Հայտնիները՝ Մհեր Մկրտչյանի «Կյանք ու կռիվ» ֆիլմի պրեմիերային

Ռեժիսոր և սցենարիստ Մհեր Մկրտչյանի «Կյանք և կռիվ» ֆիլմը սեպտեմբերի 21-ից մեծ էկրաններին կլինի։ Երեկ կայացավ ֆիլմի փակ պրեմիերան, որին ներկա էին շոու բիզնեսի ամենահայտնի դեմքերը։ Սամվել Թադևոսյանի, Անի Խաչիկյանի, ՀՏ Հայկոյի, Սամվել Թոփալյանի, Բաբկեն Չոբանյանի, Գեորգի Հովակիմյանի, Էլեն Սարգսյանի, Հայկ Պետրոսյանի, Վարդան Պետրոսյանի և այլ դերասանների մասնակցությամբ ֆիլմն արժանացավ ներկաների բարձր գնահատականին։ 

Սա Մհեր և Ալբերտ Մկրտչյանների հետնորդի առաջին ֆիլմն էր հայկական կինոշուկայում, սակայն բոլորը փաստեցին, որ ռեժիսորական, օպերատորական, նկարչական, սցենարական մանրակրկիտ աշխատանքը նոր որակ էր ժամանակակակից կինոյում։ Արցախյան պատերազմին նվիրված ֆիլմում նուրբ թելով միահյուսված են հումորը, որը կյանք է տալիս կռվի ժամանակ, և դրաման՝ իր բոլոր դրսևորումներով, որ բերում է պատերազմը։

Ֆիլմի բեմադրող օպերատորը Վահագն Տեր-Հակոբյանն է, կոմպոզիտորը՝ Արմեն Մարտիրոսյանը, սաունդթրեկի հեղինակը՝ Արթուր Գրիգորյանը, գործադիր պրոդյուսերը՝ Լիլիթ Մարտիրոսյանը, պրոդյուսերը՝ Կարեն Ղազարյանը, գլխավոր պրոդյուսեր՝ Ռուբեն Ջաղինյանը։

Ֆիլմի դերասանական կազմին ընտրելիս ռեժիսորն առաջնորդվել է ոչ թե նրանց հայտնիությամբ, այլ մասնագիտական հմտություններով։ Արդյունքում գլխավոր հերոսի դերակատարի՝ Սամվել Թադևոսյանի համար սա դեբյուտային ֆիլմ էր։ Թատերական ինստիտուտի շրջանավարտը ֆիլմում նկարահանվելուց հետո զորակոչվել է բանակ, զինվորականի առաջին փորձն էլ նկարահանումների ժամանակ է ձեռք բերել։

«Կյանք ու կռիվ»-ի աշխատանքները սկսվել են մոտ մեկ տարի առաջ։ Պրոդյուսեր Կարեն Ղազարյանը հայտնեց, որ ապրիլյան պատերազմը առիթ է հանդիսացել, որ նկարահանվի «Կյանք ու կռիվ. 25 տարի անց» ֆիլմը, որի առաջին աշխատանքներն արդեն սկսվել են։

                         

Today's most read news !
  • Սիրուշոն 12-րդ անգամ ճանաչվել է լավագույն երգչուհի
  • Քիմ Քարդաշյանն Instagram-ում ցուցադրում է մարզված մարմինը
  • Ինձ համար իսկապես անսպասելի էր այս միցանակը. Տաթեւ Հովակիմյանը՝ «Արտավազդ 2017»-ում «Լավագույն երիտասարդ դերասանուհի» կոչման մասին
  • Անաստասիա Բրուխտին՝ Սուպեր Սաքոյի հետ զուգերգի և հայկական արմատների մասին
  • Կարեն Բաբաջանյանը՝ երկրից ընդմիշտ հեռանալու մտքերի մասին
  • Պատկերը ապրիլի 2-ից հետո
  • Քենդալ Ջենները Love պարբերականի համար նկարահանվել է Մերիլին Մոնրոյի կերպարով
  • Ռազմական ինստիտուտի 2 կուրսանտ դանակով հարձակվել են տաքսու վարորդի վրա, թալանել են ու խլել մեքենան
Comments

Name: