Latest 10 episodes

Դպրոցական տարիներին թաղի տղա եմ եղել. Դելո

Այսօր՝ սեպտեմբերի 1-ին, երեւանյան փողոցներում իսկական տոնական տրամադրություն է տիրում. այսօր սեւ ու սպիտակ համազգեստներով աշակերտները բարձր տրամադրությամբ մեկնարկեցին 2016-2017ուսումնական տարին:

Թեպետ այսօրվա տոնական տրամադրությանը դերասան, հումորիստ Վահագն Ստեփանյանը՝ Դելոն, մասնակից չի լինի, սակայն ԱՄՆ-ում բնակվելով՝ նա չի մոռանում սիրելի դպրոցն ու իր սեպտեմբերի մեկերը:

«Սովորել եմ Արցախի հերոս Սամվել Գեւորգյանի անվան թիվ 189 միջնակարգ դպրոցում, ի դեպ՝ առաջին դասարան գնացել եմ վեց տարեկանում: Շատ անկեղծ աշակերտ եմ եղել, շատ լավ չեմ սովորել, գերազանցիկ չեմ եղել, բայց սիրել եմ դպրոցս: Դպրոցական տարիներին մեծ հաճույքով ընդգրկվել եմ մշակութային խմբում, սկսեցինք KBH խաղալ, իսկ  5-րդ դասարանից հայտնվեցի  դպրոցական լիգայի բեմում ու այդուհետ հումորից չկարողացա հրաժարվել: Ի դեպ՝ դպրոցական տարիներին թաղի տղա եմ եղել, կարծում եմ՝ տարեկիցներս կհիշեն, որ այն տարիներին նման հասկացություններ կային»,-Life.panorama.am-ի հետ զրույցում ժպիտով հիշեց Դելոն ու շարունակեց.

«Մեր ժամանակ ամենատպավորիչը կռիվներն էին: Իսկապես շատ-շատ էինք վեճերի մեջ հայտնվում ուրիշ դպրոցների կամ թաղերի տղաների հետ: Չգիտեմ, գուցե ժամանակներն էին այդպիսին, հետո 90-ականների կեսին մեր երկիրը հետպատերազմյան շրջան էր ապրում ու հնարավոր է, որ ընդհանուր լարվածությունն էր ստիպում, որ դպրոցներում կռիվները շատ լինեին»:

Մեզ հետ զրույցում Դելոն անկեղծորեն նկատեց՝ սիրել է բոլոր առարկաները, բացի քիմիայից:

Հետաքրքրվելով, թե օվկիանոսից այն կողմ ապրելով դերասանը կարողանո՞ւմ է պահպանել դասընկերների հետ կապը, Վահագնը պատասխանի հետ միասին իր համադասարանցիների համար հայտարարությամբ հանդես եկավ.

«Իհարկե, համացանցի միջոցով կարողանում ենք կապ պահպանել միմյանց հետ, սակայն անկեղծ ասեմ՝ համադասարանցիներիցս շատ քչերի հետ կապ ունեմ, քանի որ մի քանիսին եմ կարողացել գտնել սոցիալական ցանցերի միջոցով: Այնպես որ, սեպտեմների 1-ն ու այս հարցազրույցը հարմար առիթ է, որպեսզի դիմեմ բոլոր համադսարանցիներիս, եթե կարող են թող գտնեն ինձ, ես մեծ հաճույքով ուզում եմ բոլորի հետ շփվել»:

Today's most read news !
  • Ունեցա այն, ինչի մասին երազում էի. Լուսին Վարդանյան
  • Դերասան Ալեքսանդր Բաբասյանը հերթական անգամ քննադատությունների թիրախում է հայտնվել
  • Ես ուրախ եմ, որ չկա թուլություն ուժեղ սեռի հանդեպ. Գևորգ Գրիգորյան
  • Սիրուշոյի նոր լուսանկարները
  • 1991թ. ԻՆՉՊԵՍ ԵՂԵԼ Է. Էջմիածնում անփորձ վարձու մարդասպանը չի կարողացել սպանել զոհին, իրերի բերմամբ ինքնասպան է եղել
  • Երկրպագուներն ամբողջ աշխարհից շնորհավորել են Մխիթարյանին
  • Լեոնիդ Ագուտինը և «Էսպերանտո» խումբը հանդես կգան Երևանում
  • Կրասնոդարում վթարի է ենթարկվել Երևան-Սանկտ Պետերբուրգ միկրոավտոբուսը. հայտնի են տուժածների անունները
Comments

Name: