադին՝ «Կոմիվոյաժոր» ֆիլմի համար։

Լավագույն դերասան է ճանաչվել Շահաբ Հուսեյնին՝ «Կոմիվոյաժոր» ֆիլմում դերակատարման համար, իսկ լավագույն դերասանուհի՝ Ժակլին Խոսեն, ով նկարահանվել է ֆիլիպինցի Բրիյանտե Մենդոսայի Ma’ Rosa ֆիլմում։

Palme D’Honneur հատուկ մրցանակ է ստացել ֆրանսիացի դերասան Ժան Պիեռ Լեոն։

Փառատոնն անցկացվել է ֆրանսիական Լազուրե ափում՝ մայիսի 11-22-ը։

Today's most read news !
  • «Եվրատեսիլ»-ում Հայաստանի ներկայացուցիչը 2-րդ տեղում է լավագույն կին կատարողների մրցույթում
  • «Եղնիկների կածանը». ուշագրավ փաստեր Ապրիլյան պատերազմին առնչվող ֆիլմի նկարահանման հրապարակից
  • Պատժամիջոցների ենթակա պաշտոնյաներն ու ֆունկցիոներները
  • Ամենապրոֆեսիոնալ երգչին անգամ կարող են կոտրել բացասական մեկնաբանությունները. Ինգա Արշակյանը՝ «Եվրատեսիլ-2017»-ի երգի մասին
  • Միշտ չէ, որ առաջին փորձը իդեալական է լինում. «Armenian Europe Music Awards Paris 2017» մրցանակաբաշխության կազմակերպիչը` թերությունների մասին
  • Քիմ Քարդաշյանը ելույթ կունենա կանանց գագաթնաժողովում
  • Միլիարդակռիվ. Ի՞նչ դեր է ունենալու Մոսկվան այդ կռվում
  • Գնալը միշտ էլ կա. Արտյոմ Հակոբյանը՝ Հայաստանը չլքելու ու նոր ՝«3/Off» նախագիծի մասին
Comments

Name: