Կոտայքում 34-ամյա տղամարդը, սաունայում զվարճանալուց հետո տուն վերադառնալով, դաժան ծեծի է ենթարկել կնոջը

Կոտայքի մարզի ընդհանուր իրավասության դատարանում Վարդան Ստեփանյանի նախագահությամբ ավարտվել է Տիգրան Բ.-ի գործի դատական քննությունը:

34-ամյա Տիգրանը մեղադրվում էր իր 33-ամյա կնոջը ծեծելու համար:

Ըստ մեղադրանքի՝ 2016 թվականի հոկտեմբերի 3-ին, գիշերվա ժամը 2-ին ամուսինները վիճել են իրենց բնակարանում, և Տիգրանը ձեռքերով ու ոտքերով հարվածներ է հասցրել կնոջը՝ պատճառելով առողջության թեթև վնասի հատկանիշներ չպարունակող վնասվածքներ՝ կապտուկներ:

Կինը ամուսնու հետ վիճել ու ամուսնու կողմից ծեծվել է այն պատճառով, որ ամուսինը ընկերների հետ գնացել էր… շոգեբաղնիք…

Տիգրան Բ.-ին մեղադրանք էր առաջադրվել ՀՀ քրեական օրենսգրքի  118 

Ընդհանուր իրավասության դատարանում Տիգրան Բ.-ն իրեն լիովին մեղավոր է ճանաչել, նրա միջնորդությամբ գործը քննվել է արագացված ընթացակարգով:

Տուժող կինը դատարան չի ներկայացել, դատական նիստին ներկա է եղել նրա ներկայացուցիչը, ով չի առարկել արագացված ընթացակարգ կիրառելու դեմ, միաժամանակ հայտնել է, որ կինը Տիգրանի հետ հաշտվելու ցանկություն չունի:

Տիգրան Բ.-ն մեղավոր է ճանաչվել կնոջը ծեծելու համար՝ ՀՀ քրեական օրենսգրքի 118 հոդվածով, ու դատապարտվել է 100 հազար դրամ տուգանքի:

Today's most read news !
  • Կարեն Կարապետյանի պատասխանը Սերժ Սարգսյանին
  • Անձի երկվություն. Սերժ Սարգսյանի անբուժելի հիվանդությունը
  • Մարմնավաճառները գաղութում «տեսակցելու» էին Լեդի Հակոբի եղբորորդուն ու ընկերներին. 2 աշխատակից դատապարտվեց
  • Էմիլ Գալստյանը` «Քարե դարդ»-ն այլևս չհեռարձակելու լուրերի մասին
  • Վաղուց շատ լավ եմ ինձ զգում, ոչ մի խնդիր այլևս չկա. Գոռ Սուջյանն՝ իր առողջականի մասին
  • Արթնանում եմ առավոտյան 07:00-ին, որպեսզի համապատասխան տեսք ունենամ. Մհեր Խաչատրյանը՝ աշխատանքի և «Դոմինո»-ում նկարահանվելու մասին
  • Նոր մանրամասներ՝ Քիմ Քարդաշյանի վրա կատարված հարձակումից
  • Քանյե Ուեսթը բժիշկների խորհրդով է բաց թողել Գրեմմին
Comments