Արմեն Դալլաքյանը՝ սիրելիից բաժանվելու մասին


«Փոխնակ մայրը» հեռուստասերիալում նկարահանվող դերասան Արմեն Դալլաքյանի աշխատանքային գործունեության ու իր պատկերացումների ցանկալի կնոջ մասին Life.panorama.am-ը վերջերս է պատմել, իսկ օրեր առաջ հարցազրույցներից մեկի ժամանակ Արմենը նշել էր, որ վերջապես գտել է իր միակին ու շուտով կնշանադրվի:

Թեմայի շրջանակում Life.panorama.am-ը փորձեց մանրամասներ իմանալ դերասանից, սակայն, ցավոք, պարզվեց, որ Արմեն Դալլաքյանն ու սիրելին վիճել են ու հիմա միասին չեն:

Խոսելով բաժանության պատճառների մասին՝ Արմենը պատմեց.

«Մեր վեճի մեղավորությունը միայն իր վրա չեմ բարդում, գուցե ես էլ մեղավորություն ունեի, սակայն նա շատ խանդոտ էր, պատճառը՝ հիվանդագին խանդն էր»,- նշեց Արմենը, իսկ հարցին, թե ինքը իրեն խանդոտ չի՞ համարում, պատասխանեց.

«Իհարկե, ես էլ եմ խանդոտ: Հարաբերություններում խանդն իր տեղն ունի, բայց չափի մեջ, անտեղի խանդը հիվանդություն է»:

Արմեն Դալլաքյանը հույս հայտնեց, որ հաջորդ տարին սիրային հարաբերությունների իմաստով հաջող կլինի: Նա Իր կողքին տեսնում է հետեւյալ հատկանիշներով կնոջ.

«Ինձ համար շատ կարեւոր է, որ ապագա կինս շատ հայեցի լինի, ինձ համար օրինակելի կին ու երեխաներիս համար կատարյալ մայր լինի: Սրանք ամենակարեւոր հատկանիշներն են, որ կինս պետք է ունենա»,- հավելեց նա:

Հարցին, թե դերասանը նոր հարաբերությունների համար իրեն այս շրջանում փա՞կ է պահում, պատասխանեց.

«Ոչ, պատրաստվում եմ նոր ու ավելի լուրջ հարաբերությունների»:

Ի դեպ՝ մեզ հետ զրույցում Արմենը նշեց, որ պատրաստվում է տեսահոլովակով մուտք գործել երգարվեստ.

«Արդեն երեք տարի է, ինչ երգում եմ, սակայն հիմա ավելի եմ փորձում խորանալ: Արդեն ունեմ իմ անձնական երգը, որի հեղինակն է Անդրանիկ Շահինյանը: Երգը կոչվում է «Սիրել եմ», որի հիման վրա նկարահանված տեսահոլովակը կլինի մոտ մեկ ամսից: Նշեմ, որ տեսահոլովակի ռեժիսորությամբ ինքս եմ զբաղվելու»:

Today's most read news !
  • Եղբորս մահը երբեք չեմ օգտագործել ինձ PR անելու համար. Գուրգեն Դաբաղյան
  • Իմ և ամուսնուս խոսակցություններն երբեմն այնքան բուռն են լինում, որ ասում եմ` վերջ. Զառա Սահակյան
  • Ռոբսոն, Դոն Պիպո․Ռուսաստանի հանցագործ աշխարհի հայ ներկայացուցիչներն աջակցում են Կարեն Կարապետյանին
  • Գագիկ Ծառուկյանի պատասխանը Սամվել Կարապետյանին
  • «Չեյնջ 2»-ը «Արմենիա Պրեմիում»-ի եթերում կցուցադրվի ապրիլի 4-ից
  • Շառլ Ազնավուրը բացահայտել է իր բնավորության գլխավոր հայկական գիծը
  • Վաչե Թովմասյանը` իր և Կարեն Բաբաջյանյանի միջև եղած խնդիրների և չշփվելու մասին
  • Քիմ Քարդաշյանը ցանկանում է ևս մեկ երեխա ունենալ
Comments

Name: