Հովհաննես Ազոյան.«Յուրաքանչյուր բացասական մարդ իր դրական կողմերն ունի»

Դերասան Հովհաննես Ազոյանը նոր՝ «Change» սիթքոմի գլխավոր դերակատարն է եւ մեկի փոխարեն հանդես կգա երկու կերպարում: Հումորային նախագիծը հոկտեմբերի 31-ից կցուցադրվի «Արմենիա Պրեմիում» հեռուստաալիքով:

Հովհաննես Ազոյանը


24 սերիայից բաղկացած ժամանցային սիթքոմում նա քրեական հեղինակություն  Վիրաբի եւ անհաջողակ, ազնիվ դերասան Մարսելի դերերում է: Խաղընկերներն են Արմեն Մարգարյանը, Արթուր Նալբանդյանը, Մարիամ Մելիքյանը, Լիլիթ Հարոյանը, Անի Քոչարյանը, Անի Պետրոսյանը եւ այլք:

«Երեւի բացասական կերպարն ավելի հոգեհարազատ է. «կատաստրոֆիկ» ջղային, խիստ հանցագործի դերում եմ: Վաղուց ուզում էի բազմաշերտ կերպար խաղալ, բայց նշեմ, որ յուրաքանչյուր բացասական մարդ իր դրական կողմերն ունի: Արտաքնապես ու խառնվածքով դերերս տարբեր են, սանրվածքս ու ոճս կտրուկ փոխվում է: Խաղընկերս հիմնականում Արմեն Մարգարյանն է. միշտ ցանկացել եմ նրա հետ խաղալ, այս անգամ հնարավորություն ունեցա»,-նշել է դերասանը:

«Change»-ում Հովհաննես Ազոյանի խաղընկերն է Արմեն Մարգարյանը


Նախագծի պրոդյուսերը Գրիգոր Վահրամյանն է, սցենարիստը՝ Աշոտ Աբրահամյանը: Ինչպես հայտնել է Հովհաննեսը, սիթքոմը կցուցադրվի շաբաթական երկու անգամ. «Նա իմ մասնակցությամբ «Պահանջվում է միլիոնատեր», «Poker.am», «Փեսացուն կրկեսից» ֆիլմերի սցենարիստն է: Ես սցենարին չեմ խառնվում, կարող եմ մասնակցել զտմանը միայն ընթերցանության ժամանակ»: 

Today's most read news !
  • Վաչե Թովմասյանի կինը հղիությունից հետո վերականգնել է գեղեցիկ կազմվածքը
  • Արեւիկ Ուդումյանի հարստանալու բանաձեւը
  • Կցանակնամ, որ մարդիկ հասկանան, թե էս երկրում ո՞վ է իսկապես իրենց ծաղրում. Շուշանիկ Արևշատյանը՝«X-Factor»-ը քննադատողներին
  • Քիմ Քարդաշյանի քույրերը ցուցադրել են իրենց հրապուրիչ կազմվածքը
  • Հենրիխ Մխիթարյան. «Երբեք ոչնչից մի ընկճվեք, լավատես եղեք և պայքարեք ձեր նպատակների համար»
  • Անկախ երգի ընտրությունից՝ երգչի համար շատ կարեւոր է սատարումը. Արամ MP3-ը՝ «Եվրատեսիլ-2017»-ում հայաստանյան երգի մասին
  • Պարոն ոստիկանապետ, ՃՈ աշխատանքը ձեր անձնական կոնտրոլի տակ վերցրեք. Կարեն Կարապետյան
  • Թեժ քննարկում Փարաքարում. ներկա էին ոստիկանապետը, ՃՈ պետի տեղակալը, պատգամավորը
Comments

Name: