«Դոմինո»-ի ռեժիսորը՝ սիթքոմից դուրս մնացած դերասանների և 3-րդ եթերաշրջանի մասին

«Դոմինո»-ի ստեղծագործական ու դերասանական կազմն այս օրերին գերզբաղված է. նկարահանվում է սիթքոմի 3-րդ եթերաշրջանը, որը խոստանում է նոր լիցքեր, անսպասելի փոփոխություններ ու նոր դերասաններ:

Life.panorama.am-ի հետ զրույցում ռեժիսոր Հարություն Խալաֆյանը պատմել է սիրված սիթքոմի 3-րդ եթերաշրջանի մանրամասների մասին.

«Մենք եթերում կլինեն հոկտեմբերի 11-ից ու կվերադառնանք շրջադարձային փոփոխություններով եւ անսպասելի զարգացումներով, այնպես որ, «Դոմինո»-ի երկրպագուները կարող են անակնկալների սպասել: Մեր հերոսները՝ Միկան, Նորիկն ու Գարիկը նոր իրավիճակներում են հայտնվում, նրանք այլեւս չեն ենթարկվում իրենց տնօրեններին, քանի որ ունեն սեփական բիզնես, սակայն դա որեւէ կերպ չի պակասեցնի տղաների խնդիրները: Էլ չասեմ, որ հերոսների անձնական կյանքում եւս լուրջ փոփոխություններ են լինելու»,- նշեց ռեժիսորն ու հավելեց, որ սիթքոմն ունենալու է նոր տաղավարներ, ինչը նշանակում է, որ 3-րդ եթերաշրջանը բավականին տարբերվող է լինելու նախորդներից:

Խոսելով դերասանական կազմի փոփոխություններից, Հարություն Խալաֆյանը նկատեց, որ արդեն սիրված հերոսներից մի քանիսն այլեւս չեն նկարահանվի սիթքոմում, փոխարենը նոր դերասանուհիներ կներկայանան, որոնք իրենց հետ սյուժետային նոր գծեր կբերեն.

«Մեր նոր եթերաշրջանում ավարտվում են տնօրենների՝ Արա Կարագյանի, Ելենա Վարդանյանի, Սաթենիկ Օհանյանի կերպարային գծերը, նրանք այլեւս չեն նկարահանվի, սակայն պետք է շեշտեմ, որ մեր համագործակցությունը իսկապես կայացավ ու սիթքոմից նրանց դուրս մնալը բացառապես սցենարի հետ էր կապված, մարդկային գործոն չկար ու մենք շարունակում ենք լավ գործընկերներ մնալ: Մեզ մոտ իր շատ կոլորիտային կերպարը կշարունակի կերտել Սոնա Շահգելդյանը: Ինչ վերաբերվում է նոր դերասանական կազմին, արդեն հայտնի է, որ վերջերս մայր դարձած Արփինե Իսրայելյանը մեր նոր հերոսուհիներից է, իսկ մյուս դերասանուհու անունը դեռեւս չեմ նշի, որպեսզի անակնկալ լինի: Նշեմ նաեւ, որ նախորդ եթերաշրջանների նման՝ այս անգամ էլ պարբերաբար հյուր-դերասաններ կունենանք, ովքեր ընդամենը 1-2 սերիայում կնկարահանվեն ու մեր հերոսների կյանքում տարբեր իրավիճակներ կստեղծեն: Նման նախագծերում դինամիկան ու հետաքրքրությունը պահպանելու համար նորություններ են պետք, այլապես հեռուստադիտողը կձանձրանա»,- ընդգծեց ռեժիսորն ու հավելեց, որ ամեն բան կախված է սցենարիստներից ու շատ հնարավոր է, որ նախկին դերասանները հետագայում կրկին նկարահանվեն սիթքոմում:

«Մենք այս շրջանում ամեն բան անում ենք, որպեսզի էլ ավելի հետաքրքիր լինենք մեր հեռուստադիտողին, այնպես որ, փակագծեր չբացելով՝ կասեմ բարի դիտում մեր շատ սիրելի հերոռուստադիտողներին»,- զրույցն ավարտեց Հարություն Խալաֆյանը:

Today's most read news !
  • Մարմնավաճառները գաղութում «տեսակցելու» էին Լեդի Հակոբի եղբորորդուն ու ընկերներին. 2 աշխատակից դատապարտվեց
  • Անձի երկվություն. Սերժ Սարգսյանի անբուժելի հիվանդությունը
  • Էմիլ Գալստյանը` «Քարե դարդ»-ն այլևս չհեռարձակելու լուրերի մասին
  • Վաղուց շատ լավ եմ ինձ զգում, ոչ մի խնդիր այլևս չկա. Գոռ Սուջյանն՝ իր առողջականի մասին
  • Նոր մանրամասներ՝ Քիմ Քարդաշյանի վրա կատարված հարձակումից
  • Արթնանում եմ առավոտյան 07:00-ին, որպեսզի համապատասխան տեսք ունենամ. Մհեր Խաչատրյանը՝ աշխատանքի և «Դոմինո»-ում նկարահանվելու մասին
  • Քայլի Ջեները լուսանկարների նոր շարք է հրապարակել
  • Քանյե Ուեսթը բժիշկների խորհրդով է բաց թողել Գրեմմին
Comments
Loading...