Իրինա Թովմասյանը՝ իր հղիության լուրերի մասին

Լուրեր են պտտվում, թե «Միսս Հայաստան 2001» տիտղոսը կրող Իրինա Թովմասյանն, ով երեք երեխաների մայրիկ է, կրկին պատրաստվում է մայրանալ: Life.panorama.am-ը լուրի իսկությունը պարզելու նպատակով փորձեց անձամբ Իրինայից տեղեկանալ, ով մեզ հետ զրույցում ծիծաղելով նշեց.

«Ոչ, այլեւս երբեք: Պաշտոնապես հայտարարում եմ՝ հղի չեմ ու չեմ էլ պատրաստվում, փոխարենը՝ մեծ սիրով ու գուրգուրանքով մեծացնում եմ իմ երեք հրաշք աղջիկներին: Ողջ օրս նվիրում եմ նրանց, վերջին շրջանում հատկապես զբաղված եմ Մեգգիի հաղորդավարական գործերով, քանի որ նոր էջ է վարում, նաեւ երկու փոքրիկներիս մանկությունն եմ փորձում գունեղ դարձնել, այնպես որ՝ շատ զբաղված բազմազավակ մայրիկ եմ»:

Հետաքրքրվելով, թե Իրինան չի՞ ցանկանում ամուսնուն որդի նվիրել, պատասխանեց.

«Շատ եմ լսել տղա ունեցող մայրիկներից, որ որդի ունենալն ուրիշ հաճույք է, բայց ես մի տեսակ համաձայն չեմ այդ մտքի հետ, գուցե իմ հայրական տանն էլ տղա չի եղել, կամ ինքս չունեմ դրանից է, բայց ես միշտ էլ ասել եմ՝ եթե յոթ երեխա ունենամ, կցանկանամ յոթն էլ աղջիկ լինեն: Ինձ հեշտ է աղջիկ երեխա մեծացնելը, փորձառու եմ, ամեն մանրուքի տիրապետում եմ: Ինչ խոսք, տղա ունենալու դեպքում եւս կսովորեի նրա հետ կապված առանձնահատկությունները, բայց ամեն դեպքում ուրախ եմ, որ երեխաներս աղջիկներ են»:

Today's most read news !
  • Եղբորս մահը երբեք չեմ օգտագործել ինձ PR անելու համար. Գուրգեն Դաբաղյան
  • Ռոբսոն, Դոն Պիպո․Ռուսաստանի հանցագործ աշխարհի հայ ներկայացուցիչներն աջակցում են Կարեն Կարապետյանին
  • Իմ և ամուսնուս խոսակցություններն երբեմն այնքան բուռն են լինում, որ ասում եմ` վերջ. Զառա Սահակյան
  • «Չեյնջ 2»-ը «Արմենիա Պրեմիում»-ի եթերում կցուցադրվի ապրիլի 4-ից
  • Շառլ Ազնավուրը բացահայտել է իր բնավորության գլխավոր հայկական գիծը
  • Վաչե Թովմասյանը` իր և Կարեն Բաբաջյանյանի միջև եղած խնդիրների և չշփվելու մասին
  • Քիմ Քարդաշյանը ցանկանում է ևս մեկ երեխա ունենալ
  • Սամվել Կարապետյանը հանդիպում է խնդրել Հովիկ Աբրահամյանի հետ. առաջարկը չի մերժվել
Comments

Name: