Latest 10 episodes

Արամ MP3. «Այդ պահին միակ տարբերակը գոռալն ու լացելն է»

«Եվրատեսիլ 2016»-ի եզրափակիչը երեկ ցուցադրվել է նաեւ Մարզահամերգային համալիրում` Արամ MP3-ի մենահամերգից հետո։ Հանդիսականների մի մասը մեծ էկրանին երգչի եւ նրա ընկերների հետ հետեւել է միջազգային մրցույթին, իսկ Իվետա Մուկուչյանի ելույթից հետո էլ «Հայաստան» վանկարկումներով եւ ուրախ բացականչություններով սպասել քվեարկության արդյունքներին։ 

Արամ MP3-ն` կնոջ հետ` երեկվա համերգին


BRAVO.am-ը մրցույթի ընթացքում զրուցել է «Եվրատեսիլ 2014»-ում 4-րդ հորիզոնականը գրաված Արամ MP3-ի հետ, որի ցուցանիշը լավագույններից մեկն է եվրատեսիլյան մեր պատմության մեջ.«Երբ ես էի մասնակցում, մոտավորապես պատկերացնում էի՝ որ հորիզոնականում կլինեմ. շատ բաներ տեղում հասկանում ես։ Իվետայի հետ կապի մեջ եմ, շատ լավ է տրամադրված, երգելուց հետո հիմա երեւի լացում է, նորմալ է, ես էլ էի վերջին ելույթիցս հետո լացում։ Ահավոր ծանր էր, այդ պահին լիցքաթափվելու միակ տարբերակը գոռալն ու լացելն է։ Մինչեւ «Կանաչ սենյակ» հասնելը, կարծես, վերակենդանացման բաժանմունքում լինես, հետո այդ վիճակն արագ մոռանում ես։ Իվետայի տանջանքներին ապաշխարանք։ Վերջ, իր ելույթներն ավարտեց, կարող է հանգիստ քնել ու անցնել իր առօրյա կյանքին։ Իրականում, շատ դժվար պրոցես է, դրա միջով անցած մասնակիցները հասկանում են պատասխանատվության չափը»։

Նշենք, որ Արամը նախքան քվեարկությունը կանխատեսել էր հաղթողներին. «Հաջողված երգեր կան, օրինակ՝ ինձ տպավորել են Ուկրաինայի եւ Ավստրալիայի երգերը։ Ջամալայի երգը «Եվրատեսիլ»-ի համար օրիգինալ է, Ավստրալիայինն էլ հետաքրքիր ու տպավորիչ է»։

«Եվրատեսիլ 2016»-ի եզրափակիչը ցուցադրվել է նաեւ Մարզահամերգային համալիրում


BRAVO.am-ի հարցին, թե կցանկանար երկրորդ անգամ մասնակցել միջազգային այս մրցույթին, նա պատասխանել է.«Անկեղծորեն, իսկապես չեմ ուզում, որովհետեւ մի անգամ անցել եմ դրա միջով, ինձ համար արդեն հետաքրքիր չէ, ուրիշ նպատակներ ու ցանկություններ ունեմ»։

Հավելենք, որ երգիչ-դերասանն առաջիկա օրերին կմեկնի Լոս Անջելես՝ ներկա լինելու իր գլխավոր դերակատարմամբ «Առաջին դեմք» կատակերգության ամերիկյան պրեմիերային։ 

Today's most read news !
  • Որոշ տղամարդիկ ինձնից վախենում են. Ռուզան Ավետիքյան
  • Նելլի.«Մխիթարանքը երկու երեխաներս են»
  • Քորթնի Քարդաշյանը չորրորդ երեխային է սպասում
  • Մենք ու նրանք
  • 19-ամյա երիտասարդին սպանած 21-ամյա երիտասարդը տեղափոխվում է դատարան
  • Խմած վարորդներն իրենց «գոլդ» համարանիշներով ավտոմեքենաներով հայտնվեցին Երևանի «գաի պլաշչադկայում»
  • Ավտովթար Երևանում. փրկարարները վիրավորներին ավտոմեքենաներից դուրս են բերել մեծ դժվարությամբ
  • Արամեի կնոջը հղիությունը շատ է սազում. նոր լուսանկարներ
Comments

Name: