Latest 10 episodes

Ի՞նչ նպատակով են Արամեն ու Աննա Թովմասյանը մեկնել Մոսկվա

Արամեն եւ կինը՝ Աննա Թովմասյանը, վերջին օրերին գտնվում եմ Ռուսաստանի Դաշնության մայրաքաղաքում, իսկ նրանք այնտեղ են ոչ միայն հանգստի, այլեւ աշխատանքային ծրագրերի նպատակով.

«Արդեն որոշ ժամանակ է՝ ես եւ Արամեն գտնվում ենք Մոսկվայում: Այստեղ մեր այցի գլխավոր նպատակը Արամեի նոր տեսահոլովակն է, որի նկարահանումներն արդեն իրականացվում են, բայց այդ մասին անձամբ Արամեն ավելի ուշ կխոսի»,- Life.panorama.am-ի հետ զրույցում նշեց երգչուհի Աննա Թովմասյանը:

Թեպետ զույգն այս ընթացքում հասցնում է նաեւ հաճելի ժամանակ անցկացնել, սակայն առանձին հանգստի մասին եւս մտածում են.

«Անկեղծ ասած՝ դեռ չենք պլանավորել մեր հանգիստը, քանի որ Արամեն շատ ծանրաբեռնված է աշխատանքներով: Ինչեւէ՝ սեպտեմբերին պետք է մեկնենք ԱՄՆ՝ կրկին աշխատանքային ծրագրեր իրականացնելու, սակայն հուսամ, որ այնտեղ հանգիստը կհամատեղենք աշխատանքների հետ»,- նկատեց Արամեի գեղեցկուհի կինը:

Աննա Թովմասյանը տեսակով ակտիվ մարդ է, բայց ինչպես ինքն է ասում, երբեմն հանգիստ մթնոլորտի կարիք ունի.

«Որքան էլ տեսակով ակտիվ եմ, միեւնույն է, գալիս է մի պահ, որ խաղաղ հանգստի կարիք ունեմ: Բայց ես ու Արամեն միասին միշտ լավ ժամանակ ենք անցկացնում, այդ իսկ պատճառով մեր հանգիստները միշտ բարձր տրամադրությամբ ու զվարճալի պատմություններով են ուղեկցվում եւ դառնում լավ հիշողություններ»,- հավելեց Աննան:

Արամե եւ Աննա զույգի լուսանկարներին հետեւելով՝ հասկանալի է դառնում, որ նրանք սիրում են հանգիստը կազմակերպել նաեւ հարազատ երկրում.

«Մենք սիրում ենք մեր Հայաստանը ու հաճախ ենք մեր ընկերների հետ հավաքույթներ կազմակերպում եւ այցելում Հայաստանի տարբեր տեսարժան վայրեր: Օտարերկրացիները մեծ գումարներ են ծախսում, որ գան մեր երկիր ու տեսնեն մեր գեղատեսիլ վայրերը, իսկ մենք ամեն վայրկյան հնարավորություն ունենք վայելելու մեր հայրինքը, ուստի պետք է օգտագործել այդ շռայլ հնարավորությունը»,- ավարտեց Աննա Թովմասյանը:

Today's most read news !
  • Աննա Դովլաթյանն ու Դավիթ Աղաջանյանը համատեղ բիզնեսներ են հիմնում
  • Ավարտել եմ դիմահարդարման դասընթացները ու սկսել եմ աշխատել նաեւ այդ ոլորտում. Լիկա Սալմանյան
  • Երգչուհի Լիանան՝ 20 կիլոգրամ նիհարելու իր գաղտնիքի մասին
  • «Եթե ես չսպանեի, ինքն էր ինձ սպանելու». Զեյթունում պարտքը չվերադարձնելու համար մոտ ընկերը սպանել է ընկերոջը
  • Քրիստինե Պեպելյան.«Ուզում էի վայելել իմ տարին»
  • 1990 թ. ԻՆՉՊԵՍ ԵՂԵԼ Է. Կամոյի շրջանում փեսան 2 ընկերների հետ մերկացրել և հրկիզել է աներձագին՝ տան նրա բաժնին տիրանալու համար
  • Երբեք չեմ մտածում, որ սա այն կետն է, որին հասել եմ եւ վերջ. Դիանա Շատվերյանը 32 տարեկան է
  • Ինչպես է նկարահանվել Սիրուշոյի «Դեր Զոր» տեսահոլովակը
Comments