«Հուսամ դժվար չի լինի». Սոֆի Մխեյանը նոր աշխատանք ունի

Արդեն մի քանի օր է, ինչ  Սոֆի Մխեյանը նոր աշխատանք ունի. երգչուհին այսուհետ կներկայանա որպես «ՊանԱրմենիան Մեդիա Գրուպի» աշխատակից և կներկայանա որպես հատուկ ծրագրերի պրոդյուսեր:

Life.panorama.am-ին Սոֆին պատմել է, որ առաջարկը ստանալուն պես երկար չի մտածել ու համաձայնվել է. «Առաջարկը ստացել եմ «ՊանԱրմենիան Մեդիա Գրուպի» կողմից և ընդունել եմ մեծ սիրով. այսուհետ հանդես եմ գալու որպես «Մեդիա Գրուպի» հատուկ նախագծերի պրոդյուսեր: Ի դեպ՝ ևս մեկ անգամ ուզում եմ հայտնել շնորհակալությունս  վստահության համար»,- պատմեց Սոֆի Մխեյանը:

Հարցի՝ արդյոք պատերազմի օրերին «ՊանԱրմենիան Մեդիա Գրուպի» հետ միասին Արցախ մեկնելու ժամանակ է այս առաջարկը ստացել, երգչուհին պատասխանեց. «Մեր համագործակցելու գաղափարը ծագել է նույնիսկ մինչև Արցախ մեկնելը, պարզապես բանակցությունները հասկանալի պատճառներով ժամանակավոր ընդհատվել էին: Ես որպես երգչուհի միշտ համագործակցել եմ Արմենիա TV-ի հետ հիմա առավել ուրախ եմ, որ կլինեմ նաև  մասնիկը այդ մեծ թիմի»:

Սոֆի Մխեյանը հույս ունի՝ նոր աշխատանքն իրականացնելիս մեծ դժվարությունների առաջ չի կանգնի. «Ստանձնելով այս աշխատանքը՝ հասկացա, որ այն իրականում շատ փոխկապակցված է այն ամենին, ինչն առկա է երաժշտական ոլորտում. այնպես որ, հուսամ դժվար չի լինի»,-նշեց նա ու հավելեց.
«Արդեն մի քանի օր է, ինչ աշխատանքի եմ անցել. սկսվել են տարբերի նախագծերի շուրջ աշխատանքները, համագործակցությունները: Շատ շուտով էլ ի հայտ կգան հենց այն նախագծերը, որոնցում կլինի նաև իմ մասնակցությունն ու մեր ամբողջ թիմի արված աշխատանքի արդյունքը»:

Երգչուհու երկրպագուները կարող են չանհանգստանալ՝ նա երգարվեստը աչքաթող չի անի և նոր աշխատանքի հետ կհամատեղի. «Անհանգստանալու կարիք ընդհանրապես չկա. ես հնարավոր ամեն բան անելու եմ, որ մի աշխատանքս մյուսին չխանգարի: Ինչ խոսք, գուցե երկուսը համատեղելու գործընթացում որոշակի դժվարություններ առաջ գան, սակայն դրանք ինձ միայն կմոտիվացնեն առաջ շարժվել: Այս պահին էլ մի շարք ծրագրեր ունեմ՝ կան նոր երգեր, որոնք ձայնագրման փուլում են, կան ծրագրեր, որոնց մասին առաջիկայում կխոսեմ, իսկ այս պահին կնշեմ, որ մայիսի 27-ին որպես հատուկ հյուր՝ ելույթ եմ ունենալու Սանկտ Պետերբուրգում կայանալիք  համերգին»,- ավարտեց Սոֆին:

Today's most read news !
  • Շուշանի եւ Մերիի ճոխ նվերը Տաթեւ Սարգսյանի 25-ամյակին
  • Ինչի մասին է «Շանթ»-ի նոր սիթքոմը եւ ովքեր են դերակատարները
  • Րաֆֆի Օհանյանի հարսանեկան հոլովակն ու ֆոտոշարքը
  • Խանությում հետևիցս գոռաց` «տականք, դու ստեղ ի՞նչ գործ ունես». Հակոբ Հակոբյան
  • Անի Քրիստին անճանաչելիորեն փոխվել է
  • Քիմ Քարդաշյանը նիհարելու նոր տարբերակ է առաջարկում
  • Երևանում ռազմագիտության դասատուն ընտանիքի 10 անդամներով հնարավոր է՝ հայտնվի փողոցում
  • Նոր պատերազմի ուրվականը
Comments
Loading...