Ես ինձ հիանալի եմ զգում, ես երիտասարդ եմ եւ կարողանում եմ խենթանալ, էլ ի՞նչ տարիքի մասին է խոսքը. Սոֆի Դեւոյանը նշում է 68-ամյակը


Այսօր՝ հուլիսի 8-ին, պարուհի եւ դերասանուհի Սոֆի Դեւովյանը նշում է ծննդյան 68 ամյակը: Միշտ կանացի ու երիտասարդ պարուհին Life.panorama.am-ի հետ զրույցում  կատակելով նշեց.

«Այսօր դարձա 35 տարեկան, ի՞նչ 68-ի մասին է խոսքը: Ես ինձ հիանալի եմ զգում, ես երիտասարդ եմ եւ կարողանում եմ խենթանալ, էլ ի՞նչ տարիքի մասին է խոսքը»,- ծիծաղելով նշեց հոբելյարը:

Հարցին, թե ինչպե՞ս է նա կարողանում պահպանել իր նման տեսակը, Սոֆի Դեւոյանը պատասխանեց.

«Կարծում եմ՝ սա ուղղակի տեսակի արդյունք է: Սա բնավորություն է, սովորություն գուցե, ես այսպիսին եմ ու վերջ: Հավատացեք՝ այսպիսին լինելու համար ոչ մի հատուկ բան չեմ անում»:

Մեզ հետ զրույցում Սոֆի Դեւոյանը նշեց, որ ողջ ընտանիքն ու մտերիմները արդեն ծննդյան օրվա նախապատրաստական աշխատանքներով են զբաղված.

«Մենք սովորություն ունենք՝ իմ ծննդյան օրը նշում ենք մեր տանը, հենց բակում մեծ սեղաններ ենք գցում, մի լավ քեֆ ենք անում, հետո, եթե եղանակը թույլ է տալիս, ջրվում ենք ու հիանալի օր անցկացնում: Սովորությունների շարքում իր կարեւոր տեղն ունի այն, որ ինձ հյուր են գալիս «Սոֆի Դեւոյանի պարի եւ հոգու թատրոնի» բոլոր անդամները: Արդյունքում ծննդյանս օրը միշտ մեծամասշտաբ ենք նշում»,- հավելեց պարուհին:

Ս. Դեւոյանի ծննդյան օրվա խորհրդանշական տորթը իր խոսքով պատրաստել է մտերիմներից մեկը, դե իսկ խոսելով երազանքների մասին՝ պարուհին նշեց.

«Հիմա միայն մի մեծ ցանկություն ունեմ, որ իմ բոլոր մտերիմները եւ ընտանիքիս անդամները առողջ լինեն, որովհետեւ մնացած ամեն բան մենք ինքներս կարող ենք ստեղծել: Մարդը, եթե ուզում է երջանիկ լինել, նա անպայման կլինի, իսկ եթե ցանկանա անընդհատ դժգոհել, ապա հաստատ կգտնի դժգոհելու պատճառներ: Մարդը պետք է կարողանա սովորել երջանիկ լինել, միայն այն, որ առավոտյան արթնանում ես, արդեն իսկ երջանկություն է: Պետք է կարողանալ սիրել քեզ շրջապատող ամեն ինչ, քանի որ այնտեղ, որտեղ սեր կա, չեն կարող վատ տրամադրություն կամ վատ հարաբերություններ լինեն»:

Իսկ վերջում Սոֆի Դեւոյանը նկատեց, որ իր տեսակի ու ունեցած այսօրվա համար շնորհակալ է.

«Շնորհակալ եմ Աստծուն ու ծնողներիս, չէ՞ որ նրանց շնորհիվ է, որ այսօրն ունեմ ու կամ: Շնորհակալ եմ նաեւ տղայիս ու հարսիս, ինչպես նաեւ ամուսնուս, որոնց շնորհիվ ես երջանիկ եմ: Շնորհակալ եմ բոլորին, ովքեր ինձ հասկանում ու գնահատում են»,- իր խոսքը եզրափակեց սիրված պարուհին:

Today's most read news !
  • Մարդը միշտ սիրո կարիք ունի, ու բնավ կարևոր չէ՝ սիրահարվել ես քեզնից շատ մեծի, թե փոքրի. Նարինե Պետրոսյան
  • Ստիպված եղա 35-ամյակս նշել բեմում. Գոհար Հովհաննիսյանը՝ ծննդյան օրն ընտանիքից հեռու լինելու մասին
  • Լինելու է անակնկալներով համերգ. Պրոդյուսերը՝ Ձախ Հարութի մենահամերգի մասին
  • Մաշա Մնջոյան.«Կտեղափոխվեմ, թե՝ ոչ, ապագան ցույց կտա»
  • Անկեղծ ու հետաքրքիր շփումներ հայտնիների հետ. Կայացավ «Step by Step with successful people» ֆորումը
  • Սարգիս Ավետիսյանը տեսահոլովակ է նվիրել արցախյան քառօրյա պատերազմի հերոսներին
  • Բոլորը արգելափակվել են նախընտրական սենյակում
  • Դուք էլ մարդկանց օգտակար եղեք, թող Ձեզ էլ դիմեն․ Սամվել Ալեքսանյան
Comments

Name: