Ինձ համար լավ ու սրտացավ աշխատանքի գրավականը առաջին հերթին լավ մարդիկ են, այն թիմը, որի հետ աշխատում եմ. Լուսին Վարդանյան


Դերասանուհի Լուսին Վարդանյանը հեռուստադաշտում իր առաջին քայլերն արել է Հանրայաին հեռուստատեսությունում, երբ 2009-ին նկարահնվեց «Հանուն սիրո» սերիալում ու այդպիսով ճանաչվեց եւ սիրվեց հեռուստադիտողի կողմից: Այսօր Լուսինի քայլերը կրկին հարազատ հեռուստաընկերություն են տարել. Նա նկարահանվում է «Կյանքը շարունակվում է» նոր հաղորդաշարում, որն իր բնույթով սոցիալ-հոգեբանական նախագիծ է:

«Նախ փոքրիկ գաղտնիք բացելով՝ պիտի ասեմ, որ այս նախագծում ինձ հրավիրել են՝ նկատելով «Գուշակիր մեղեդին» երաժշտական հաղորդման ժամանակ, որին ամիսներ առաջ մասնակցեցի ու հաղթեցի: Այսինքն, բացի իմ աշխատանքները, այդ երաժշտական հաղորդումն է պատճառ հանդիսացել, որպեսզի այս նախագծում նկարահանվելու հրավերք ստանամ: Իսկ առաջարկը ստացա «Կյանքը շարունակվում է» հաղորդաշարի տնօրենից եւ ռեժիսորից ու պայմաններին, հատկապես դերասանական կազմին ծանոթանալուց հետո սիրով համաձայնեցի»,- Life.panorama.am-ի հետ զրույցում նշեց Լուսինն ու ընդգծեց.

«Ինձ համար լավ ու սրտացավ աշխատանքի գրավականը առաջին հերթին լավ մարդիկ են, այն թիմը, որի հետ աշխատում եմ: Վստահ կարող եմ ասել, որ բոլորն էլ հրաշալի անհատներ են, պրոֆեսիոնալ, ամեն մեկն իր գործի մասնագետն է ու շատ պունկտուալ, ինչը կատարյալ աշխատանքի 40%-ն է կազմում: Ուրախ եմ, որ կրկին իմ սիրելի Հանրային Հ/Ը-ում եմ աշխատում»:

Նշենք, որ «Կյանքը շարունակվում է» հաղորդաշարը, որը եթերում է սեպտեմբերի 12-ից, դաստիարակչական բնույթ է կրում, ավելին՝ Լուսինի խոսքով սցենարի հեղինակի հետ համատեղ սցենարական զարգացումների վրա աշխատում է հոգեբանը.

«Ինձ շատ է ոգեւորել այն միտքը, որ այս նախագիծը դաստիարակչական բնույթ է կրում իր մեջ, այն շատ ուսուցողական է, իսկ նման նախագիծ իրականացնելու համար մեծ աշխատանք է տարվում. Սցենարի վրա աշխատում է ոչ միայն սցենարի հեղինակը, այլեւ հոգեբանը, վերջինս յուրաքանչյուր սյուժե հոգեբանական վերլուծության է ենթարկում, անգամ դիալոգներն է նա գրում, ինչը էլ ավելի հետաքրքիր է դարձնում նախագիծը: Ուրախ կլինեմ, որ այս հաղորդաշարը երկար կյանք ունենա ու նման գործեր շատ լինեն»,- նշեց նա:

Խոսելով դերասանական անձնակազմից, Լուսին Վարդանյանը ընդգծեց.

«Առաջարկը ընդունելուս հարցում մեծ դեր է ունեցել նաեւ դերաանական կազմը. Բոլորը կիրթ, պրոֆեսիոնալ դերասաններ են, որոնց հետ աշխատելը ուղղակի հաճույք է ինձ համար. Ռոբերտ Հակոբյան, Ջուլիա Ստեփանյան, Արթուր Մանուկյան, Գեւորգ Չուլյան, Արմեն Սարգսյան՝ անուններ, որոնք հայտնի են հանդիսատեսին որպես պրոֆեսիոնալ դերասաններ»:

Ի դեպ՝ մեզ հետ զրույցի վերջում Լուսին Վարդանյանը նշեց, որ մոտ ապագայում հեռուստադիտողը իրեն մեկ այլ հեռուստասերիալում եւս կտեսնի, սակայն դեռեւս չբացեց փակագծերը, դրա թույլտվությունը չունենալու պատճառով:

Today's most read news !
  • Գագիկ Ծառուկյանի պատասխանը Սամվել Կարապետյանին
  • Գալուստ Սահակյանը՝ Սամվել Բաբայանի ձերբակալության և դպրոցների տնօրենների ձայնագրության մասին
  • Պատկերը ապրիլի 2-ից հետո
  • Սիրուշոն 12-րդ անգամ ճանաչվել է լավագույն երգչուհի
  • Ռազմական ինստիտուտի 2 կուրսանտ դանակով հարձակվել են տաքսու վարորդի վրա, թալանել են ու խլել մեքենան
  • Քենդալ Ջենները Love պարբերականի համար նկարահանվել է Մերիլին Մոնրոյի կերպարով
  • Որքան է կազմել Սամվել Կարապետյանի «Տաշիր գրուպ»-ին պատկանող ՀԷՑ-ի մաքուր եկամուտը անցյալ տարի
  • Սերժ Սարգսյանի նախագահության վերջին օրը
Comments

Name: