Ղարաբաղյան խնդիրը անհանգստացնում է և՛ Իրանին, և՛ Ռուսաստանին. իրանագետ

Ղարաբաղյան հակամարտության կարգավորման հարցը, ի թիվս տարածաշրջանային այլ կոնֆլիկտների, ընդգրկված է Ռուսաստանի և Իրանի նախագահների՝ մարտի վերջին Մոսկվայում կայանալիք հանդիպման օրակարգում:

Իրանագետ Գոհար Իսկանդարյանի խոսքով՝ սա շատ բնական է, քանի որ ո՛չ Ռուսաստանին և ո՛չ էլ Իրանին ձեռնտու չէ կովկասյան տարածաշրջանում «տաք օջախների» առաջացումը:

Իրանագետը «Առաջին լրատվական»-ի հետ զրույցում մասնավորապես նշեց. «Ղարաբաղյան խնդիրը անհանգստացնում է և՛ Իրանին, և՛ Ռուսաստանին, Կովկասը երկու երկրների շահերի կիզակետում է գտնվում և երկուսին էլ բացարձակապես ձեռնտու չէ տաք օջախներ տեսնել Կովկասում, որովհետև դա առնչվում է իրենց ազգային անվտանգության խնդիրներին: Այս հարցը իսկապես անհանգստացնում է նրանց, և շատ բնական է, որ Իրանի ու Ռուսաստանի նախագահները հանդիպման ժամանակ պետք է անդրադառնան այս խնդրին»:

ՀՀ պաշտպանության նախարար Վիգեն Սարգսյանի՝ Իրան կատարած վերջին այցի ընթացքում Իրանի բարձրաստիճան պաշտոնյաները, մասնավորապես՝ պաշտպանության և զինված ուժերի աջակցության նախարար Հոսեյն Դեհղանին, ինչպես նաև Իրանի գերագույն առաջնորդի խորհրդական, նախկին արտգործնախարար Ալի Աքբար Վելայեթին շեշտել էին, որ ղարաբաղյան հարցը ռազմական լուծում չունի:

Ինչո՞վ է բացատրվում այս փուլում Իրանի կողմից ԼՂ հակամարտության գոտում կայության պահպանումը և Հայաստանի հետ հարաբերությունները կարևորելը: Հարցին Գոհար Իսկանդարյանը հետևյալ պատասխանը տվեց. «Սա նաև կարևորվում է Իսրայելի հետ Ադրբեջանի մերձեցման առումով, որը կրկին վտանգ է ներշնչում Իրանի Իսլամական Հանրապետությանը, և Թեհրանը փորձում է հստակեցնել իր սահմաններում գտնվող երկրների հետ հարաբերությունները: Կարծում եմ՝ շեշտադրումը ավելի շատ կապված է այս հանգամանքի հետ»

Today's most read news !
  • Արմենչիկ.«Երեխաներս ժամանակի ընթացքում կսովորեն դրան»
  • Լիլիթ Մուրադյանի նոր լուսանկարը դստեր հետ եւ էմոցիոնալ գրառումը
  • «OutDance»՝ նոր սիթքոմ «Շանթ»-ի եթերում
  • «Շատ կկարոտեմ». Գայանե Ավետիսյանը պատմել է՝ ինչու այլևս չի նկարահանվելու «Դոմինո»-ում
  • «Հուսամ, լավ արձագանքներ կլսեմ». Արտյոմ Մարկոսյանը նորություն ունի
  • Ինչպես է անցել Դիանա Շատվերյանի ծննդյան խնջույքը
  • Եթե ինձ ձայն չտաք, մեկ է՝ լցնելով իմ ուզած թիվը կգրանցեմ, ավելի լավ է ընտրեք. Շմայսի քարոզարշավը
  • Քոչարյանը նոր պլաններ է մշակում. ինչպես թեժացնել իրավիճակը և ներքաշել Ծառուկյանին
Comments
Loading...