Գուցե ես խանգարում եմ մարդականց. Ինչու Նաիրա Մովսիսյանին այլևս չեն հրավիրում հեռուստանախագծերում նկարահանվելու

Դերասանուհի Նաիրա Մովսիսյանը դստեր ծնունդից հետո  այլեւս չի հանդիպում նախագծերում: Դերասանուհուն այլեւս չե՞ն հրավիրում, թե ինքն անձամբ չի ցանկանում նկարահանվել, այս հարցը Life.panorama.am-ը փորձել է ճշտել Նաիրայից:
 
«Ինքս էլ չգիտեմ ինչու, բայց առաջարկներ վերջին շրջանում չեմ ստանում: Այս հարցի պատասխանն, իհարկե, ես չեմ կարող տալ, գուցե ամեն մեկն իր խումբն է հավաքել ու չի ուզում շեղվել իր թիմից, գուցե ես եմ չափից ավելի անտաղանդ, կամ խանգարում եմ մարդականց»,- նշեց Նաիրան, իսկ հարցին, թե ըստ իրեն ո՞ւմ է խանգարում, կամ արդյոք այս ընթացքում հեռուստաընկերությունների հետ վիճաբանություններ է ունեցել, պատասխանեց.
 
«Ոչ, երբեք  նման բան չի եղել: Առհասարակ, ես ոչ մեկի հետ չեմ վիճում: Ինչ վերաբերում է որեւէ մեկին խանգարելուս, այս հարցին եւս կդժվարանամ պատասխանել. Գուցե մեկից առավել եմ, կամ պակաս, գուցե պետք չէ, որ ես էկրաններին լինեմ, որովհետտեւ կարող եմ ծածկել ինչ-որ մեկին, կամ նրանք ինձ ծածկեն»:
Մեր նկատառմանը, թե Նաիրա Մովսիսյանը չի՞ ցանկանում անձամբ քայլեր ձեռնարկել ու առաջարկել իր մասնակցությունը, դերասանուհին հստակեցրեց.
 
«Ոչ, իմաստ չեմ տեսնում քայլ  անելու, որովհետեւ սա այն մասնագիտությունն է, որ կամ պետք ես, կամ ուղղակի պետք չես: Ի տարբերություն շատերի` ես երբեք չեմ սպասել, որ ինչ-որ մեկի զանգով կամ ինչ-որ մեկի խաթր ինձ հրավիրեն աշխատանքի: Փառք Աստծո ինձ միշտ գտել են, զանգել ու հրավիրել են, հիմա էլ իմ տեղը բոլորը գիտեն, կոնտակտներս էլ չեն փոխվել»:
Պատասխանելով հարցին, թե ինչ կարծիք ունի Նաիրան հայկական հեռուստաընկերությունների այսօրվա արտադրանքների վերաբերյալ, դերասանուհին նշեց.
 
«Ցավով պետք է նշեմ, որ հիմա մեկ կադրից ավելի չեմ կարողանում որեւէ նախագիծ նայել: Իհարկե, ինչ վերաբերվում է սիթքոմներին, շատ լավ է, որ դրանք այսօր շատ են, քանի որ անկախ որակից` դրանք ժպիտ են առաջացնում, սակայն սերիալների իմաստը ես ուղղակի չեմ հասկանում: Հետո, ի տարբերություն առաջվա, հիմա դերասանները միաժամանակ տարբեր հեռուստաընկերությունների սերիալներում են խաղում, ինչը խառնաշփոթ է ստեղծում: Ինչեւէ, ուրախ եմ, որ մարդիկ աշխատանք ունեն ու գումար են վաստակում»:
Հարցին, թե աշխատանք չունենալով Նաիրան ինչպե՞ս է հոգում ֆինանսական ծախսերը եւ արդյոք այլ աշխատանքով չի զբաղվում, մանրամասնեց.
 
«Դե շատերը գիտեն, որ բացի իմ մասնագիտությունից նաեւ ստեղծագործում եմ, սցենարներ եմ գրում, բայց դրանով գումար չեմ աշխատում, իսկ ինչ վերաբերվում է ֆինանսական կողմին, Փառք Աստծո, ես ունեմ մայր, ով ինձ լավ պահում է»:
Today's most read news !
  • Էրոտիկ աղջիկներ եւ շքեղ ավտոմեքենաներ՝ Նորոյի նոր տեսահոլովակում
  • Նաիրա Մովսիսյանի 29-ամյակի խնջույքն ու ամենատպավորիչ նվերը
  • Կապանում խորթ հայրը ոտքով հարվածել է 3-ամյա փոքրիկի հետույքին, երեխան ընկել ու գանգուղեղային փակ տրավմա է ստացել
  • Հետաքրքիր մանրամասներ հայ աստղերի փարիզյան մրցանակաբաշխությունից
  • Քարդաշյանների ընտանիքը անվտանգության ծառայությունից օգտվում է շուրջօրյա
  • 1995 թ. ԻՆՉՊԵՍ ԵՂԵԼ Է. Երևանում հայտնի «շունբազը» ատրճանակի կրակոցներով սպանվել է իր տան շքամուտքում
  • Սիրուշոյի և PicsArt-ի համագործակցությամբ նոր հավելված է ստեղծվել
  • Երկու թևերի որոշակիացող պայքարը. ինչ է սպասվում հանրությանը
Comments

Name: