Latest 10 episodes

«3+2 կգ» ֆիլմի պրեմիերան եւ դերասանների փորձությունները

Սեպտեմբերի 15-ին մեծ էկրան է բարձրացել «3+2 կգ» քրեական կատակերգությունը։ «Մոսկվա» կինոթատրոնում տեղի ունեցած պրեմիերային ներկա անձնակազմին եւ հյուրերին կտեսնեք BRAVO.am-ի ֆոտոշարքում: 

«3+2 կգ» ֆիլմի պրեմիերային


Ֆիլմի ռեժիսորը, սցենարիստն ու պրոդյուսերը Կորյուն Մայիլն է, որը հայտնի է «Քեռի Մուլտիկնիկ»-ի կերպարով, կոմպոզիտորը Գերմանիայից վերադարձած Արթուր Թադեւոսյանն է։ Գլխավոր դերակատարներից մեկը ռեժիսորն է, նկարահանվել են նաեւ Արման Նավասարդյանը, Արման Գեւորգյանը, Մխիթար Ավետիսյանը, Աննա Մարտիրոսյանը, Արթուր Հակոբյանը, Սարգիս Գրիգորյանը, Լիլիթ Գալստյանը, Հարություն (Տոշ) Դադուրյանը, Արթուր Պապիկյանը եւ ուրիշներ։
 
1 ժամ 24 րոպե տեւողությամբ ֆիլմի սցենարը գրվել ու նկարահանվել է այս տարվա ընթացքում։ «3+2կգ»-ը ծավալվում է 3 անդավաճան ընկերների ու 2 կգ թմրանյութի շուրջ, երբ նրանցից մեկը սպառնալիքի ներքո նարկոբարոններից մեկին խոստանում է 200 հազար դոլարի թմրանյութ իրացնել: Մտերիմ ընկերները հայտնվում են փորձությունների մեջ։

«3+2 կգ» ֆիլմի պրեմիերային


Առաջին դիտումից հետո ֆիլմի հեղինակ Կորյուն Մայիլը BRAVO.am-ին ասել է, որ սցենարը հիմնված չէ իրական պատմության վրա, սակայն կարող է իրական լինել։ Հարցին, թե ինչու է որոշել այս թեմային անդրադառնալ եւ արդյոք գոհ է արդյունքից, նա պատասխանել է.«Ռեժիսորը ե՞րբ կասի, որ իր նկարած ֆիլմը վատն է. մարդիկ դիտում ու ասում են՝ իրենց ինչ տվեց։ Մեր ասելիքն ուղղված է երիտասարդներին, որ քրեածին գործերի մեջ չմտնեն ու հեռու մնան թմրանյութերից։ Մեզ մոտ այս խնդիրը կա, եւ եթե երիտասարդն առաջին անգամ է բախվում, դիտելով ֆիլմը, կհասկանա՝ ինչ է կատարվում։ Ֆիլմը նախատեսված է 16 տարեկանից բարձր հանդիսատեսի համար, բայց անպատշաճ կադրեր չկան, հատուկ ցույց չենք տվել օգտագործման ձեւերը, կոկաին բառը փոխարինել ենք կավիճով»։

«3+2 կգ» ֆիլմի պրեմիերային


Ռեժիսոր-պրոդյուսերը ֆիլմի բյուջեն չի բարձրաձայնել.«Հստակ չեմ կարող ասել՝ ինչքան է կազմել, իմ գրպանից եմ ծախսել, բոլոր դերասաններին վճարել եմ իրենց հոնորարները, ի դեպ, բարձր, որովհետեւ արժանի են։ Քանի որ իմ կերպարն աշխատում է Երեւանի կենդանաբանական այգում, պետք է ասեմ, որ կենդանիները՝ ուղտը, գետաձին, տաղանդավոր «դերասաններ» են։ Նրանց չենք չարչարել. անկախ ինձնից՝ սիրում եմ կենդանիներին»:

Today's most read news !
  • Հայկական ողբերգության թույլ մխիթարություն
  • «Աղջի՛, էլի գնում ես …-իդ մո՞տ». Միայնակ մայրը 5 տարվա սիրեկանի ժլատությանը չի դիմացել և սուտ մատնություն է կատարել
  • Վլադիմիր Գասպարյանն ի՞նչ է զգուշացնում Հովիկ Աբրահամյանին
  • Ռուսաստանը, Իրանը և Պարսից ծոցի երկրները. Sabr, Քուվեյթ
  • Որքան է Արևմուտքից Թուրքիայի կախվածության ծավալը. Odatv.com, Թուրքիա
  • Մարտի 1-ի բացահայտման մասին հայտարարելը հասարակությանը հաճոյանալու քարոզչություն է. իրավապաշտպան
  • Էմմա Մանուկյան.«Փորձում եմ մեղքերս քավել»
  • Մովսես Երեմյան.«Միմյանց կորցնելու վախ կա միշտ»
Comments