Latest 10 episodes

Գարիկը մեզ մոտ հյուրի կարգավիճակում էր. Վաչե Թովմասյանը՝ «Քարե դարդ»-ի մասին

Երեկ «Քարե դարդ»-ի հերթական սերիայի ժամանակ հեռուստադիտողները անակնկալ կերպով սիթքոմի շրջանակում տեսան դերասան, հումորիստ Գարիկ Պապոյանին: Հաճելի անակնկալից հետո «Քարե դարդ»-ի երկրպագուներին մի հարց է հետաքրքրում՝ արդյոք Գարիկն այսուհետ կհամալրի սիթքոմի հերոսների շարքը:

Այս թեմայի շուրջ Life.panorama.am-ը զրուցել է «Քարե դարդ»-ի պրոդյուսեր եւ դերասան Վաչե Թովմասյանի հետ:

«Գարիկը մեզ մոտ հյուրի կարգավիճակում էր ու հետագա մյուս սերիաներում նա չի նկարահանվի, փոխարենը, մենք հաճախ կունենանք հայտնի հյուր-հերոսներ, ովքեր  տարբեր սերիաներում իրենց ներկայությամբ էլ ավելի կհետաքրքրացնեն սիթքոմը»,- նշեց Վաչեն:

Հարցին՝ նման աշխատելաոճը նոր հետաքրքրություն առաջացնելու, թե՞ հավելյալ վարկանիշ ձեռք բերելու նպատակ է հետապնդում, պրոդյուսերը պատասխանեց.

«Գիտեք, նման աշխատելաոճը հատուկ է սիթքոմներին: Արտասահմանյան սիթքոմներում եւս մենք կարող ենք տեսնել Բրիթնի Սփիրսին, Էնրիկե Իգլեսիասին, հայտնի «Friends»-ում մենք տեսել ենք Ջուլիա Ռոբերթսին, այսինքն՝ սա շատ նորմալ եւ ընդունված ձեւաչափ է, որը մենք էլ ենք ի սկզբանե գործածել: Մեր հետեւորդները կհիշեն, որ նախորդ եթերաշրջանում Արամեն եւս փոքրիկ դրվագով ներկայացավ, առաջիկայում էլ կլինեն շատ սիրված դեմքեր, որոնք սիթքոմին կապահովեն հավելյալ հետաքրքրություն»:

Որպես պրոդյուսեր՝ Վաչե Թովմասյանը նկատեց, որ նոր եթերաշրջանը նախորդից ավելի ջերմ է ընդունվել, պարզապես մարդկանց տրամադրությունն այնքան էլ բարձր չէ ժամանցային հաղորդումներին արձագանքելու համար.

«Ապրիլ ամիսը մեր երկրի համար շատ լարված էր, անգամ մտածում էինք որոշ ժամանակ նոր սերիաներ չնկարահնել, սակայն հետո որոշեցինք, որ պետք է մարդկանց նաեւ ծիծաղ ապահովենք, որպեսզի գոնե մի փոքր հեշտ հաղթահարենք սահմանագծում տիրող լարվածությունը»,- հավելեց Վաչեն:

Ի դեպ՝ «Քարե դարդ»-ը կներկայացվի շոու ներկայացման տեսքով, որը Վաչե Թովմասյանի խոսքով, կլինի աշնանը.

«Ներկայացումը կլինի աշնանը, սակայն չի լինի հեռուստատեսային բովանդակությամբ, այն ավելի շատ կհետաքրքրի երեխաներին. Ներկայացման տեսքով մենք կաշխատենք երեխաների համար»,- ավարտեց Վաչե Թովմասյանը:

Today's most read news !
  • Էմմա Մանուկյան.«Փորձում եմ մեղքերս քավել»
  • «Աղջի՛, էլի գնում ես …-իդ մո՞տ». Միայնակ մայրը 5 տարվա սիրեկանի ժլատությանը չի դիմացել և սուտ մատնություն է կատարել
  • Հայկական ողբերգության թույլ մխիթարություն
  • Մովսես Երեմյան.«Միմյանց կորցնելու վախ կա միշտ»
  • Աշխարհի համերը՝ Նազենի Հովհաննիսյանի նոր հաղորդաշարում
  • Վլադիմիր Գասպարյանն ի՞նչ է զգուշացնում Հովիկ Աբրահամյանին
  • Մարտի 1-ի բացահայտման մասին հայտարարելը հասարակությանը հաճոյանալու քարոզչություն է. իրավապաշտպան
  • Որքան է Արևմուտքից Թուրքիայի կախվածության ծավալը. Odatv.com, Թուրքիա
Comments