Քրիստինե Պեպելյան. «Գալիս է մի շրջան, երբ ուզում ես մի քիչ հանգիստ լինել»

Երգչուհի Քրիստինե Պեպելյանի համար երեկ շատ կարևոր օր էր: Առնո Բաբաջանյանի 95 ամյակին նվիրված համերգի ժամանակ նա ելույթ է ունեցել Հայաստանի ազգային ֆիլհարմոնիկ նվագախմբի հետ (դիրիժոր` Էդուարդ Թոփչյան): Երգչուհին նշեց, որ դա իր համար մեծ պատիվ էր: «Շատ ոգևորված եմ, շատ-շատ հաճելի էր»,- BlogNews-ի հետ զրույցում նշեց նա:

 

Երգչուհին այս փուլում նոր գործեր չի ներկայացրել, սակայն նշեց, որ աշխատել չի դադարել: «Այս ընթացքում ստեղծվել են նոր երգեր, աշխատել եմ նոր մարդկանց հետ: Պարզապես գալիս է մի շրջան, երբ ուզում ես մի քիչ հանգիստ լինել: Անընդհատ ինչ-որ բան ասել հնարավոր չէ: Երբեմն պետք է դադարներ լինեն, ինչը նորմալ է: Սրանք համարում եմ ստեղծագործական դադարներ, որովհետև իրականում դադարում եմ, բայց ստեղծագործում»,- նշեց նա:

Քրիստինեն հայտնեց, որ դեկտեմբերին պատրաստվում է մեկնել ԱՄՆ. «Նոր տարվա շեմին ԱՄՆ-ում ամեն ինչ շատ գեղեցիկ է: Ամենայն հավանականությամբ Ամանորին Ամերիկայում կլինեմ: Վերադառնալուց հետո նոր գործեր կներկայացնեմ»,- ասաց երգչուհին, ով դեռ չգիտի՝ մենակ է մեկնելու, թե ոչ:

Երգչուհին նոր տեսահոլովակ ունի, որը պատրաստվում է հանդիսատեսի դատին հանձնել Ամանորից հետո. «Այս տեսահոլովակի աշխատանքները մի քիչ շատ երկարեցին, քանի որ ստեղծագործական թիմի մի մասը Հայաստանում է, մյուս մասը՝ Մոսկվայում: Ժամանակային առումով երբեք չենք հարմարվում իրար: Կարծում եմ՝ տարեսկզբին վերջնական տարբերակը պատրաստ կլինի»,- ասաց նա ու հայտնեց, որ երգը կոչվում է «Հավատա», հեղինակը Ժակլին Թադևոսյանն է:

Քրիստինեն հայտնեց, որ ևս մի երգ ունի, որն արդեն պատրաստ է. «Սիրուն, ռոմանտիկ երգ է: Շուտով կհանձնեմ հանդիսատեսի դատին»,- եզրափակեց երգչուհին:

Today's most read news !
  • Սերժ Սարգսյանը ելքը գտել է. նախընտրական թոհուբոհի ձնծաղիկները
  • «Օտարը». Նոր սիրային եռանկյունի` հայկական եթերում
  • Լարված իրադրություն շփման գծում. հակառակորդը ձեռնարկել է հարձակման փորձ. ԱՀ ՊԲ
  • Ջրվեժ գյուղում «ճակատ-ճակատի» բախվել են Nissan Teana-ն ու «06»-ը
  • Թրամփը հայտարարում է երկրի միջուկային զինանոցը հզորացնելու մտադրության մասին
  • Իշխանության ներսում սպասվում են արմատական փոփոխություններ և փոխատեղումներ
  • Փրկարարները հեռացնում են շենքերի տանիքների վտանգավոր սառցալեզվակները
  • Խոշոր ավտովթար ու հրդեհ Ծովագյուղում. բախվել են վիսկիով բարձված բեռնատարը, Opel-ն ու 09-ը
Comments
Loading...