Իրականում լռությունս իմ մեղավորությամբ չէր. Լիլիթ Կարապետյան

Երգչուհի Լիլիթ Կարապետյանը Life.panorama.am-ին պատմել է Մերիլին Մոնրոյի կերպարի եւ աշխատանքային դադարի մասին:

Երեկ երգչուհին Instagram-ի իր էջում Մերիլին Մոնրոյի կերպարով լուսանկար է հրապարակել ու դրանով կրկին հայտնվել ուշադրության կենտրոնում.

«Շատերը գիտեն, որ Մերիլին Մոնրոն իմ իդեալն է, նրան երկրպագում եմ շատ երկար տարիներ, մեր տանն անգամ նրա հետ կապված մի շարք հուշանվերներ, պաստառներ կան: Չգիտեմ ինչու, բայց նրա ու իմ միջեւ ընդհանրություններ եմ գտնում, չեմ ասի, թե մենք մեր պատմությամբ նման ենք, բայց մի ներքին, հոգեւոր ուժով ես զգում եմ նրան, երբեմն ինձ թվում է, թե իմ մեջ Մոնրոն է խոսում: Երեւի թե հենց ներքին նմանությունն է պատճառը, որ լինելով սեւահեր, երբ շեկ կեղծամ եմ կրում, անմիջապես նմանվում եմ նրան: Իմ կյանքում շատ հաճախ եմ ընդունել Մերիլինի կերպարը: Երբ որեւէ միջոցառման պետք է ռետրո ոճում հանդես գանք, ես անմիջապես ընտրում եմ նրա կերպարը: Այս անգամ էլ բացառություն չէ. մասնակցում էի Տիգրան Հարությունյանի հաղորդման ամանորյա ծրագրին, որտեղ պետք է ներկայանինք ռետրո ոճում: Այնտեղ երգեցի հենց Մոնրոյի հայտնի երգերից մեկը»,- նշեց երգչուհին:

Անդրադառնալով  վերջին ամիսների լռությանը, Լիլիթ Կարապետյանը պարզաբանեց.

«Իրականում լռությունս իմ մեղավորությամբ չէր. Վերջին ամիսներին անընդհատ չեղարկվում են ծրագրերս, քանի որ նրանք, ում հետ համագործակցում եմ, որոշ խնդիրներ են ստեղծում: Օրեր հետո էլ պետք է մեկնեմ Մոսկվա` մասնակցելու «Տաշի շոու»-ին, սակայն երգը, որն այնտեղ պետք է ներկայացնեի, կրկին խաբեության պատճառով խափանվեց: Հիմա, երբ հաշված օրեր են մնացել, երգը վստահել եմ Նիկ Եգիբյանին, ով խոստացել է ամեն բան անել` կարճ ժամանակում երգը վերջնական տեսքի բերելու համար»:

Երգչուհին չցանկացավ անուններ հայտնել, որոնց պատճառով խափանվել են ծրագրերը, միայն խոստացավ` 2017-ին ամեն բան կանի, որպեսզի լրացնի այս տարվա բացթողումները:

Today's most read news !
  • «Եվրատեսիլ»-ում Հայաստանի ներկայացուցիչը 2-րդ տեղում է լավագույն կին կատարողների մրցույթում
  • «Եղնիկների կածանը». ուշագրավ փաստեր Ապրիլյան պատերազմին առնչվող ֆիլմի նկարահանման հրապարակից
  • Ամենապրոֆեսիոնալ երգչին անգամ կարող են կոտրել բացասական մեկնաբանությունները. Ինգա Արշակյանը՝ «Եվրատեսիլ-2017»-ի երգի մասին
  • Միշտ չէ, որ առաջին փորձը իդեալական է լինում. «Armenian Europe Music Awards Paris 2017» մրցանակաբաշխության կազմակերպիչը` թերությունների մասին
  • Քիմ Քարդաշյանը ելույթ կունենա կանանց գագաթնաժողովում
  • Միլիարդակռիվ. Ի՞նչ դեր է ունենալու Մոսկվան այդ կռվում
  • Գնալը միշտ էլ կա. Արտյոմ Հակոբյանը՝ Հայաստանը չլքելու ու նոր ՝«3/Off» նախագիծի մասին
  • «Երբ կինն ամուսնու փոխարեն է պատասխանում…». ՀՀԿ-ի արձագանքը Սեյրան Օհանյանի տիկնոջ սպառնալիքին
Comments

Name: