Այսօրվա հայն այլևս առաջվանը չէ, այսօրվա հայն այլևս երբեք չի թողնի, որ իրեն կոտորեն. Հայկո

Մեկ դար ու մեկ տարի է անցել 1915թ-ից, բայց հայ ժողովուրդը շարունակում է հիշել անմեզ զոհերին, սգալ նրանց հիշատակն ու պահանջել աշխարհից արդար դատավճիռ ընդունել:

Մեզնից թերեւես յուրաքանչյուրի արմատները կարող են տանել Արեւմտյան Հայաստան, բայց գուցե ոչ բոլորս դրա մասին տեղյակ լինենք: Երգիչ Հայկոն տարիներ առաջ  իր հայրական պապիկից տեղեկացել է, որ արմատներով իրենց ընտանիքն էլ Արեւմտյան Հայաստանից է եւ որ 1915թ-ի ցեղասպանության ժամանակ իր նախնիներն էլ զոհվել են թուրք բարբարոսների ձեռքով.

երգիչը նշել է.«Իմ հայրական ընտանիքը արմատներով պատմական Սուրմալուից է՝ Իգդիրից: Արմատներիս մասին անկեղծ ասած շատ բան չգիտեմ, բայց հիշում եմ պապիկս պատմում էր, որ հայրիկիս պապը՝ Ամասյա Հակոբյանը, զինյալ հայերի շարքում է եղել, նա շատ բարի մարդ է եղել, անգամ հարևաններին օգնել է փախչել ջարդից, որոնցից շատերը կարողացել են գաղթելով փրկվել: Իսկ հետագայում ինքն էլ է եկել  Արևելյան Հայաստան,- պատմեց Հայկոն ու շարունակեց.

«Ափսոսում եմ, որ շատ տեղեկություններ չունեմ արմատներիցս, բայց պապիկս պատմում էր, որ Ամասյա պապս միշտ կանգնում էր սահմանին ու արտասվում՝ հուսալով, որ մի օր կվերադառնա իր տուն: Ցավում եմ, որ ինչպես իմ ապուպապի, այնպես էլ շատերի նախնիները այդպես էլ չկարողացան կրկին գնալ իրենց հողերն ու կարոտով հանգչեցին»:

Հայկոն դեռեւս շուտ է համարում որդուն՝ հնգամյա Արմանին, պատմել իր արմատների մասին.

«Արմանը դեռ շատ փոքր է նման պատմություններ լսելու համար, բայց նա, ինչպես ցանկացած հայ երեխա, գիտի, որ թուրքը լավ ազգ չէ, նրա համար ամեն վատ բան թուրքով է ասոցացված: Հետաքրքրականն այն է, որ մենք առանձնապես նրա մեջ այդ գաղափարը չենք սերմանել. Երեւի թե հայի գենոֆոնդի մեջ է նստած թուրք ազգի հանդեպ ատելությունը»,- նշեց Հայկոն ու հույս հայտնեց.

«Հույս ունեմ, որ մի օր ես ու Արմանը միասին Իգդիր կգնանք»:

Հետաքրքրվելով, թե ապրիլի 24-ին Հայկոն իր ընտանիքի հետ այցելո՞ւմ է Ծիծեռնակաբերդ, երգիչը նկատեց.

«Այդ օրը բոլորս անասելի ցավ ենք զգում, միշտ չէ, որ հաջողվում է գնալ, քանի որ այդ օրերին սովորաբար աշխատանքներ են լինում, բայց ամեն ինչ անում եմ, որպեսզի ժամանակ հատկացնեմ եւ նաեւ այդ կերպ ընտանիքիս հետ հարգենք անմեղ զոհերի հիշատակը: Բայց պետք է մի բան էլ շեշտեմ՝ այո, հարկավոր է հիշել ու պահանջել, բայց չպետք է ողբի մեջ միշտ ապրենք, պետք է միշտ հիշել, որ այսօրվա հայն այլեւս առաջվանը չէ, այսօրվա հայն այլեւս երբեք չի թողնի, որ իրեն կոտորեն, իսկ դրա ամենավառ ապացույցը եղավ ընդամենը օրեր առաջ տեղի ունեցած արցախյան քառօրյա պատերազմը: Մենք եղել ենք, կանք ու միշտ կլինենք, մենք հաղթանակած ազգ ենք»:

Today's most read news !
  • Սիրուշոն 12-րդ անգամ ճանաչվել է լավագույն երգչուհի
  • Քիմ Քարդաշյանն Instagram-ում ցուցադրում է մարզված մարմինը
  • Անաստասիա Բրուխտին՝ Սուպեր Սաքոյի հետ զուգերգի և հայկական արմատների մասին
  • Ինձ համար իսկապես անսպասելի էր այս միցանակը. Տաթեւ Հովակիմյանը՝ «Արտավազդ 2017»-ում «Լավագույն երիտասարդ դերասանուհի» կոչման մասին
  • Կարեն Բաբաջանյանը՝ երկրից ընդմիշտ հեռանալու մտքերի մասին
  • Պատկերը ապրիլի 2-ից հետո
  • Քենդալ Ջենները Love պարբերականի համար նկարահանվել է Մերիլին Մոնրոյի կերպարով
  • Ռազմական ինստիտուտի 2 կուրսանտ դանակով հարձակվել են տաքսու վարորդի վրա, թալանել են ու խլել մեքենան
Comments

Name: