«Եվրատեսիլ»-ին մասնակցությունը կարող է ճանապարհ բացել դեպի եվրոպական շուկա, մեկին դա հաջողվում է, մյուսին՝ ոչ. Ինգա Արշակյան

Երեկ՝ մայիսի 10-ին, Ստոկհոլմում կայացավ «Եվրատեսիլ-2016» երգի միջազգային մրցույթի առաջին կիսաեզրափակիչ փուլը եւ մեր երկիրը ներկայացնող Իվետա Մուկուչյանն իր թե ձայնով, թե արտաքինով  ուղղակի փայլեց եվրատեսիլյան բեմում:

Մինչ եզրափակիչ փուլի մեկնարկը, որը տեղի կունենա մայիսի 14-ին, այս օրերին մեր ներկայացուցչի նկատմամբ հիացմունքի խոսքերի ու բարեմաղթանքների պակաս չի զգացվի, իսկ Life.panorama.am-ի հետ զրույցում Իվետա Մուկուչյանին իր բարեմաղթանքն է հղել երգչուհի Ինգա Արշակյանը, ով հայ երգչուհիներից միակն է եղել, որ եվրատեսիլյան բեմում հայտնվել է երկու անգամ՝ առաջինը 2009-ին Անուշ Արշակյանի հետ միասին «Ջան-ջան» երգով, երկրորդը՝ 2015-ին՝ որպես «Genealogy» խմբի անդամ:

«Իվետան ունի հրաշալի տվյալներ՝ պրոֆեսիոնալիզմ, արտիստիզմ, հզոր ձայն: Ես վստահ եմ, որ նրա ելույթը պետք է տպավորի բոլորին: Իվետային մաղթում եմ մոռանալ հուզմունքի մասին եւ գնալ դեպի առաջ»,- մեզ հետ զրույցում նշեց Ինգա Արշակյանն ու այս մրցույթում որպես փորձառու մասնակից հավելեց.

«Անհրաժեշտ է լավ, պատշաճ կերպով ելույթ ունենալ: Հաղթանակն, իհարկե, կարևոր է, բայց դա ինքնանպատակ չպետք է լինի: «Եվրատեսիլ»-ը նախևառաջ մրցույթ է, որն արտիստին հնարավորություն է ընձեռում նոր ծանոթությունների և հնարավորությունների: «Եվրատեսիլ»-ին մասնակցությունը կարող է ճանապարհ բացել դեպի եվրոպական շուկա, մեկին դա հաջողվում է, մյուսին՝ ոչ: Հուսանք, որ Իվետայի համար այս մրցույթին մասնակցությունը կլինի նոր ճանապարհի սկիզբ»:

Ինգան, հիշելով «Եվրատեսիլ»-ում իր մասնակցության տարիները, նկատեց.

«Խոսելով հիշողություններից՝ ուզում եմ անպայման նշել Հանրային Հեռուստաընկերության թիմի կատարած անգնահատելի աշխատանքի մասին: Ճիշտ է՝ մրցույթին մասնկացում և երկիրն արտիստն է ներկայացնում, սակայն այդ ամենի իրականացման համար մեծ ու դժվար աշխատանք է կատարում Հանրայինի թիմը»: 

Today's most read news !
  • Թողնել «լոլո»-գիան, անցնել սոցիոլոգիայի
  • Պետք էր ճշգրտությունը «պաշտել», ոչ թե հաշվարկը
  • Եթե չկա ներքին լայն դիմադրություն
  • Մարզպետները վիրավորական չեն համարում վարչապետի կրթվելու կոչը
  • Վաղը կանցկացվի երթ՝ ԿԸՀ-ից ՀՀԿ-ի գրանցումը չեղյալ հայտարարելու պահանջով
  • Սխալ ազդակներ հասարակությանը
  • Իմ կյանքն ինձ ապացուցել է, որ ոչինչ չպետք է բացառել. Մարիամ Ադամյան
  • Սոնա Շահգելդյանը ապրիլ ամսին կդադարեցնի գործունեությունը
Comments

Name: