Հույսը դեռ չի մարել. ո՞ր ուժերից հասարակությունը սպասելիք ունի

«Անկախ ընդդիմության ձախողումներից, այնուամենայնիվ ժողովուրդը այս ընտրություններին էլ հույսը կապում է ընդդիմության հետ և հավատում է, որ գոնե այս ընտրություններին հնարավոր կլինի ինչ որ բան փոխել։ Սակայն այդ միտումն այդքան էլ մեծ ու խոստումնալից չէ»,- «Առաջին լրատվական»-ի հետ զրույցում ասաց սոցիոլոգ Գևորգ Պողոսյանը։ Նրա խոսքերով՝ հույս միշտ էլ լինում է, որ ամեն դեպքում ընդդիմությունը կհամախմբվի և ինչ որ բան կանի երկրում իրավիճակ փոխելու համար։ «Իհարկե, Հայաստանում ընդդիմությունից հիասթափությունը շատ մեծ է, այնուամենայնիվ, ակնկալիքները կրկին նույն ընդդիմությունից են, իսկ իշխանական կուսակցություններից ակնկալիքները շատ փոքր են, եթե չասենք, որ առհասարակ չկան»,- հավելեց Պողոսյանը։

Մեր հարցին՝ թե այս պահի դրությամբ ընդդիմադիր ո՞ր ուժից կամ ձևավորված դաշինքներից է առավել մեծ սպասելիքները, սոցիոլոգը պատասխանեց. «Ինձ թվում է՝ եթե Գագիկ Ծառուկյանին հաջողվի համախմբել որոշ ուժերի և ձևավորվի լայն դաշինք, ապա դա կարող է հակակշիռ լինել իշխանությանը»։

Մեր դիտարկմանը՝ թե ինչպես կարող է իշխանության թույլտվությամբ քաղաքականություն վերադարձած անձը և նրա շուրջ ձևավորված դաշինքը, որը մեծապես կազմված է նախկինում իշխանության մաս կազմած անձանցից, ապա Պողոսյանի խոսքերով՝ այդ հանգամանքը կա, բայց ժողովրդին այլ բան է հետաքրքրում՝ ինչ ուժ, հզորություն ունի այդ ուժը։ «Օրինակ՝ նոր ձևավորված  ընդդիմադիր «Ելք» դաշինքը չունի այդ հնարավորությունները։ Դաշինքը նոր է ձևավորվել, ժողովուրդը նրանց դեռ այդքան էլ լավ չի ճանաչում, դաշինքի մաս կազմած ուժերը մեկ-երկու տարվա կյանք ունեն, նրանք չունեն այն ռեսուրսը, հնարավորությունները, ինչն անհրաժեշտ է ընտրությունների ժամանակ։ Չեմ կարծում, որ երկու ամիսը բավարար է այդ ռեսուրսները հավաքելու և ժողովրդին ապացուցելու, որ իրենք կարող են իրավիճակ փոխել երկրում»,-ասաց 

Նրա խոսքերով՝ նախընտրական շրջանում շատ կարևոր է մարզերում գրասեյակներ ունենալը, մարզերի ժողովրդի հետ աշխատանքը, հավաքները, այդ իմաստով էլ ընդդիմության ռեսուրսները բավարար չեն։ «Բոլորդ էլ շատ լավ գիտեք, որ ընտրություններն առաջին հերթին ֆինանսական ռեսուրսներ են, մարդկային ռեսուրսներ, իսկ այսօր քիչ ուժեր կան, որ ունեն այս ամենը»։

Անդրադառնալով հանրապետական պատգամավորներից մեկի դիտարկմանը՝ թե իրենք ամեն ինչ արել են, որ այս ընտրություններին կաշառք չբաժանվի, սոցիոլոգը նախ նկատեց՝ միայն կաշառքով չի, որ իշխանությունը լուծում է իր հարցերը։ Դրանից բացի կա ադմինիստրատիվ ռեսուրս և այլ գործոններ։ Բայց մինչ այդ պետք է արձանագրել մի բան, որ հենց նույն իշխանությունը վերացրեց ընտրություններով երկրում իրավիճակ փոխելու հավատը, հասարակության մեջ ձևավորեց հինգ հազար դրամի ակնկալիք ունեցող մարդկանց մի մեծ զանգվածի։ Ընդ որում՝ բնավ կարևոր չէ, թե ումից է այդ ակնկալիքը։ «Ամեն դեպքում մի փոքրիկ հույս կա, որ նոր ուժերը, նոր գաղափարները, նոր ալյանսները մի բան կփոխեն։ Այսինքն՝ չարյաց փոքրագույնի վիճակ է, քանի որ արմատական փոփոխությունների հույս չկա։ Հուսանք, որ գոնե այս նոր ուժերին կհաջողվի»,- եզրափակեց սոցիոլոգը։

Today's most read news !
  • Տաթևիկի ամուսինը ներկա է եղել նրա ծննդյան խնջույքին. Մենեջերը՝ Տաթևիկ Ադումյանի ամուսնալուծության լուրերի մասին
  • Լիկա Սալմանյանի 21-ամյակի երեկույթն ու սիրելիի անակնկալը
  • Ինչպես է անցել Աննա Դովլաթյանի ծննդյան խնջույքը
  • Արմավիրցի 26-ամյա տղամարդը տանուլ տված 80 հազարը «հետ բերելու» համար օղու շշով հարվածել է գյուղի խանութի վաճառողուհու գլխին
  • Սիլվա Հակոբյանի հայրիկը՝ երգչուհու ամուսնության ու աշխատանքային ծրագրերի մասին
  • Մեր դուստրն իր ներկայությամբ բոլորին հանգստություն է պարգեւում. Գայանե Հովհաննիսյանն՝ իր ու Ռոլանդ Գասպարյանի փոքրիկի մասին
  • «Պաշարվածները». նոր փաստավավերագրական ֆիլմ՝ 91-92թթ. սովի ու հրի մատնված Ստեփանակերտի մասին
  • Արցախը ոչ թե կարող է, այլ պարտավո՛ր է «Իսկանդերով» հարվածել. Նորատ Տեր-Գրիգորյանց
Comments
Loading...