Սերժ Սարգսյանը նվազեցնում է ցուցակի կարգավիճակը

Հանրապետական կուսակցությունն ունի նախընտրական շտաբի շատ թեկնածուներ, Սերժ Սարգսյանն արձակուրդից կգա, հարցը կքննարկենք և պարզ կլինի, թե ով է գլխավորելու շտաբը, հայտարարել է ՀՀԿ խորհրդարանական խմբակցության ղեկավար Վահրամ Բաղդասարյանը: Տեղեկություններ կան, որ շտաբը կգլխավորի հենց Սերժ Սարգսյանը: Վահրամ Բաղդասարյանը նշել է, թե այդ հարցը ՀՀԿ-ն չի քննարկել: ՀՀԿ-ում և իշխանության ներսում ներկայումս առկա իրողությունների պարագայում միանգամայն տրամաբանական է դառնում, որ նախընտրական շտաբը կարող է գլխավորել Սերժ Սարգսյանը: Վարչապետ Կարեն Կարապետյանը չի կարող տեղ զբաղեցնել ՀՀԿ ցուցակում, քանի որ չունի Հայաստանում վերջին հինգ տարիներին մշտական բնակության փաստ: Եթե Կարեն Կարապետյանը չի հայտնվում ցուցակում, ապա Սերժ Սարգսյանը ևս իր անունը չի գրի այնտեղ:

Ըստ էության, տեղի է ունենում ՀՀԿ ցուցակի այսպես ասած՝ ստատուսի նվազեցում, ինչը ևս բխում է ներիշխանական իրողությունների տրամաբանությունից: ՀՀԿ ցուցակը դառնում է «շարքայինների» ցուցակ, որտեղ տեղ են զբաղեցնում մարդիկ, որոնք այս կամ այն կերպ ներգրավված չեն իշխանության համար պայքարում, նրանք ընդամենը կատարողներ են, ֆունկցիոներներ: Եվ այս համատեքստում, իշխանության համար պայքարը տեղափոխվում է նախընտրական շտաբ, ինչի «ավանդույթը» հիմնադրվեց Սահմանադրության փոփոխության հանրաքվեի ընթացքում: Այդ ժամանակ, իհարկե, շտաբը գլխավորում էր ոչ թե Սերժ Սարգսյանը, այլ Հովիկ Աբրահամյանը, քանի որ նա դեռևս իշխանության առաջին շրջանակում էր: Սակայն, շտաբը կազմվել էր բավականին հետաքրքիր դասավորությամբ: Աբրահամյանն ուներ վեց տեղակալ, որոնք ներկայացնում էին իշխանության այսպես ասած՝ ամբողջ պալիտրան, և ՀՀԿ-ի նախընտրական շտաբը, ըստ էության, վերածվել էր իշխանական բաժնետիրական խորհրդի: Ամենայն հավանականությամբ այդ «իմաստը» ստանալու է նաև խորհրդարանական ընտրություններում ՀՀԿ-ի նախընտրական շտաբը:

Տվյալ պարագայում հարցը այն կլինի, թե ինչպիսին է լինելու բաժնետերերի շրջանակը, ովքեր են լինելու, այդ շրջանակը որքանով է լինելու առավել նվազած, սեղմված: Եվ տրամաբանական կդառնա, եթե այդ խորհուրդը գլխավորի Սերժ Սարգսյանը, քանի որ նա իր ճանապարհից հեռացրեց հիմնական մրցակցին՝ Հովիկ Աբրահամյանին, իսկ Կարեն Կարապետյանը դեռևս մրցակից չէ, առավելագույնը կարող է լինել բաժնետերերից մեկը:

Today's most read news !
  • «Հանրային լինել դեռ չի նշանակում հանդուրժել նման դրսևորում սեփական անձի նկատմամբ». Մերի Հակոբյան
  • Գուցե իմ ստացած դաստիարակությունն է պատճառը, որ հրաժարվում եմ բաց տեսարաններում նկարահանվել. Եվա Բաղդասարյան
  • Քիմ Քարդաշյանը կես միլիոն դոլար է ստանում Instagram-ում գովազդային մեկ հրապարակման համար
  • Առնվազն անբարոյականություն կլինի թերագնահատել ՀՀԿ-ի այս ցուցակը
  • Ուտել-խմելու պրոցեսը սիրում եմ, բայց այսօր ընկերական մթնոլորտում չեմ նշի ծննդյանս օրը. Մհեր Խաչատրյան
  • Հենրիխ Մխիթարյանը և Յուրա Մովսիսյանը միմյանց դեմ կխաղան
  • Կայացավ «Հաց բերողի» հոգեհանգստյան արարողությունը
  • Նա իր կյանքի արժեքը մեզ թողնելով՝ մեզ համար օրինակ դարձավ. Արսինե Խանջյանը՝ Հաց բերողի հոգեհանգստին
Comments

Name: