Latest 10 episodes

Մարիամ Շահինյանը կրկին դուստր կունենա

Այս տարեսկզբին BRAVO.am-ը հայտնեց, որ Մարիամ Շահինյանը երկրորդ անգամ կմայրանա: Երեխան շուտով կծնվի, սակայն մինչ այդ դերասանուհին հասցրել է դստեր հետ լուսանկարվել նոր ֆոտոշարքում, որը կրկին առաջինը տրամադրել է մեր կայքին:

Մարիամ Շահինյանը` դստեր հետ

Հղիության վերջին շրջանում գտնվող Մարիամը մեզ հետ զրույցում նշել է, որ կրկին աղջիկ կունենա.«Ամուսինս շատ դրական է արձագանքել. շատ է սիրում Արփիին եւ միշտ կատակում է, թե նրա նման հինգ աղջիկ էլ պատրաստ է ունենալ: Այնպես որ, երկուսս էլ անհամբերությամբ ենք սպասում մեր կյանքի այդ կարեւորագույն օրվան»:

Երիտասարդ ծնողները դեռեւս չեն կողմնորոշվել ապագա բալիկի անվան ընտրության հարցում.«Քննարկումների փուլում ենք, իսկ գնումներն արդեն արել ենք: Շատ աղջիկների պես ես էլ ամենից շատ սիրում են վարդագույնը, եւ փոքրիկիս իրերն ու հագուստները գնելիս չեմ տատանվել ու այդ երանգն եմ ընտրել»,-նշել է նա:

Մարիամ Շահինյանը` դստեր հետ


Մարիամի խոսքով` Արփին դեռ փոքր է ու չի գիտակցում, որ քույր է ունենալու. «Բայց ինչ-որ բան զգում է, վերջին օրերին անընդհատ ձգտում է ինձ: Հուզական տեսանկյունից մի քիչ բարդ իրավիճակում եմ, կարծում եմ` հոգեբանական մեծ աշխատանք է ինձ սպասվում: Հղիությունս վատ չեմ տանում, պարզապես մեկուկես տարեկան փոքրիկի հետ մի քիչ դժվար է: Չնայած, ինչպես բազմիցս ասել եմ, ամուսնուս մայրն ինձ շատ է օգնում. կատարյալ տատիկ է»:

Մարիամ Շահինյանը


Դերասանուհին շեշտել է, որ շատ ուրախ եւ երջանիկ է կրկին մայրանալ. «Կնոջ գերագույն առաքելությունն է կյանք պարգեւելը: Թող մեր ազգի բոլոր ապագա մայրերը առողջ լինեն, ապահովված ու շատ սիրված, որպեսզի հայ ազգը բազմանա առողջ, բարի ու խելացի սերնդով»:

Today's most read news !
  • Հայկական ողբերգության թույլ մխիթարություն
  • «Աղջի՛, էլի գնում ես …-իդ մո՞տ». Միայնակ մայրը 5 տարվա սիրեկանի ժլատությանը չի դիմացել և սուտ մատնություն է կատարել
  • Վլադիմիր Գասպարյանն ի՞նչ է զգուշացնում Հովիկ Աբրահամյանին
  • Ռուսաստանը, Իրանը և Պարսից ծոցի երկրները. Sabr, Քուվեյթ
  • Որքան է Արևմուտքից Թուրքիայի կախվածության ծավալը. Odatv.com, Թուրքիա
  • Մարտի 1-ի բացահայտման մասին հայտարարելը հասարակությանը հաճոյանալու քարոզչություն է. իրավապաշտպան
  • Էմմա Մանուկյան.«Փորձում եմ մեղքերս քավել»
  • Մովսես Երեմյան.«Միմյանց կորցնելու վախ կա միշտ»
Comments