Սոնայի համերգի մանրամասներն ու հատուկ հյուրերը

Մոտ մեկ տարվա դադարից հետո երգչուհի Սոնան կրկին ելույթ ունեցավ երևանյան ակումբներից մեկում։ BlogNews-ը ներկայացնում է նրա համերգի հետաքրքիր պահերն ու մանրամասները։ Իսկ ամենանսպասելին այն էր, որ հաղորդավար Հրաչ Մուրադյանը խոստովանել է, որ ժամանակին սիրահարված է եղել Սոնային:)

«Շատ հագեցած ծրագրով ենք ներկայանում։ Ես էլ ինձ շատ ոգևորված եմ զգում, քանի որ «Հայաստանի ձայնի» երկու հաղթողները՝ Մաշա Մնջոյանն ու Ռաիսա Ավանեսյանը,  կողքիս են։ Նրանց հետ զուգերգեր կկատարեմ,- ասաց Սոնան ու հավելեց, որ ծրագրում նորությունները շատ չեն,- ակումբում քիչ մարդիկ են հավաքվում, ամեն անգամ հուսով ենք, որ նոր մարդիկ կգան, կլսեն մեր ծրագիրը։ Այսօր տարբեր շրջանների երգեր եմ կատարելու։ Կլինեն նաև նոր երգեր։ Միևնույն է, Սոնան չի կրկնվում։)»։

Երգչուհին նշեց, որ միշտ կարոտում է հայ հանդիսատեսին և ուրախ է, որ ամեն անգամ հանդիպելու հնարավորություններ են լինում։ «Imagine» բենդի հետ էլ բավականին համերգներ ենք տվել, համերգ առ համերգ իրար ավելի լավ ենք հասկանում»,- նշեց երգչուհին։

Ռաիսա Ավանեսյանը հատուկ այս համերգի համար է եկել Հայաստան։ «Սոնան աշխարհի որ կետում էլ լինի, բոլոր գործերս կթողնեմ ու կգնամ իր համերգին։ Շատ ուրախ եմ, որ այսօր իր կողքին եմ։ Ամեն անգամ նոր բաներ եմ սովորում իրենից»,- ասաց Ռաիսան ու հավելեց, որ իրենց զուգերգն արդեն պատրաստ է, սակայն ցանկանում են տեսահոլովակով ներկայացնել։

Մաշա Մնջոյանն ու Սոնան կատարեցին իրենց նոր զուգերգը՝ «Run away»-ը։ Մաշան ևս նշեց, որ շատ է սիրում Սոնային ու շատ բան է սովորում իրենից։ «Կապ չունի՝ երբ է լինում համերգը և Հայաստանի որ քաղաքում, կարծես կանոն լինի, որ ես ու Ռաիսան միշտ ներկա ենք։ Մեր ներկայությունը ուրախացնում է Սոնային, մենք էլ ուրախ ենք, որ կարողանում ենք իր համերգի մի մաս կազմել»,- նշեց երգչուհին։

                    

Today's most read news !
  • «Հանրային լինել դեռ չի նշանակում հանդուրժել նման դրսևորում սեփական անձի նկատմամբ». Մերի Հակոբյան
  • Գուցե իմ ստացած դաստիարակությունն է պատճառը, որ հրաժարվում եմ բաց տեսարաններում նկարահանվել. Եվա Բաղդասարյան
  • Քիմ Քարդաշյանը կես միլիոն դոլար է ստանում Instagram-ում գովազդային մեկ հրապարակման համար
  • Առնվազն անբարոյականություն կլինի թերագնահատել ՀՀԿ-ի այս ցուցակը
  • Ուտել-խմելու պրոցեսը սիրում եմ, բայց այսօր ընկերական մթնոլորտում չեմ նշի ծննդյանս օրը. Մհեր Խաչատրյան
  • Հենրիխ Մխիթարյանը և Յուրա Մովսիսյանը միմյանց դեմ կխաղան
  • Կայացավ «Հաց բերողի» հոգեհանգստյան արարողությունը
  • Նա իր կյանքի արժեքը մեզ թողնելով՝ մեզ համար օրինակ դարձավ. Արսինե Խանջյանը՝ Հաց բերողի հոգեհանգստին
Comments

Name: