Նոր մանրամասներ՝ Երևանի ԲԿ-ներից մեկում մահացած երեխայի մահվան դեպքից

ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում հարուցվել է քրեական գործ` բժշկական կենտրոնում 2.5 տարեկան երեխայի մահվան դեպքի առթիվ: Այս մասին տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:

2016թ. սեպտեմբերի 13-ին լրատվամիջոցներով տեղեկատվություն է հրապարակվել առ այն, որ բժշկական կենտրոնում 2.5 տարեկան երեխային ցուցաբերվել է ոչ պատշաճ բժշկական օգնություն, որի հետևանքով երեխան մահացել է։

Նախնական տվյալներով՝ երեխային բժշկական կենտրոն է տեղափոխել մայրը՝ սեպտեմբերի 5-ին, որտեղ վերջինիս հայտնել են երեխայի ծայրահեղ ծանր առողջական վիճակի մասին. նրա մոտ ախտորոշվել է բարդացած թոքաբորբ։

Ըստ հրապարակման՝ երեխայի մայրն ահազանգել է, որ բժշկական կենտրոնի աշխատակիցները համապատասխան բուժօգնություն չեն ցուցաբերել, չեն կատարել իրենց մասնագիտական պարտականությունները, և նրանց անբարեխիղճ վերաբերմունքի հետևանքով երեխան սեպտեմբերի 8-ին մահացել է:

Նկատի ունենալով, որ նյութերն առերևույթ պարունակում են ՀՀ քրեական օրենսգրքի 130-րդ հոդվածի 2-րդ մասով նախատեսված հանցագործության հատկանիշներ՝ ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում հարուցվել է քրեական գործ: Նշանակվել է դատաբժշկական փորձաքննություն՝ երեխայի մահվան պատճառը պարզելու համար, բժշկական կենտրոնից առգրավվել է հիվանդության պատմագիրը, անհրաժեշտ փաստաթղթերը։

Քննության արդյունքների մասին տեղեկույթ կտրամադրենք լրացուցիչ։

Today's most read news !
  • «Եթե գտնեմ քեզ» սերիալի գլխավոր դերակատար Գևորգ Գրիգորյանը օրերս կվիրահատվի Մոսկվայում
  • Մերի Մակարյանն ամուսնանում է
  • Զատիկյանների մահերը վրեժխնդրություն՝ քաղաքական հաշվարկներով
  • Ամեն անգամ մայրիկիս մոտ լաց էր լինում, ասում էր՝ մեռնում եմ, սիրում եմ Սաշին. Ալեքսանդր Բաբասյանը՝ դպրոցական մականվան ու հուշերի մասին
  • Լավ չեմ սովորել, բայց կարողանում էի արագ ընկալել հենց ուսուցչի բացատրելու ընթացքում. Եվա Բաղդասարյան
  • Ողբերգական դեպք Երևանում. 13-ամյա տղան անզգուշաբար Դավիթաշենի կամրջից ցած է ընկել
  • Արտակարգ դեպք Երևանում. քաղաքացին Կարմիր բլուրում գլորվել է ձորը
  • Հարցրու Մխիթարյանին՝ որտեղից է գնել այդ ծաղկամանը. Գարիկ Մարտիրոսյանի կնոջ խնդրանքը
Comments

Name: