Latest 10 episodes

Սոֆի Դեւոյանը եւ Զարուհի Բաբայանն արաբներին «Քոչարի» եւ «Հորովել» են սովորեցրել

Սոֆի Դեւոյանի պարի եւ հոգու թատրոնը, Զարուհի Բաբայանը, քանոնահարուհի Հասմիկ Լեյլոյանը եւ այլ երաժիշտներ օրերս Քուվեյթում մասնակցել են միջազգային երաժշտական փառատոնի` ներկայացնելով հայկական մշակույթը: Զարուհին BRAVO.am-ի հետ զրույցում տեղեկացրել է, որ հրավերը ստացել էին Քուվեյթի մշակույթի նախարարությունից: 

Սոֆի Դեւոյանը` Քուվեյթում


«Չափազանց ջերմ ընդունելության արժանացանք ժողովրդի կողմից: Փառատոնի սկզբունքներից է` մշակութային համագործակցությունը. հայ եւ արաբ երաժիշտների, երգիչների եւ պարողների համատեղ աշխատանքը հրաշալի ստացվեց: Ես, օրինակ, քուվեյթցի երգչի հետ հետաքրքիր փորձ արեցի՝ կատարելով «Հորովել»-ը»,-պատմել է երգչուհին: 

Զարուհի Բաբայանը` դստեր հետ` Քուվեյթում


Սոֆի Դեւոյանը քուվեյթցի երիտասարդների հետ ընդամենը 5 օրում բեմադրել է հայկական շալախո, յարխուշտա եւ քոչարի պարերը, մեր պարողներն էլ սովորել են արաբական ավանդական մի քանի պար: Զարուհի Բաբայանի խոսքով` անվճար համերգին ներկաների շարքում գերակշռել են տեղացիները, քանի որ նպատակը նրանց հայկական երգը, պարն ու երաժշտությունը ներկայացնելն էր, սակայն հայ հանդիսականներ նույնպես եղել են:  

Քուվեյթի միջազգային երաժշտական փառատոնին


Հայկական պատվիրակությունը վերադարձել է լավ տպավորություններով եւ նոր գաղափարներով.«Քուվեյթցիների ցանկությունը մեծ է տեսնել Հայաստանը եւ մեր մշակույթին ծանոթանալ ավելի մոտիկից: Լավ կլինի, որ մենք էլ կարողանանք մեր կառավարությունից ֆինանսական աջակցություն ստանալ նման հետաքրքիր միջոցառում կազմակերպելու համար, բայց դեռ վաղ է խոսել այդ ամենի մասին»,-եզրափակել է երգչուհին:

Today's most read news !
  • Ամուսնու անակնկալը Հռիփսիմե Ելինյանի 33-ամյակին եւ ապագա երեխայի անունը
  • Ելքը կա, մնում է քաշող բովանդակությունը
  • Ռոզի Ավետիսովան՝ «Եթե գտնեմ քեզ» նոր հեռուստասերիալի և ապագա ծրագրերի մասին
  • Հենրիխ Մխիթարյանը հայկական կերակուրներ է ըմբոշխնում Մանչեսթերի հայկական ռեստորանում
  • Սեյրան Օհանյանի ծառուկյանական դիլեման
  • Քիմ Քարդաշյանն ու Քանյե Ուեսթը՝ զբոսնելիս
  • Իրինա Հարությունյան.«Տղաս անտրամադիր էր ու լալիս էր»
  • Լիլի Էլբակյան.«Չեմ վախենա ասել, որ…»
Comments

Name: