Latest 10 episodes

Դիանա Գրիգորյան.«Դժվար է կարդալ անհավանական չար մեկնաբանությունները»

Դիանա Գրիգորյանը դարձյալ հեռուստաէկրաններին է: Դերասանուհին 5-ամսյա դադարից հետո նկարահանվում է «USArmenia»-ի «Մեղրամիս» սերիալում: BRAVO.am-ի հետ զրույցում նա խոսել է նոր կերպարից, քննադատություններից, նաեւ թե ինչպես է հաղթահարում հիասթափությունները եւ ինչի մասին է երազում: 

Դիանա Գրիգորյանը


Միշտ դրական կերպարներ եմ  մարմնավորել, այս մեկն էլ բացառություն չէ, բայց սիրով կհամաձայնեմ նաեւ բացասական դեր խաղալ: Հերոսուհիս՝ Լյուսին, Լոնդոնում ուսանողուհի է:

Նախորդ սերիալից հետո մոտ 5 ամիս դադարի շրջան էր: Այդ ընթացքում հանգստանում էի: Ճիշտն ասած, պետք էլ չի, որ դերասանն անդադար լինի էկրանին:

Սերիալում դերասանը գրեթե ժամանակ չունի կերպարի վրա աշխատելու: Ամեն ինչ շատ արագ է արվում: Դա է սերիալի ռիթմը: Համենայն դեպս, մեզ մոտ այդպես է: Իսկ թատրոնում այլ է. փորձերի արդյունքում կերպարդ առավելագույնս «եփվում է»:

Լավ է, որ դերասանը զբաղված է թե՛ սերիալներում, թե՛ թատրոնում: Ուրիշ հարց է` որքան որակով կներկայանա: Մյուս կողմից էլ ամեն երկրորդն, ով հայտնվում է էկրանին, իրեն դերասան է անվանում: Հենց այդ պատճառով շատ ժամանակ ամաչում ես ասել, որ դերասանուհի ես: Հիմա գրեթե բոլորն են այդպես կոչում իրենց:

Դիանա Գրիգորյանը


Կերպար ստեղծելիս անազատ կզգամ, եթե առաջարկված դերն անճաշակ է, գռեհիկ, անտրամաբանական:

Հիասթափություններ շատ են լինում, բայց ուշադրություն չեմ դարձնում, պարզապես աշխատում եմ: Ամեն բնագավառ լի է դժվարություններով, այս ոլորտը՝ եւս, պարզապես աշխատանքդ ավելի է քննարկվում եւ քննադատվում:

Դժվար է կարդալ աղջիկների եւ միջին տարիքի կանանց անհավանական չար մեկնաբանությունները: Դերասանին վատ պիտակավորումներ տալը տգիտության եւ անտեղյակության նշան է:

Այդ ամենի դեմ պայքարում եմ միմիայն ժպիտով: Իմ քննադատն ու խորհրդատուն մանկության եւ ուսանողական ընկերներս են: Նրանց կարծիքն իսկապես շատ կարեւոր է: Եթե ասում են՝ այս կամ այն տեսարանում այնքան էլ լավ չեմ խաղացել կամ հակառակը, ուրեմն այդպես է:

Դիանա Գրիգորյանը


Հիմա զբաղված եմ նաեւ նոր ներկայացումում, որի մասին ավելի ուշ կարող եմ խոսել: Այն պատրաստ կլինի գալիք տարեսկզբին:

Երազելի կերպար, որպես այդպիսին, չունեմ: Փոխարենը երազում եմ նկարահանվել որակյալ եւ մնայուն ֆիլմում:

Today's most read news !
  • Սերժ Սարգսյանի արձագանքը Սեյրան Օհանյանի հայտարարությանը
  • Վախեցնող էր միայն այն փաստը, որ պետք է աշխատեի նման ռեժիսորի հետ. Անի Ամիրյանը Մհեր Մկրտչյանի նոր ֆիլմում է նկարահանվում
  • Ընտիր ներդրումային դաշտ. էստի՜ համեցեք
  • Անահիտ Սիմոնյանը` թուրքական սերիալները պրոպագանդելու մասին
  • Քիմ Քարդաշյանի երեխաների նոր լուսանկարները
  • Քիմ Քարդաշյանը շիկահեր է դարձել
  • Լիլիթ Հովհաննիսյանի նոր լուսանկարները Նյու Յորքից
  • Արագածոտնի մարզի Ղաբաղթափա գյուղի բնակիչները գտնվում են շրջափակման մեջ
Comments