Հաղթանակն ինձ առաջին հերթին ինքնավստահություն է տվել. Արտակ Վարդանյանը` «Ադամի միջազգային լրագրողական մրցույթ»-ի մասին

Օրեր առաջ Կիևում կայացած «Ադամի միջազգային լրագրողական մրցույթ»-ում հաղորդավար Արտակ Վարդանյանը  արժանացել է հատուկ մրցանակի: Արտակը մրցույթին ներկայացրել է Մուցք գյուղի գյուղապետի ընտրության մասին  պատմություն, որով գրավել է կազմակերպիչների ուշադրությունը:
 
«Նախ պետք է ասեմ, որ այս հաղթանակն ինձ առաջին հերթին ինքնավստահություն է տվել, քանի որ դա խոսում է այն մասին, որ ռեալիզացվում եմ ոչ միայն հայկական լրատվության մեջ: Նաեւ հասկացա, որ այն, ինչ անում ենք այստեղ` Հայաստանում, կարող է մրցունակ լինել արտերկում: Այս հաղթանակը խթանիչ ուժ հանդիսացավ` ապագայում էլ ավելի մեծ ոգեւորությամբ աշխատելու ու նոր բարձրունքներ գրավելու համար»,- Life.panorama.am-ի հետ զրույցում նշեց Արտակ Վարդանյանն ու շարունակեց.
«Աշխատանքը, որ ներկայացրել էինք, խիստ լրագրողական էր, որտեղ պահել էինք բոլոր անհրաժեշտ կանոններն ու էթիկայի նորմերը. Սրանք ընդգծում են ինքնավստահությունդ լրագրողական աշխարհում»:
 
Անդրադառնալով թեմայի ընտրությանը` լրագրողը պատմեց.
«Ես եւ շոուներ եմ վարում, եւ զբաղվում եմ լրագրությամբ: Ցանկացած աշխատանք կատարելով` փորձում եմ պահպանել բոլոր կանոնները, ինչը լրագրության ոլորտում աշխարհում ամենաշատն է գնահատվում: Ինչ վերաբերվում է թեմային, դա իմ հերթական ռեպորտաժներից մեկն էր, իսկ հետո, երբ հայտարարվեց մրցույթի մասին, հասկացա, որ իմ այդ ռեպորտաժը համապատասխանում է մրցույթի կանոններին ու որոշեցի հայտ ներկայացնել: Ի դեպ` իմ անվանակարգում ուրիշ ոչ մի լրագրողի հայտը չի ընդունվել` չհամապատասխանելու պատճառով: Այնպես որ «Լավագույն լրագրողական աշխատանք» անվանակարգում ես միակն էի»:
 
Արտակն առաջին անգամ չէ, որ մասնակցում է միջազգային լրագրողական մրցույթի, առջեւում էլ, կրկին իր ուժերը կփորձի այլ միցույթներում.
««Ադամի միջազգային լրագրողական մրցույթ»-ը շատ հայտնի է մեր ոլորտում: Ի դեպ` այս մրցույթին մասնակցելով` նոր իրավունք է ընձեռվում մասնակցելու այլ փառատոնների եւս: Ինչպեսեւ այս մրցույթին մասնակցելու իրավունք ստանալու համար եւս պետք է նախկինում փորձ ունենայիր»,- հավելեց հաղորդավարը:
 
Մրցույթի շրջանակում Արտակն իր համար հաղթանակից զատ այլ ձեռքբերումներ եւս առանձնացնում է.
 
«Նախ արդեն իսկ հետաքրքիր առաջարկներ ունեմ` սկսած նրանից, որ «Ադամի միջազգային լրագրողական մրցույթ»-ում հաղթողներին հնարավորություն է տրվում արտերկրում ուսում ստանալ` մեծ արտոնություններով: Այսինքն, եթե հաղթողների շրջանակից դիմողներ լինեն, նախապատվությունը կտրվի հենց նրանց: Նաեւ նրանք առաջարկում են կրկին հեղինակավոր մրցույթներում հայտագրվել, որը հնարավոր կլիներ հաղթելուց հետո միայն: Սակայն ինձ համար ամենակարեւոր ձեռքբերումն ու հնարավորությունը` շփումն էր իմ գործընկերների հետ. միասին հետաքրքիր փորձի փոխանակում ունեցանք: Ի դեպ` ասեմ, որ շփվելով իրենց հետ, պարզեցի` մենք մեր մտածողությամբ չենք տարբերվում իրենցից, միայն բոլորիս է հայտնի, որ մենք տեխնիկապես ենք հետ: Թեեւ իմ աշխատանքը, որը նկարվել էր սովորական տեսախցիկով, գրավել էր ժյուրիին նրանով, որ այն բացառիկ լրագրողական աշխատանք էր` հրաշալի պատմությամբ»,- պատմեց լրագրողը:
Today's most read news !
  • Սիրուշոն 12-րդ անգամ ճանաչվել է լավագույն երգչուհի
  • Քիմ Քարդաշյանն Instagram-ում ցուցադրում է մարզված մարմինը
  • Ինձ համար իսկապես անսպասելի էր այս միցանակը. Տաթեւ Հովակիմյանը՝ «Արտավազդ 2017»-ում «Լավագույն երիտասարդ դերասանուհի» կոչման մասին
  • Անաստասիա Բրուխտին՝ Սուպեր Սաքոյի հետ զուգերգի և հայկական արմատների մասին
  • Կարեն Բաբաջանյանը՝ երկրից ընդմիշտ հեռանալու մտքերի մասին
  • Պատկերը ապրիլի 2-ից հետո
  • Ռազմական ինստիտուտի 2 կուրսանտ դանակով հարձակվել են տաքսու վարորդի վրա, թալանել են ու խլել մեքենան
  • Քենդալ Ջենները Love պարբերականի համար նկարահանվել է Մերիլին Մոնրոյի կերպարով
Comments

Name: