Latest 10 episodes

Գուցե իսկապես տղաս հայրիկի հետքերով գնա. Սոնա Շահգելդյան

Օրերս երգչուհի Սոնա Շահգելդյանի ընտանիքում իսկական տոն էր. նրա որդին` փոքրիկ Արթուրն, առաջին ատամիկներ է հանել, իսկ Սոնան հայկական ավանդույթներին համապատասխան` ատամհատիկ է կազմակերպել: Life.panorama.am-ի հետ զրույցում Սոնա Շահգելդյանը պատմեց, որ ատամհատիկը մեծ խնջույքի չեն վերածել, փոխարենը ընտանիքի անդամներով են նշել կարեւոր իրադարձությունը.

«Որդուս ատամհատիկն ընտանեկան միջավայրում ենք անցկացրել: Ամեն բան շատ գեղեցիկ էր, ի դեպ ասեմ, որ ինքս էի զբաղվել ձեւավորմամբ, ընտրել էի գեղեցիկ խորհրդանշական զարդեր ու տորթ, որոնք էլ ավելի տոնական շունչ էին հաղորդել մեր գեղեցիկ օրվան»,- պատմեց Սոնան ու հավելեց, որ ամեն ամիս որդու ծննդյան ամսաթվին իրենց տանը փոքրիկ տոն է կազմակերպում:

«Ձեւավորմամբ ես էի զբաղվել, բայց ատամհատիկները մայրս էր պատրաստել, նա նաեւ թղթերի վրա գրել էր մի շարք մասնագիտություններ ու դրանք տեղադրել կաթի շշերի մեջ, դե իսկ որդիս դրանցից միանգամից երկուսը ընտրեց` նկարիչ ու սպորտսմեն»,- նշեց երջանիկ մայրիկն ու հավելեց, որ ուրախ կլինի` հետագայում տղան ընտրի այդ մասնագիտություններից գոնե մեկը.

«Շատ ուրախ կլինեմ, որ տղաս տաղանդաշատ լինի, կարծում եմ, հենց այդպես էլ կլինի: Ամուսինս ժամանակին ֆուտբոլով է զբաղվել, հիմա սպորտից հեռու է, միայն մարզասրահ է հաճախում, բայց ով գիտե, գուցե իսկապես տղաս հայրիկի հետքերով գնա»,- նկատեց երգչուհին:

Սոնա Շահգելդյանի խոսքով` փոքրիկն արդեն բառեր է արտասանում.

«Տղաս արդեն իր շատ քնքուշ ձայնով մամա, պապա, տատա է արտասանում, նաեւ իր ցանկությունները պարզ հասկացնում է մեզ: Շատ խելացի բալիկ է, ժպտերես ու շատ հասկացող. Ճիշտ է, նա դեռ փոքրիկ է, բայց արդեն շատ բան է հասկանում»,- ավարտեց երգչուհին:

Today's most read news !
  • Եթե կողքիս չլիներ իմ ամուսինը, ես ոչինչ չէի ունենա. Էմմա Մանուկյան
  • Երևանյան փաբում երիտասարդը սիրած աղջկա ստացած sms-ները կարդալուց հետո դաժան ծեծի է ենթարկել նրան
  • Ինձ էլ են պետք այս դադարները, հիմա այլ բաների մասին չեմ էլ մտածում. Գայանե Բալյան
  • Աշոտ Տեր-Մաթեւոսյանի 32-ամյակի ինտրիգները
  • Ուզում եմ, որ մի քիչ բախտ ունենամ. Անուշկա Մարգարյանը 28 տարեկան է
  • Քիմ Քարդաշյանն ամուսնուն համոզել է մասնակցել իր ռեալիթի շոուի հերթական սեզոնին
  • «Մեր բակը» 20 տարի անց». Հանրայինի «Հենց այսպես էլ ապրում ենք» հաղորդման հրաշալի թողարկումը
  • «Գաի պոստ»-ի մոտ Range Rover-ի վարորդը բախվել է բետոնե արգելապատնեշներին և գլխիվայր շրջվել
Comments

Name: