Լուսինեի, Իրինայի եւ իրենց անուշիկ դուստրերի զբոսանքը

Յուրքանչյուր կնոջ երազանքն է զգալ մայրության բերկրանքը: Գեղեցկուհի քույրեր Իրինա եւ Լուսինե Թովմասյանները շատ երջանիկ են, երբ ամեն առավոտ արթնանում են իրենց փոքրիկների ձայներից: Լուսինեն  զրույցում պատմեց բնույթով ակտիվ, անվախ Արիանայի մասին:

«Արիանան իր ակտիվությամբ, եռանդով ինձ շատ է նման, բայց ի տարբերություն ինձ՝ ես մանուկ հասակում միշտ մայրիկիս հետեւից լացում էի: Փառք Աստծո, Արիանան այդպիսին չէ: Ես երբեմն աշխատանքի բերումով բացակայում եմ երկրից եւ շատ անհանգիստ կլինեի, որ նա լաց լիներ: Երբ հեռու եմ լինում նրանից, շատ եմ կարոտում, հատկապես այն, որ առավոտ կանուխ ինձ արթնացնում է»,- նշեց Լուսինեն:

Նրա խոսքով՝ փոքրիկ հրաշքը շատ է սիրում զբոսնել, խաղալ երեխաների հետ: Երեւանում նրա ամենասիրելի վայրերից է Շառլ Ազնավուրի հրապարակը:

Իսկ երեք գեղեցկուհիների մայր Իրինան օրվա ընթացքում ձգտում է ամեն ինչ հասցնել եւ ազատ ժամանակն անցկացնել իր դուստրերի հետ:

«Որքան էլ օրվա ընթացքում զբաղված լինեմ, հոգնեմ, միեւնույն է, ժպտում եմ, երբ տեսնում եմ աղջիկներիս: Ճիշտ է, երեք երեխա մեծացնելը, դաստիարակելը մեծ ջանք է պահանջում, բայց այդ հոգնածությունն այնքան հաճելի է, որ արժե: Երբ նրանց աչքերում ժպիտ ես տեսնում, կյանքով ես լցվում»,- ասաց Իրինան:

Իրինան եւ Լուսինեն իրենց երեխաների հետ հաճախ են հավաքվում տանը: Ինչպես գեղեցկուհի քույրերն են պատմում, «տանը տիրում է գժական մթնոլորտ»՝ երգ, պար, խաղեր եւ այլն…

«Նրանց հետ մեր օրը իսկական հրաշքի է վերածվում: Աննկարագրելի է այդ պահը, երբ բոլորս միասին ենք»,- նշեց Իրինան:

Նույն աննկարագրելի մթնոլորտն էր տիրում նաեւ ֆոտոշարքի ժամանակ: Հատկապես, մեզ զարմացրեց Արիանայի քաջությունը: Նա ոչնչից չէր վախենում՝ խաղում էր շների հետ, վազվզում, ցատկոտում, սահում եւ այլն: Իսկ Իրինայի դուստրերը՝ Ալվինան եւ Մարիան, բնույթով ավելի հանգիստ, բայց երեխաներին բնորոշ ակտիվությամբ խաղում էին իրար հետ:

 

Today's most read news !
  • Եղբորս մահը երբեք չեմ օգտագործել ինձ PR անելու համար. Գուրգեն Դաբաղյան
  • Ռոբսոն, Դոն Պիպո․Ռուսաստանի հանցագործ աշխարհի հայ ներկայացուցիչներն աջակցում են Կարեն Կարապետյանին
  • Իմ և ամուսնուս խոսակցություններն երբեմն այնքան բուռն են լինում, որ ասում եմ` վերջ. Զառա Սահակյան
  • «Չեյնջ 2»-ը «Արմենիա Պրեմիում»-ի եթերում կցուցադրվի ապրիլի 4-ից
  • Գագիկ Ծառուկյանի պատասխանը Սամվել Կարապետյանին
  • Շառլ Ազնավուրը բացահայտել է իր բնավորության գլխավոր հայկական գիծը
  • Վաչե Թովմասյանը` իր և Կարեն Բաբաջյանյանի միջև եղած խնդիրների և չշփվելու մասին
  • Քիմ Քարդաշյանը ցանկանում է ևս մեկ երեխա ունենալ
Comments

Name: