Գոհար Հարությունյան.«Առաջնահերթ երեխաներիս ու իմ առողջությունն է»

Գոհար Հարությունյանը 37-ամյակի առթիվ երեկ ստացել է բազմաթիվ շնորհավորանքներ ու մաղթանքներ, սակայն տարեդարձը չի նշանավորել. «Այս անգամ չստացվեց կազմակերպել, եւ օրս անցկացրի ամուսնուս հետ: Իմ ամենակարեւոր ստեղծագործություններից՝ երեխաներիցս, շնորհավորանքներ ստացա. մեծ աղջիկս ծաղկած ծառի տեսքով շատ սիրուն ապլիկացիա էր պատրաստել։ Վերջերս ավելի շատ պատրաստվում եմ երեխաներիս տարեդարձներին. նրանց տոնը չնշելն աններելի կլինի:)»։

Գոհար Հարությունյանի ընտանիքը


Ամռան սկզբին գեղեցկուհին իր ընտանիքի հետ հանգստացել է Հունաստանում, նաեւ Ռուսաստանում. «Երեխաների համար ծովափնյա երկիր մեկնեցինք, որ առողջ լինեն ու կոփվեն ողջ տարվա համար։ Հիմա մայրիկները մտածում են ոչ թե հանգստի մասին, այլ թե ինչպես վարակներին դիմակայեն։ Այնուհետեւ այցելեցինք Ռուսաստանում ապրող մեր հարազատներին»։

Գոհար Հարությունյանը՝ դստեր հետ


«Միսս Հայաստան 1998»,  «Միսս ԱՊՀ 1999» եւ «Միսիս Գլոբ 2009» տիտղոսակրի ավագ դուստրը՝ Մելինեն, կհաճախի 3-րդ դասարան, Բիայնան՝ 2-րդ։ Գոհարի խոսքով՝ աղջիկներն անհամբեր սպասում են նոր ուսումնական տարվան. «Երկուսն էլ սիրով են դպրոց գնում, ինչն ինձ համար կարեւոր է։ Քանի որ ամառային արձակուրդներին որոշեցինք չծանրաբեռնել պարապմունքներով, միայն նկարչության գնացին, լիարժեք հանգստացան, նույնիսկ արդեն ձանձրացել են։ Բիայնան մայրիկիս հետ գյուղում է, որտեղ ընտանի կենդանիներ ունենք՝ հնդկահավ, նապաստակ, հավ, ոզնի եւ այլն։ Երեխաներս շփվում են նրանց հետ ու տուն գալիս։ Բիայնան կենդանասեր է, անգամ մեղուներին է սիրում»։

Գոհար Հարությունյանի դուստրը


Նախորդ տարի 36-ամյակի օրը նա նկարահանվում էր «3 շաբաթ Երեւանում» ֆիլմում, որի պրեմիերան կայացավ օրեր առաջ. «Փաստորեն անցյալ տարի էլ ծնունդս չեմ նշել:): Անկեղծ ասած, փոքրիկ ու թռուցիկ դեր էր, բայց շատ անհանգիստ ու լարված էի, որովհետեւ պարտավորեցնող էր, որ ինձ վստահել են։ Հիմա որեւէ տեղ չեմ նկարահանվում, առաջնահերթ ընտանիքս է, երեխաներիս ու իմ առողջությունը։ Ստացվում է, որ ողջ օրը զբաղված եմ, շատ էներգիա է պահանջվում»:

Today's most read news !
  • Իմ կյանքն ինձ ապացուցել է, որ ոչինչ չպետք է բացառել. Մարիամ Ադամյան
  • Սոնա Շահգելդյանը ապրիլ ամսին կդադարեցնի գործունեությունը
  • Վաղը կանցկացվի երթ՝ ԿԸՀ-ից ՀՀԿ-ի գրանցումը չեղյալ հայտարարելու պահանջով
  • Լեոնիդ Ագուտինը Երեւանում է
  • Թողնել «լոլո»-գիան, անցնել սոցիոլոգիայի
  • Սխալ ազդակներ հասարակությանը
  • Մարզպետները վիրավորական չեն համարում վարչապետի կրթվելու կոչը
  • Պետք էր ճշգրտությունը «պաշտել», ոչ թե հաշվարկը
Comments

Name: