Զեյթունում 27-ամյա երիտասարդը խանդի հողի վրա ջարդել է կնոջ գործընկերոջ ծնոտը՝ ենթադրելով, թե նա համբուրվում է իր կնոջ հետ

Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Դավիթ Գրիգորյանի նախագահությամբ հաշտությամբ ավարտվեց Հայկ Ա.-ի գործի քննությունը:

27-ամյա Հայկին մեղադրանք էր առաջադրվել տուժողի՝ Տիգրան Ս.-ի առողջությանը միջին ծանրության վնաս հասցնելու համար՝ ՀՀ քրեական օրենսգրքի 113 հոդվածի 1-ին մասով:

Ըստ մեղադրանքի՝  2016 թվականի հուլիսի 16-ին, ժամը  21-ի սահմաններում Հայկը գնացել է իր կնոջ աշխատավայրի՝ Ռուբինյանց փողոցում գործող առևտրի կենտրոնի մոտ, որ սպասի կնոջը, միասին տուն գնան:

Հանկարծ նա նկատել է, որ առևտրի կենտրոնի աշխատակից Տիգրան Ս.-ն  համբուրվում է… իր կնոջ հետ:

Հայկի աչքերի առաջը սևացել է, նա մոտեցել ու առանց պարզաբանումների, խանդի հողի վրա ձեռքով մեկ հարված է հասցրել Տիգրանի ծնոտին՝ պատճառելով առողջության միջին ծանրության վնաս՝ տևական քայքայումով:

Ջախջախիչ հարվածից հետո է պարզվել, որ Տիգրանը համբուրվում էր ոչ թե Հայկի կնոջ, այլ իր ընկերուհու հետ, ով արտաքուստ նման էր Հայկի կնոջը:

Վոդևիլային այս պատմությունը դատարանում ավարտվեց հաշտության համաձայնությամբ. տուժողն ու ամբաստանյալը հայտարարեցին, որ հաշտվել են: Տուժողն ասաց, թե քաղհայցի պահանջ չունի, չի ցանկանում, որ Հայկ Ա.-ն ենթարկվի քրեական պատասխանատվության:

Դատարանը տուժողի հետ հաշտության հիմքով դադարեցրեց Հայկ Ա.-ի քրեական հետապնդումը, կարճեց քրեական գործի վարույթը:

Today's most read news !
  • Էրոտիկ աղջիկներ եւ շքեղ ավտոմեքենաներ՝ Նորոյի նոր տեսահոլովակում
  • Նաիրա Մովսիսյանի 29-ամյակի խնջույքն ու ամենատպավորիչ նվերը
  • Կապանում խորթ հայրը ոտքով հարվածել է 3-ամյա փոքրիկի հետույքին, երեխան ընկել ու գանգուղեղային փակ տրավմա է ստացել
  • Հետաքրքիր մանրամասներ հայ աստղերի փարիզյան մրցանակաբաշխությունից
  • 1995 թ. ԻՆՉՊԵՍ ԵՂԵԼ Է. Երևանում հայտնի «շունբազը» ատրճանակի կրակոցներով սպանվել է իր տան շքամուտքում
  • Քարդաշյանների ընտանիքը անվտանգության ծառայությունից օգտվում է շուրջօրյա
  • Սիրուշոյի և PicsArt-ի համագործակցությամբ նոր հավելված է ստեղծվել
  • Ընտրարշավի տապալվող գիծը
Comments

Name: