Անահիտ Կիրակոսյանը՝ սերիալային դադարի, ընտանիքի ու ամենամեծ ցանկության մասին

Անահիտ Կիրակոսյանը տեւական ժամանակ է՝ չի նկարահանվում ֆիլմերում եւ սերիալներում: BRAVO.am-ը դերասանուհուց պարզել է պատճառն ու նաեւ խոսել այժմյան զբաղվածության եւ ընտանիքի մասին: Պարզվում է՝ Անահիտի օրը գերհագեցած է թատրոնով ու հեռուստատեսային առավոտներով:

Անահիտ Կիրակոսյանը եւ Եգոր Գլումովը՝ Շանթի եթերում


«Շարունակում եմ վարել «Շանթ»-ի առավոտյան ծրագիրը, որից անմիջապես հետո շտապում եմ թատրոն՝ պարի, երգի ու բեմադրական փորձերի: Անցած ամիս հանձնեցինք «Տունը սահմանի վրա» բեմադրությունը, այժմ Ամանորի ներկայացման փորձերն են: Ստացել եմ խաղալիքների տիրուհու՝ երեխաների կողմից շատ սիրված սառցե թագուհի Էլզայի կերպարը: Ոգեւորված եմ դերով ու ակտիվ աշխատում եմ»,-նշել է նա:

Հարցին, թե այս շրջանում ինչու է բացակայում սերիալներից եւ ֆիլմերից, Անահիտը պատասխանել է.«Առաջարկներ չունեմ, բայց այսօրվա զբաղվածությունս այնքան հագեցած է, որ մինչեւ 2017 թվականը դժվար կարողանամ որեւէ առաջարկ ընդունել»:

Անահիտ Կիրակոսյանն՝ ամուսնու հետ


Դերասանուհին վստահեցնում է, որ իր աշխատանքի պատճառով ընտանիքը չի տուժում.«Օրվա մեջ ամեն ժամս դասակարգված է եւ յուրաքանչյուր ավելացած րոպեն անցկացնում եմ ընտանիքիս հետ, նվիրում ամուսնուս եւ երեխաներիս: Միշտ հետաքրքրվում եմ նրանց առօրյայով, աղջիկներիս դասերով, դպրոցական հետաքրքիր պատմություններով: Վերջերս տղայիս միջոցառումն էր մանկապարտեզում, հպարտությամբ էի նայում՝ ինչպես է երգում ու արտասանում: Ինչքան էլ գերհոգնած եմ լինում, սիրում եմ նվագել, աղջիկներիս հետ լսել մեր սիրելի երգերը եւ լիցքաթափվել»:

Անահիտ Կիրակոսյանը՝ որդու հետ


Անահիտը նշել է նաեւ, թե ինչին է ձգտում առավելագույնը.«Ուզում եմ տեսնել զավակներիս կայանալը, ճիշտ եւ ազգին պիտանի զավակ դառնալը: Իհարկե, կյանքում չդադարել սովորել ու այնպես ապրել, որ քեզնից հետո հիշվես քո գործերով, ունենաս քո մտքերի համախոհն ու շարունակողը»:

Today's most read news !
  • Դավիթ Աղաջանյանը, Մարինկա Խաչատրյանը, եւ Սիսիան Ստեփանյանը՝ սիրային եռանկյունում
  • Սպասել երրորդի՞ն… երկրորդ պատերազմն ընդհատվե՞լ է
  • Սոս Ջանիբեկյանն ու Արման Նշանյանը՝ մեկ հարկի տակ եւ ամուսնալուծված
  • Ովքեր են դուրս եկել «Դոմինո»-ից
  • Ալիևը երկու պատճառ ուներ այս գիշերվա հարձակման փորձի համար
  • Ինչպես չսպանվել սահմանին
  • Որ փոփոխությունը չլինեն միայն ազգանունները
  • Իրան՝ ճակատ, որը մնում է հետին պլանում. Milliyet, Թուրքիա
Comments
Loading...