Հենրիխ Մխիթարյանն ի վերջո խախտել է լռությունը


Բրիտանացի ֆուտբոլասերներին և մասնագետներին շարունակում է մտահոգել Մխիթարյանին «Մանչեսթր Յունայթեդ» -ի հիմնական կազմում չընդգրկելու՝ մարզիչ Ժոզե Մոուրինիոյի «խիստ տարօրինակ» որոշումը:

Շուրջ երեք ամիս առաջ «Մանչեսթր Յունայթեդ» ակումբ տեղափոխված, սակայն, մինչ օրս այդ թիմի կազմում ընդամենը 5 անգամ խաղադաշտ դուրս եկած Հենրիխ Մխիթարյանը վստահ է՝ իր լավ օրերը դեռ առջևում են: Հայաստանի ազգային հավաքականի ու «Մանչեսթր»-ի կիսապաշտպանը նախօրեին խախտել է լռությունը՝ սոցիալական ցանցում այսպիսի գրառում թողնելով՝ «Մեզ համար էլ լավ ժամանակներ կգան: Մենք առաջ ենք շարժվում: Մեկը բոլորի, բոլորը` մեկի համար»:

Մխիթարյանի լավատեսությունը, սակայն, ոչ բոլորն են կիսում: Բրիտանական թերթերն ու մարզական կայքերը շարունակում են ակտիվորեն քննարկել նրան պահեստայինների նստարանին պահելու՝ գլխավոր մարզիչ Ժոզե Մոուրինիոյի որոշումը: «Դեյլի մեյլ»-ը հետևել է 27-ամյա ֆուտբոլիստին և լուսանկարներ հրապարակել՝ մակագրելով. «Բերնլի»-ի հետ հանդիպումն էլ բաց թողնելուց հետո՝ երեկ Մխիթարյանը մեն մենակ մարզվել է «Մանչեսթր»-ի մարզաբազայում, ապա հեռացել իր սպիտակ Լամբորջինիով:

«Միկին Եվրոպայի ամենաբարձր գնահատվող կիսապաշտպաններից մեկն է, որը Գերմանիայում ճանաչվել էր տարվա լավագույն խաղացող՝ Դորտմունդի կազմում դառնալով 23 գոլի հեղինակ»,- շարունակում է պարբերականը՝ հավելելով․ «համացանցում շարունակում է թափ ստանալ «Ազատություն Մխիթարյանին հեշթեգը»՝ էլ ավելի խտացնելով այս պատմության գույները»:

«Ինդեփենդենթն» էլ հաշվել է՝ հուլիսին կարմիրների ակումբ տեղափոխված և մեծ հեռանկար ունեցող ֆուտբոլիստը մինչ օրս ընդամենը 104 րոպե է անցկացրել խաղադաշտում՝ վերջին անգամ սեպտեմբերի 10-ին մասնակցելով «Մանչեսթր Սիթի»-ի հետ խաղին: Թեև Մխիթարյանը հրապարակավ չի դժգոհում և սատարում է «Մանչեսթր»-ին, ներքին աղբյուրները պնդում են, որ նա ամենևին էլ գոհ չէ այս իրավիճակից,- գրում է Sportsrageous կայքը՝ մանրամասնելով՝ անցած խաղաշրջանում Բունդեսլիգայում առկայծելուց հետո Մխիթարյանն անակնկալի է եկել իր նկատմամբ Մոուրինիոյի վերաբերմունքից:

Today's most read news !
  • Վաչե Թովմասյանի կինը հղիությունից հետո վերականգնել է գեղեցիկ կազմվածքը
  • Արեւիկ Ուդումյանի հարստանալու բանաձեւը
  • Կցանակնամ, որ մարդիկ հասկանան, թե էս երկրում ո՞վ է իսկապես իրենց ծաղրում. Շուշանիկ Արևշատյանը՝«X-Factor»-ը քննադատողներին
  • Քիմ Քարդաշյանի քույրերը ցուցադրել են իրենց հրապուրիչ կազմվածքը
  • Հենրիխ Մխիթարյան. «Երբեք ոչնչից մի ընկճվեք, լավատես եղեք և պայքարեք ձեր նպատակների համար»
  • Անկախ երգի ընտրությունից՝ երգչի համար շատ կարեւոր է սատարումը. Արամ MP3-ը՝ «Եվրատեսիլ-2017»-ում հայաստանյան երգի մասին
  • Պարոն ոստիկանապետ, ՃՈ աշխատանքը ձեր անձնական կոնտրոլի տակ վերցրեք. Կարեն Կարապետյան
  • Թեժ քննարկում Փարաքարում. ներկա էին ոստիկանապետը, ՃՈ պետի տեղակալը, պատգամավորը
Comments

Name: