Latest 10 episodes

Ադրբեջանը քաղաքական աջակցություն է խնդրել ԱՄՆ-ից

Ռուսական TASS լրատվական գործակալության փոխանցմամբ՝ Ադրբեջանը կարևոր է համարում ԱՄՆ-ի քաղաքական աջակցության ցուցաբերումը «Անդրադրիատիկ» գազատարի (TAP) նախագծին՝ խուսափելու համար դրա իրագործման ժամանակ բարդություններից։
Այդ մասին երեքշաբթի ԱՄՆ պետդեպարտամենտի էներգոպաշարների բյուրոյի էներգետիկ դիվանագիտության գրասենյակի տնօրեն Ուիլյամ Սիլկվորդտի հետ հանդիպման ժամանակ հայտարարել է Ադրբեջանի էներգետիկայի նախարար Նատիկ Ալիևը։

Ադրբեջանի էներգետիկայի նախարարության մամլո ծառայության հաղորդմամբ՝ հանդիպման ժամանակ կողմերը քննարկել են Իտալիայում սահմանադրական բարեփոխումների վերաբերյալ անցկացված հանրաքվեի հնարավոր ազդեցությունը TAP գազատարի նախագծի իրագործման վրա, որը Հարավային գազային միջանցք նախագծի բաղկացուցիչ մասն է։

Ալիևը հայտարարել է. «TAP-ի հետ կապված քաղաքական որոշակի բարդություններից խուսափելու համար կարևոր է, որ ԱՄՆ-ը բարձր մակարդակով ներկայացված լինի Հարավային գազային միջանցքի նախագծի խորհրդատվական խորհրդի երրորդ նիստում և ցուցաբերի քաղաքական աջակցություն»։

Ընդգծվում է, որ Հարավային գազային միջանցքի նախագծի խորհրդատվական խորհրդի երրորդ նիստը ծրագրված է Բաքվում անցկացնել 2017 թվականի փետրվարին։
TAP գազատարի կառուցումը մեկնարկել է 2016 թվականի մայիսին։ Գազատարի ընդհանուր երկարությունը կազմելու է մոտ 870 կիլոմետր, որից 543 կիլոմետրը բաժին է ընկնում Հունաստանի, մոտ 205 կիլոմետրը՝ Ալբանիայի տարածքին։

110 կիլոմետրանոց հատվածն էլ անցնելու է Ադրիատիկ ծովով։ Ենթադրվում է, որ գազատարի կառուցումը կտևի 3.5 տարի։ Գազատարի տարեկան թողունակությունը կազմելու է 10 միլիարդ խորանարդ մետր, որը հետագայում կրկնապատկվելու է։

Today's most read news !
  • Ելենա Արշակյան.«Գեւորգը լուրջ վնասվածք ունի, որը սերիալում ցույց չենք տալիս»
  • Տղամարդը «Օդնոկլասնիկի»-ով էջմիածինցի ամուսնացած կնոջից պահանջել է սեքս անել իր հետ կամ նրա նկարները պոռնոնկար դարձրած կտարածի
  • Ուրիշի ընտանիքը քանդելիս Աննա Հարությունյանը չէր էլ պատկերացնում, որ այդ տղամարդը այլ կնոջ հետ կամուսնանա
  • Երկար դադարից հետո Սոնան Միշոյի հետ լուսանկար է հրապարակել
  • Ժանտախտ խրախճանքի հետևանքով
  • Պատգամավորը «արհեստական» է համարում Կրթության և գիտության նախարարության որոշումը
  • Ո՞ւմ է պետք այսպիսի պետությունը
  • ԵԽԽՎ ձմեռային նստաշրջանին հայկական պատվիրակության կողմից անդրադարձ կլինի դիվերսիոն ներթափանցմանը և Լապշինի գործին
Comments

Name: