Հայաստանն «Օսկար»-ի «Լավագույն օտարալեզու կինոնկար» անվանակարգի համար հայտավորել է «Երկրաշարժ» ֆիլմը

Հայաստանի կինոմատոգրաֆիստների միությունում տեղի ունեցավ Հայկական ազգային կինոակադեմիայի հերթական նիստը: Նիստը նվիրված էր Հայաստանի կողմից Ամերիկյան կինոակադեմիայի ամենամյա «Օսկար» մրցանակաբաշխությանը «Լավագույն օտարալեզու ֆիլմ» անվանակարգում հայկական ֆիլմի առաջադրմանը: «Արմենպրես»-ի փոխանցմամբ՝ Հայկական կինոակադեմիայի անդամների փակ քվեարկության արդյունքում որոշվեց, որ «Օսկարի» կներկայացվի Սարիկ Անդրեասյանի «Երկրաշարժ» ֆիլմը, որը պատմում է 1988-ի դեկտեմբերի 7-ի Սպիտակի աղետալի երկրաշարժի մասին:

Քվեարկությունն անցկացվեց երկու փուլով: Առաջին փուլում 24 կինոակադեմիկոսներից ութը դեմ քվերակեցին ներկայացված երեք ֆիլմերին, 5 ձայն ստացավ «Երկրաշարժ» ֆիլմը, 3 ձայն՝ Դավիթ Սաֆարյանի «Տաք երկիր, ցուրտ ձմեռ» ֆիլմը, 7-ը ձայն տրվեց Ջիվան Ավետիսյանի «Վերջին բնակիչը» ֆիլմին, գրանցվեց մեկ անվավեր ձայն: Երկրորդ փուլ անցան Ջիվան Ավետիսյանի և Սարիկ Անդրեասյանի ֆիլմերը:

Քվեարկության երկրորդ փուլում 24 կինոակադեմիկոսներից 9-ը դեմ քվեարկեցին ներկայաված ֆիլմերին, մյուս 9-ը՝ իրենց ձայնը տվեցին «Երկրաշարժ» ֆիլմին, իսկ 6-ը քվեարկեցին «Վերջին բնակիչը» կինոնկարի օգտին: Արդյունքում կինոակադեմիայի անդամներն ընտրեցին Սարիկ Անդրեասյանի «Երկրաշարժ»-ը:

Ըստ Կինոակադեմիայի նախագահ Հարություն Խաչատրյանի՝ շատ կարևոր է, որ Հայաստանը ֆիլմ ներկայացնի «Օսկարի» նման հեղինակավոր մրցանակաբաշխությանը: «Մենք երեք ֆիլմի հայտ ենք ստացել: Հայաստանի համար սա աննախադեպ երևույթ է, քանի որ քիչ կինոնկարներ են նկարահանվում և ներկայացվում»,-նշեց կինոակադեմիայի նախագահը:

Կինոակադեմիկոսների հավաստմամբ՝ հաջորդ տարի հայտ ներկայացնող ֆիլմերի առաջ ավելի մեծ պահանջներ կդրվեն:

Today's most read news !
  • Արմենչիկ.«Երեխաներս ժամանակի ընթացքում կսովորեն դրան»
  • Լիլիթ Մուրադյանի նոր լուսանկարը դստեր հետ եւ էմոցիոնալ գրառումը
  • «OutDance»՝ նոր սիթքոմ «Շանթ»-ի եթերում
  • «Շատ կկարոտեմ». Գայանե Ավետիսյանը պատմել է՝ ինչու այլևս չի նկարահանվելու «Դոմինո»-ում
  • «Հուսամ, լավ արձագանքներ կլսեմ». Արտյոմ Մարկոսյանը նորություն ունի
  • Ինչպես է անցել Դիանա Շատվերյանի ծննդյան խնջույքը
  • Եթե ինձ ձայն չտաք, մեկ է՝ լցնելով իմ ուզած թիվը կգրանցեմ, ավելի լավ է ընտրեք. Շմայսի քարոզարշավը
  • Քոչարյանը նոր պլաններ է մշակում. ինչպես թեժացնել իրավիճակը և ներքաշել Ծառուկյանին
Comments
Loading...