Էմմին չի ամուսնալուծվել ու շատ երջանիկ է. Ամերիկաբնակ երգչուհին երկրորդ անգամ կմայրանա

Երեկ ԱՄՆ-ում կայացել է PanArmenian Entertainment awards մրցանակաբաշխությունը, իսկ այսօր արդեն մեր շոու բիզնեսի շատ աստղեր միջոցառումից տարբեր լուսանկարներ ու տեսանյութեր են հրապարակել, որոնցից մեկում շատ ակնհայտ երեւում է Էմմիի կառուցվածքի փոփոխությունը, ինչից կարելի է ենթադրել, որ երգչուհին երկրորդ անգամ է պատրաստվում մայրանալ:

Life.panorama.am-ը նշված թեմայի շուրջ պարզաբանում ստանալու նպատակով կապ հաստատեց Էմմիի մայրիկի` վաստակավոր գործիչ, երգչուհի Նադեժդա Սարգսյանի հետ, ով մեզ հետ զրույցում ժպիտով նշեց.

«Մեկնաբանություն չեմ ուզում տալ, քանի դեռ Էմմիի հետ չեմ խոսել»:

Մենք կապ հաստատեցինք նաեւ Էմմիի մենեջերի հետ, ով արդեն հաստատեց բարի լուրը.

«Այո, շուտով լույս աշխարհ կգա Էմմիի երկրորդ բալիկը: Սակայն այլ տվյալներ հաղորդելու իրավունքը չունեմ, քանի որ դա անձնական է ու Էմմին անձամբ պետք է խոսի»,- նշեց Աղավնի Մանուկյանն ու հրաժարվեց հայտնել, թե երգչուհին հղիության որ ամսում է:

Մեր այն նկատառմանը, թե վերջին ամիսներին Էմմիի` ամուսնուց հեռու երկարաժամկետ Հայաստանում լինելուց եւ ամուսնուն այդպես էլ չբացահայտելուց հետո լուրեր տարածվեցին, թե ամուսնալուծվել է, մենեջերը հստակեցրեց.

«Նման բան չկա, Էմմին չի ամուսնալուծվել ու շատ երջանիկ է»:

Հիշեցնենք, որ Էմմիի որդու մեկ տարեկանը կլրանա օրեր անց` նոյեմբերի 14-ին: Երգչուհու մենեջերի փոխանցմամբ, ըստ նախնական ծրագրերի, Էմմին Հայաստան կգա արդեն հաջորդ տարի:

Today's most read news !
  • Գագիկ Ծառուկյանի պատասխանը Սամվել Կարապետյանին
  • Սիրուշոն 12-րդ անգամ ճանաչվել է լավագույն երգչուհի
  • Քիմ Քարդաշյանն Instagram-ում ցուցադրում է մարզված մարմինը
  • Ինձ համար իսկապես անսպասելի էր այս միցանակը. Տաթեւ Հովակիմյանը՝ «Արտավազդ 2017»-ում «Լավագույն երիտասարդ դերասանուհի» կոչման մասին
  • Պատկերը ապրիլի 2-ից հետո
  • Անաստասիա Բրուխտին՝ Սուպեր Սաքոյի հետ զուգերգի և հայկական արմատների մասին
  • Ռազմական ինստիտուտի 2 կուրսանտ դանակով հարձակվել են տաքսու վարորդի վրա, թալանել են ու խլել մեքենան
  • Քենդալ Ջենները Love պարբերականի համար նկարահանվել է Մերիլին Մոնրոյի կերպարով
Comments

Name: