Latest 10 episodes

Ֆուլհաուսցիները բոլորովին այլ իրավիճակներում. ի՞նչ է սպասվում «Ֆուլ հաուսի» հայաստանյան համերգին

Մայիսի 16-ին, 17-ին և 18-ին Հակոբ Պարոնյանի անվան երաժշտական կոմեդիայի թատրոնում ֆուլհաուսցիները հայաստանյան լսարանին կներկայանան իրենց համեերգային ծրագրով։ Նախագծի պրոդյուսեր Արմեն Պետրոսյանը՝ Մենչը, Blognews-ի հետ զրույցում մի շարք բացահայտումներ է արել երևանյան ներկայացումների մասին։

  

«ԱՄՆ-ում երկու նոր համերգ ենք ունեցել, որոնց համադրությունն էլ լինելու է Երևանում, սակայն բոլոր համարների վրա նորից աշխատել ենք և կառուցվածքով հաապատասխանեցրել հայաստանյան իրականությանն ու մենթալիտետին։ Ամեն երկրում ելույթ ունենալիս էլ այդպես ենք արել։ Կան նաև համարներ, որոնք գրվել են հատուկ հայաստանյան լսարանի համար»,- պատմեց Մենչը։

Այս ծրագիրն արդեն անցել է նախնական սելեկցիա. «Մենք տեսել ենք, թե որ կտորի վրա  դահլիճից ինչպիսի արձագանք կա և դա հաշվի առնելով ենք կառուցել այս համերգի սցենարը»։

Նա ընդգծեց, որ համերգին կրկնվում են միայն կերպարները և իրենց հարաբերությունները, իրավիճակները, որոնցում հայտնվում են հերոսները, բոլորովին նոր են։ «Ոչ մի իրավիճակ չի կրկնվում։ Հանդիսատեսը չի տեսնելու այն, ինչ տեսել է հեռուստատեսությամբ։ Այնպիսի համերգ է, որին ոչ միայն «Ֆուլ հաուսի» մշտական հեռուստադիտողները կգան, այլև մյուսները, իսկ նրանց համար, ովքեր սիրում են «Ֆուլ հաուսը», մի փոքր անակնկալ կլինի:) Շատ հետաքրяիր կլինի ֆուլհաուսցիներին տեսնել մեկ այլ իրավիճակում՝ բեմի վրա, որովհետև շատ տարբեր են թե՛ հումորի տեսակը, թե՛ շոուի էլէմենտները»,- նկատեց պրոդյուսերը։

Մենչից տեղեկացանք, որ համերգը երաժշտական ուղղվածություն ունի։ Երգելու են ոչ միայն Միհրան Ծառուկյանն ու Գևորգ Մարտիրոսյանը, այլև մյուսները.  համարներն ունեն երաժշտական ուղղվածություն։

Անդրադառնալով նոր մասնակիցներին՝ Գևորգ Մարտիրոսյանին և Մարինկա Խաչատրյանին, պրոդյուսերն ասաց, որ Գևորգը համերգին ներկայանալու է միայն երգով, Մարինկայի մասնակցությունն էլ քիչ է, քանի որ համերգի ծրագիրը համարյա պատրաստ էր, երբ նրանք համալրեցին ֆուլհաուսցիների շարքերը։ «Եթե հետագայում այլ համերգներ լինեն, միգուցե  նրանց մասնակցության շրջանակներն ընդլայնվեն։ Ես գոհ եմ նրանց մասնակցությունից «Ֆուլ հաուսում», հանդիսատեսը՝ նույնպես։ Ես հիմա կոնկրետ չեմ կարող ասել, թե ինչ կլինի Գևորգի և Մարինկայի հետագան նախագծում, սակայն այսօր դեռ ո՛չ սցենարային գծով, ո՛չ հեռուսադիտողների արձագանքներով նրանց կերպարները չեն սպառվել»,- ասաց նա։

Վերջում Մենչը նշեց, որ իրենք ուզում են, որ հանդիսատեսը 2 ժամով կտրվի առօրյա հոգսերից։ «Այսօրվա իրավիճակում ժպիտը շատ կարևոր է մեզ համար»,- եզրափակեց նա։

Today's most read news !
  • Ինչպես Սոս Ջանիբեկյանը Գոռ Բարսեղյանի քթի տակից տարավ ընկերուհուն և նրան ԿՈՏՈՇԱՎՈՐ դարձրեց
  • Երբեք չեմ դադարի սիրել… Անահիտ Կիրակոսյանը` ճակատագրական որոշման, ամենամեծ հիասթափության մասին և ոչ միայն
  • Գնելի եւ Աննայի թաիլանդական հանգիստը
  • Շուշան Երիցյանը պատասխանում է աղանդավորական լինելու լուրերին
  • Դավթաշենում հարբած վարորդը «Մերսեդեսով» վրաերթի է ենթարկել երիտասարդ հայտնի երաժիշտներին, որոնցից մեկը մահացել է
  • Որտեղ և ինչ պայմաններում է ապրում Լիլի Հովերը
  • Քիմ Քարդաշյանը, Քայլի Ջեններն ու Քենդալ Ջենները՝ «Օուշենի ութ ընկերուհիները» ֆիլմի նկարահանումներին
  • Սեյրան Օհանյանի շուրջ համախմբվածները կհայտարարեն Ծառուկյանին միանալու մասին
Comments

Name: