Latest 10 episodes

Բացահայտումներ Սիրուշոյի կյանքի վերջին 2 տարվա մասին «Սիրուշոու»-ի ժամանակ

Երգչուհի Սիրուշոն այնքան քիչ է հարցազրույցներ տալիս, հյուրընկալվում հեռուստահաղորդումների, որ նրա կողմից ցանկացած նորություն իրադարձություն է դառնում երկրպագուների համար։

Այսօր երեկոյան՝ ժամը 22։20-ին, «Արմնյուզի» եթերում կլինի «Սիրուշոու» հաղորդումը։ Հեռուստաընկերության գլխավոր պրոդյուսեր Հրաչ Քեշիշյանը BlogNews-ի հետ զրույցում ասաց, որ հաղորդման շրջանակներում մի շարք բացահայտումներ կլինեն Սիրուշոյի կյանքի և գործունեության վերջին 2 տարվա մասին։

«Սա Սիրուշոյի մասին վավերագրական ֆիլմ է, որտեղ մի շարք մանրամասներ, բացահայտումներ կան, որոնց մասին որևէ տեղ չի խոսվել։ Այն պատմում է նրա արած գործերի, ստեղծագործական ուղու, ամերիկյան մեգա շոուի մասին»,- ասաց Հրաչ Քեշիշյանը։

Նախորդ «Սիրուշոուն» բաղկացած էր մի քանի մասից և պատմում էր երգչուհու ոչ միայն գործունեության, այլև մարդ տեսակի, անձնական հարաբերությունների մասին, Սիրուշոյի մասին խոսում էին ոչ միայն գործընկերները, այլև ընկերներն ու հարազատները։ Քեշիշյանը հայտնեց, որ այս անգամ ֆիլմում խոսելու են միայն այն մարդիկ, ովքեր վերջին 2 տարում աշխատել են Սիրուշոյի հետ, այս էտապում եղել են թիմային աշխատանքի կարևոր մաս։ Ֆիլմը բաղկացած է 1 մասից։ Տևողությունը 1 ժամ 40 րոպե է։

«Շատ հետաքրքիր մտքեր և դատողություններ կան։ Արտիստը կարողանում է անկեղծանալ, ցույց տալ իր մտահոգությունները, ներկայացնել, թե ինչի համար է անում տվյալ գործը։ Բնաբանաբար, մանրամասներ կան նաև այս ընթացքում իր անձնական կյանքից»,- նշեց պրոդյուսերը։

Today's most read news !
  • Լուսի.«Ես, ամուսինս, Արամ MP3-ն երանի էինք տալիս Էրիկին»
  • Լիկա Սալմանյան.«Երբ ես կրեմ հարսի զգեստ… »
  • Համացանցում են հայտնվել Քիմ Քարդաշյանի՝ նախկինում չհրապարակված ներքնազգետով լուսանկարները
  • Անկեղծ կադրեր՝ Մարգարիտա Բարխոյանի նոր հոլովակից
  • Արփինե Հովհաննիսյանի և իր պաշտոնավոր մոր ունեցվածքը
  • Ծովինար Մարտիրոսյան.«Ներկաները «կերան» ինձ
  • Քիմ Քարդաշյանն Օբամային հրաժեշտ է տվել նրա հետ համատեղ լուսանկարների հրապարակմամբ
  • Ինչքան մնաց Հովիկ Աբրահամյանի վերադարձին
Comments

Name: