Հայկական շուբիզնեսի ամենահայտնի արցախցիները

Արտեմ Վալտեր-երգահան, երգիչ 

Արտեմը վերջին շրջանում հայկական շուբիզնեսի ամենանորարար երաժիշտներից է: Նրա ամենահայտնի հիթերն են «Արմենիա», «Վառում ա» և այս տարի թողարկված «Տաշի-տուշի»-ն:  Նա նաև «Նեբո» երգի հեղինակն է, որը 2011թ. մանկական եվրատեսիլում հաղթանակ բերեց Ուկրաինային: 

Նանա-երգչուհի

Նանան հայկական շոուբիզնեսի հնաբնակներից է: Երգչուհու երաժշտական ուղղվածությունը, պետք է խոստովանել, մեր իրականության մեջ ամենապահանջվածներից է: իսկ սա նշանակում է, որ Նանան շատ լավ է վաստակում իր աշխատանքով: Բայց դա նրան չի խանգարում ինքնակրթվել ու փորձել անել ավելին, քան արված է: 

Մարտ Բաբայան-երգիչ

Մարտին սիրեցին միանգամից: Երիտասարդ հայ տղան նախ փայլուն կերպով հանդես եկավ ռուսական «Ձայն»-ում, իսկ հետո նույնը կրկնեց նաև նախագծի հայկական տարբերակում: Մարտի զուգերգը Աննա Սեմինովիչի հետ երգչին նաև ռուսական շոուբիզնեսում ճանաչելի դարձրեց: 

Մարբեյ-ջազ երգչուհի

Մարինե Հակոբյանը, նույն ինքը՝ Մարբեյը ներկա դրությամբ հայկական ջազ երաժշտության բնագավառում ամենասիրված ու պահանջված կատարողներից է: Աղջիկը ծնվել ու մեծացել է Ստեփանակերտում, իսկ այժմ աշխատանքի բերումով ապրում է Երևանում: Մարինեն նաև փայլուն կերպով ներկայացնում է Հայաստանը տարբեր միջազգային երաժշտական մրցույթներում:

Սարգիս Գրիգորյան-դերասան

Սարգսին բոլորը միանգամից սիրեցին « Որոգայթ» սերիալից: Իր խաղացած վայելչակազմ, խնամված ու ջենտլմեն կերպարին Սարգիսը իրական կյանքում ոչնչով չի զիջում: Դերասանն այժմ հմտանում է նաև հաղորդավարության մեջ: 

Աշոտ Լյուդվիգովիչ-պլաստիկ վիրաբույժ

Աշոտին համաժողովրդական  ճանաչում բերեց «32 ատամ-ակումբը», որտեղ նա փայլուն էր հանդես գալիս: Սակայն որոշ ժամանակ անց Աշոտը որոշեց վերադառնալ իր բուն մասնագիտությանը: Այսօր Աշոտը որպես պլաստիկ վիրաբույժ պահանջված է ոչ միայն Հայաստանում, այլ նաև նրա սահմաններից շատ ավելի հեռու:

Ջիվան Ավետիսյան-կինոռեժիսոր

Ջիվան Ավետիսյանը իր ողջ կյանքը, մինչև ուսանող դառնալը, անցկացրել է հարազատ ծննդավայրում՝ Արցախում: Նրա աչքերի առաջ են տեղի ունեցել Ղարաբաղյան պատերազմի բոլոր իրադարձությունները: Մանկական հիշողություններն ու ծանր ապրումները այժմ Ջիվանը մեծ վարպետությամբ փոխանցում է կինոժապավենին: Նրա ֆիլմերն իրոք բարձրաժեք են: 

Թամարա Պետրոսյան-դերասանուհի

Թամարան հայտնի էր  «Արցախի ձայնը» նախագծից, երբ Նարեկ Դուրյանը նրան մի օր առաջարկեց միանալ իր թատերախմբին ու փորձել հանդես գալ որպես դերասանուհի: Այդպես էլ եղավ. կարճ ժամանակ անց Թամարայի դերասանական տաղանդը մենք տեսանք ոչ միայն թատերական բեմից,  այլ նաև կինոէկրաններից:

Վարդան Բադալյան-երգիչ

Վարդանը ևս «Արցախի Ձայնը» նախագծից հայտնի դարձավ: Նա փայլուն ներկայացավ «Ընծա» երաժշտական մրցույթին ու հաղթանակից հետո տեղափոխվեց Երևան՝ սովորելու և աշխատելու:  Վարդանն իր տաղանդը ժառանգել է արցախյան ազատամարտի վետերան հայրիկից, ով ևս ունի փայլուն ձայնային տվյալներ, բայց երբեք երգարվեստով չի զբաղվել:

Տիգրան Պետրոսյան-երգահան, երգիչ

Տիգրանին բոլորը ճանաչում են Երգի պետական թատրոնից: Նրա հրաշալի ստեղծագործություններն  ու կատարումները միշտ լի են մեղեդայնությամբ, ռոմանտիկայով ու լիրիկայով: 

Մանե Գրիգորյան-հաղորդավարուհի

Մանեին ճանաչում ենք տարբեր հեռուստանախագծերից՝ որպես հաղորդավարուհի: Սակայն իր կարիերայի ամենապիկ հատվածում Մանեն գերադասեց ամուսնանալ ու նվիրվել ընտանիքին: Այժմ Մանեն իր փոքրիկի հետ վայելում է մայրության բերկրանքը և էկրաններին այդքան էլ հաճախ չի երևում: 

Ռազմիկ Ամյան-երգահան, երգիչ

Ռազմիկի արցախցի լինելը հայտնի է բոլորին: Բանը նրանումն է, որ Ռազմիկին այդպես էլ չհաջողվեց իր բարբառային խոսքն ադապտացնել գրական հայերենին: Ու հենց դա էլ նրան ավելի սիրելի դարձրեց: Անմիջական, շփվող, ընկերասեր մարդ, ով նաև հրաշալի երաժիշտ է: Վերջին ժամանակներում  նա հիմնականում կատարում է իր հեղինակած երգերը, որոնցից են «Չունի աշխարհը քեզ նման», «Լիանամ»: 

Արսեն Սաֆարյան-երգահան, երգիչ

Արսեն Սաֆարյանը հայկական էստրադայի,  այսպես ասած, հիմնաքարերից է: Արթուր Գրիգորյանի թեթև ձեռքով նա իր ընկերների հետ միասին կարողացավ դառնալ այն սերուցքը, որի հիման վրա հետագայում ձևավորվեց հայկական շուբիզնեսը: Արսենը լավ երգիչ լինելուց բացի նաև երգահան է, իսկ կարիերայի սկզբում նա կատարում էր իր եղբոր՝ Արթուր Սաֆարյանի հեղինակած ստեղծագործությունները: 

Արթուր Գրիգորյան-երգահան

Արթուր Գրիգորյանը Երգի պետական թատրոնի հիմնադիրն ու ղեկավարն է: Տաղանդավոր ու պրոֆեսիոնալ երաժշտի  դպրոցը կյանքի ճանապարհ հարթեց բազում հայ աստղերի համար: Նա բազմաթիվ հրաշալի ստեղծագործությունների հեղինակ է, իսկ հայրենի Արցախի մասին նրա երգերն ուղղակի աղոթք են ամեն մի հայի համար: 

Ֆաինա Հարությունյան-դիզայներ

Ֆաինան մանկության վաղ շրջանն է միայն ապրել Արցախում, որովհետև նրա ընտանիքը տեղափոխվեց Միջին Ասիա: Սակայն  իր ապագան ֆաինան այդպես էլ չտեսավ հայրենիքից հեռու: Նա եկավ Հայաստան ու  սկսեց զբաղվել իր սիրելի գործով: Այսօր  Ֆաինան մեր երկրում ամենապահանջված ու սիրված դիզայներներից է: 

Անդրե-երգիչ

Անդրեն 97 թվականին  տեղափոխվեց Երևան այն բանից հետո, երբ Ստեփանակերտում մի համերգի ժամանակ նրան նկատեց Երգի պետական թատրոնի ղեկավար Արթուր Գրիգորյանն ու տաղանդավոր պատանուն առաջարկեց իր հետ մեկնել Երևան ու լուրջ զբաղվել  երգարվեստով: Իր յուրատիպության, երաժշտական ոճի ու պրոֆեսիոնալության շնորհիվ  Անդրեն արդեն 20 տարի է՝ մեր շուոբիզնեսի ամենապահանջված ու ամենասիրված երգիչներից է:

Աննա Մայիլյան-օպերային երգչուհի

Աննանյի ձայնը հայկական դասական երգարվեստի  գոհարներից է: Փայլուն կատարողականություն, բնատուր բյուրեղյա ձայն, զգացմունքային մատուցում: Բազմաթիվ մրցույթներ, փառատոներ, ու ինչպես սովորաբար՝ մրցանակային տեղեր և գրան-պրիներ: 

Սարգիս Ավետիսյան-երգիչ

Սարգիսը մեր շոուբիզնեսի այն կատարողներից է, ում երգերը հատկապես սիրում ու իրենց հեռախոսների մեջ են քաշում հիմնականում դեռահասները: Սարգիսը Արցախի Հադրութի շրջանից է, հայրը Արցախյան ազատամարտի մասնակից է:

Today's most read news !
  • Սոֆի Դեւոյան.«Թոռնիկս մյուսների նախանձը չի առաջացնում»
  • Դերասանուհի Էթերի Ոսկանյանի նոր ֆոտոշարք ունի
  • Ես գեղեցիկ եմ, եւ իմ սիրտը զբաղված է. երիտասարդ դերասանուհի Եվա Զոհրաբյանը՝ կարիերայի և անձնական կյանքի մասին
  • Իսկ դուք գիտեք՝ քանի տարեկան են հայ հայտնիները
  • Զառան՝ «Քարե դարդ»-ի և ամերիկյան շրջագայության մասին
  • Զույգերը կարող են վիճել, բայց չդադարել սիրել. Արծրուն Չոբանյանը՝ «Փշրված պատրաքների մի գիշեր» ներկայացման մասին
  • Մերկել-Էրդողան «հակամարտությունն» ու Հայոց ցեղասպանությունը
  • Վերջին հրաժեշտը «Հաց բերողին»
Comments

Name: