«Երբ մտածեմ վերջին կանգառի մաիսն, կնշանակի կյանքն ավարտվել է». Հայկ Աֆրիկյան

Իրենց ուսուցչին՝ ընկեր Հայկին, ուսուցիչների տոնի կապակցությամբ անակնկալ մատուցելու համար աշակերտները հավաքվել էին Level One դերասանական ստուդիայի մուտքի մոտ: Ներս մտնելիս, իսկույն հասկացա, որ խոսքը դերասան Հայկ Աֆրիկյանի մասին է, ով դեռ ուսանող եղած ժամանկներից մտածում էր. դասախոսը պետք է լինի ընկերական և իր ողջ գիտելիքները փոխանցի ուսանողներին: Ընկեր Հայկի և իր աշակերտների հետ ստեղծած անմիջական միջավայրը տեսնելուց հետո հասկացա, որ դերասան Հայկ Աֆրիկյանը հասել է իր երազաքին: 

LADYNEWS.am-ի հյուրասրահում է ռեժիսոր, դերասան, երգիչ, մոդել Հայկ Աֆրիկյանը։

- Հայկ, վաղուց հեռուստադիտողը Ձեզ չի տեսնում էկրաններին: Ինչո՞վ է պայմանավորված երկարատև լռությունը:

- Լռության գլխավոր պատճառներից մեկն այն է, որ ամբողջությամբ զբաղված եմ իմ ստուդիայով: Ես ծնողի նման հետևում եմ երեխաներիս և ցանկանում, որ նրանք փողոցում քայլելիս նույնիսկ իրենց խոսելաձևով տարբերվեն: Երբ մարդը հայտնություն է ձեռք բերում, շատ դեպքերում դառնում է անհասանելի:Ես երեխաներին սովորեցնում եմ չլինել այդպիսին, նրանց մեջ սերմանում եմ լինել հասարակ, ուղղակի մարդ:

Պատճառներից մեկն էլ այն է, որ այսօր շատ-շատ սերաիլներ որակազրկվել են, որովհետև էկրանին են հայտնվել այնպիսի մարդիկ, ովքեր բոլորովին կապ չունեն դերասանական արվեստի հետ:Ես նրանց չեմ մեղադրում, նրանք մեղավոր չեն:

Մյուս պատճառն էլ այն է, որ դերասաններն այսօր շատ ցածր են վարձատրվում: Բացի դա դերասանի մոտ գալիս է մի պահ, երբ նա լիցքավորվելու կարիք է ունենում: Փորձում եմ հիմա գեղարվեստական ֆիլմերում հանդես գալ, քանի որ այնտեղ կա արհեստավարժություն:

- Ֆեյսբուքում հաճախ եք կիսվում նոր նկարահանվող ֆիլմի շրջանակներում արված նկարներով: Ֆիլմում նկարահնվելու է նաև Ձեր եղբայրը: Կպատմե՞ք նոր աշխատանքների մասին:

- Վերջերս նկարահանվեցի հայ-ռուսական համատեղ գեղարվեստական ֆիլմում, որի մասին ինձ վերապահված չէ դեռևս խոսել: Հավանաբար մյուս տարի ֆիլմն արդեն մեծ էկրաններին կլինի: Նշեմ, որ ֆիլմը կոմեդիայի ժանրում է նկարահնված: Այն այսօրվա կոմդեիաներին նման չէ, քանի որ այնտեղ կա նաև գրականություն, դրամատուրգիական ճիշտ կառուցվածք և բարձր պրոֆեսիոնալիզմ:

Իմ կերպարը ֆիլմում շատ հետաքրքիր է: Այնտեղ հանդես եմ գալիս որպես թիկնապահների ղեկավար, ով միշտ իր ղեկավարի կողքին է: Կերպարը ի սկզբանե այլ է եղել, բայց երբ ես գնացի ռեժիսորի մոտ այնպես ստացվեց, որ վերջինս ինձ տեսնելուց հետո կերպարը փոխեց և հարմարեցրեց ինձ: Ֆիլմում խաղում եմ եղբորս հետ: Նրա հետ աշխատելը բարդ չէ: Մենք շատ տարբեր ենք, բայց և շատ նման ենք: Ճաշակով նույնպես նման ենք, նաև՝ կյանքի մոտեցումներով, մտածելակերպով: Շատերն ասում են անգամ շարժուձևով ենք նման: Ես անհարմարություն չեմ զգացել նրա հետ աշխատելիս:

- Բացի դերասան լինելուց, նախկինում հանդես եք եկել որպես երաժշտական խմբի անդամ: Հայկ, Ձեր հարցազրույցներից մեկում ասել էիք, որ մի քանի պատրաստ երգեր ունեք, պետք է ձայնագրել և, եթե կրկին ներկայանաք այս ոլորտում, հանդես կգաք սոուլ ժանրում: Արդեն գրեթե երեք տարի է անցել: Ժամանկը չէ՞ դրանք  ներկայացնել հանրությանը:

-Դա իմ թույլ տեղն է: Ես մինչ օրս ապրում եմ երգարվեստով: Ինձ համար իսկական երգարվեստը ջազն է, սոուլը, բլյուզը, հայկական երաժշտության մեջ Կոմիտսը, Հախվերդյանը, Հայրիկ Մուրադյանը, Ֆորշը, Էվելինա Մակարյանը: Ես չեմ լսում այն ամենը, ինչ այօր ունենք: Այսօր բոլորը երգում են «սեր», «յարս», նույն թեմաները: Ընդունելու համար այն, ինչ այսօր երգում են, պետք է տեսակով լինել այդպիսին: Ես այդպիսին չեմ: Ունեմ երկու սոլո կատարում, որոնց հիման վրա մինչ այսօր, ժամանակի պատճառով, չի ստացվում տեսահոլովակ նկարահանել: Ես ուզում եմ լինի գեղեցիկ, ճիշտ մատուցում: Հավանաբար գալիք տարի կլինի տեսահոլովակ:

Իմ ամենաքաղցր հիշողությունները կապված են մեր երաժշտական խմբի հետ: Մեր երգերում չկար չարություն: 2007 թվականին Կալիֆորնիայում ձայնասկավառակ թողարկեցինք, որից ստացված ամբողջ հասույթը փոխանցեցինք հաշմանդամություն ունեցող երեխաների հիմնադրամին:

- Իրական կյանքում ամաչկոտ եք: Ասում են՝ ամաչկոտ մարդը չի կարող «բեմի մարդ» լինել: Ձեր դեպքում հակառակն է՝ բեմում ավելի ազատ եք: Ինչպե՞ս է այդ փոփոխությունը տեղի ունենում:

- Մարդու այն տեսակն եմ, որ հոգեպես մի քիչ ուրիշ եմ: Իսկապես կյանքում շատ ամաչկոտ եմ: Երևի դա լավ է, քանի որ, երբ մարդը կորցնում է ամոթի զգացումը, նշանակում է՝ մարդ ասվածից հեռացել է: Միշտ պետք է «դուխով» լինել, եթե մի բան անում ես, պետք է չկաշկանդվել: Իսկ բեմում պետք է «դուխով» լինել:

- Հայկ, համբերատա՞ր եք:

- Ես շատ ուժեղ մարդ եմ, նաև համբերատար, բայց մի կետ կա, երբ հասնում են դրան, կորցնում եմ համբերատարությունս: Ես ինքս ինձ բարի մարդ եմ համարում:

- Թե ֆեյսբուքյան Ձեր գրառումներում, թե հարցազրույցներում հաճախ ենք հանդիպում Աստված բառին: Այսօր շատերն են վախենում խոսել Աստծո մասին: Աստվածավախ ե՞ք:

- Եթե ինձ հարցնեք ինչի՞ց եմ վախենում, կպատասխանեմ՝ Աստծո բարկությունից և, եթե ինձ հարցնեք, թե ո՞ւմ եմ այս ամենի մեջ շատ սիրում, կպատասխանեմ՝ Աստծուն: Մարդիկ թող Աստծուց չամաչեն, որովհետև նեղության մեջ Նրա անունն են տալիս: Ինչո՞ւ է նրանց թվում, որ Աստված էլ նրանցից չի ամաչում: Ես վախենում եմ ոչ թե Աստծուց,այլ նրանից, որ չբարկացնեմ Նրան: Դրանք տարբեր բաներ են: Պետք է չար գործերից վախենալ, ոչ թե Աստծուց: Իմ ֆեյսբուքյան գրառումներն անելիս միշտ մտածում եմ, եթե մարդիկ կարդան ու նրանցից գոնե մեկի մեջ ինչ-որ բան փոխվի, ուրեմն իմ կյանում ինչ-որ բան արել եմ: Իմ էջում տեղադրում եմ այնպիսի բաներ, որոնց կարիքը մարդիկ, գուցե չգիտեն, բայց՝ ունեն:

- Դերասան, ռեժիսոր, երգիչ մոդել և, ի վերջո, դասախոս: Կարծես ճամփորդում եք Ձեր բոլոր երազանքների միջով: Որտե՞ղ է լինելու վերջին կանգառը:

- Երբ մտածեմ վերջին կանգառի մաիսն, կնշանակի կյանքը ավարտվել է (ծիծաղում է) : Ես գոհ եմ այն ամենից, ինչ ունեմ: Եթե մարդը չգոհանա իր ունեցածից՝ դա էլ կկորցնի: Ես չէի սիրում մոդելի իմ աշխատանքը, չգիտեմ, ինչպես ստացվեց, որ հայտնվեցի այդ ոլորտում: Թե’ երգը, թե’«Անուրջներ» հեռուստասերիալից Մարկի կերպարն ու իմ դասախոսական աշխատանքը ես շատ եմ կարևորում:

- Ի՞նչ խորհուրդ կտաք մեր կին ընթերցողներին:

- Կցանկանայի սկսեին լսել ճաշակով երաժշտություն, ամենակարևորը՝ չկորցնեն հայուհու իրենց կերպարը: Քիչ ժամանակ անցկացնեն ֆեյսբուքում և դրա փախոարեն լավ գիրք կարդան: Օրինակ, թող սկսեն պիեսներ, հեքիաթներ կարդալ, թող Շեքսպիր, Չեխով, Վիլիամ Սարոյան և այլ հեղինակների կարդան, ծանոթանան տարբեր երկրների գրականությանը ու մտորեն իրենց ընթերցածի շուրջ: Թող լսեն լավ երաժշտություն, օրինակ Սիրուշո, Շուշան Պետրոսյան, Ուիթնի Հյուսթոն, Մայքլ Ջեքսոն և այլոց: Երաշտությունը մարդու մեջ ներգործող է, և քո ապրելակերպն ու մտածելակերպը մեկ այլ հորիզոնի վրա է տեղափոխում:

- Բազմաթիվ երկրպագուհիներ անհամբերությամբ սպասում են Ձեզ նորից տեսնել էկրաններին: Կա՞ն նոր նախագծեր:

-Այո’, կա նոր նածագիծ: Այժմ նկարահանվում եմ հանրային հեռուստաընկերությամբ հեռարձակվող «Կյանքը շարունակվում է» հեռուստասերիալում:

Today's most read news !
  • Գագիկ Ծառուկյանի պատասխանը Սամվել Կարապետյանին
  • Սիրուշոն 12-րդ անգամ ճանաչվել է լավագույն երգչուհի
  • Քիմ Քարդաշյանն Instagram-ում ցուցադրում է մարզված մարմինը
  • Ինձ համար իսկապես անսպասելի էր այս միցանակը. Տաթեւ Հովակիմյանը՝ «Արտավազդ 2017»-ում «Լավագույն երիտասարդ դերասանուհի» կոչման մասին
  • Պատկերը ապրիլի 2-ից հետո
  • Անաստասիա Բրուխտին՝ Սուպեր Սաքոյի հետ զուգերգի և հայկական արմատների մասին
  • Ռազմական ինստիտուտի 2 կուրսանտ դանակով հարձակվել են տաքսու վարորդի վրա, թալանել են ու խլել մեքենան
  • Քենդալ Ջենները Love պարբերականի համար նկարահանվել է Մերիլին Մոնրոյի կերպարով
Comments

Name: