Latest 10 episodes

Տղան այդ ընտանիքի միակ զավակն էր ու այդպիսով ցույց տրվեց, որ հայի ընտանիքը կշարունակի սերունդներ տալ. ռեժիսորը` Լիլիթ Հովհաննիսյանի տեսահոլովակի մասին

Երգչուհի Լիլիթ Հովհաննիսյանն ու երաժիշտ Գեւորգ Այվազյանը օրերս ներկայացրին «Հին ճանապարհով» տեսահոլովակը, որը համալրեց հայկական այն տեսահոլովակների շարքը, որոնք նվիրված են Արցախյան պատերազմին:

Տեսահոլովակի ռիժիսորը Արամայիս Հայրապետյանն է, ով Life.panorama.am-ին պատմեց աշխատանքի հետ կապված փոքրիկ մանրամասներ: Խոսելով թեմայի կարեւորության ու հատուկ պահանջվող նրբության մասին, Արամայիսը նշեց.

«Իհարկե, թեման շատ կարեւոր է, սակայն որպես ռեժիսոր, յուրաքանչյուր աշխատանքի մոտենում եմ մաքսիմալ պրոֆեսոնալ, փորձում եմ ամեն աշխատանքիս նուրբ մոտենալ: Ինձ համար ամենակարեւորը դրամտուրգիան է, ոպեսզի մինչեւ վերջ տեսահոլովակի սյուժետային գիծը ճիշտ պահվի»:

Անդրադառնալով տեսահոովակի սյուժետային գաղափարին` Արամայիս Հայրապետյանը նկատեց.

«Իրականում, սցենարային մտքերը Լիլիթինն ու Արամինն էին, բայց քանի որ ես եմ տեսահոլովակի ռեժիսորը, ես եմ տվել ռեժիսորական մոտեցումները, նրբացրել սյուժետային գծերը: Այսինքն` որպես ռեժիսոր փոփոխման եմ ենթարկել նախօրոք ինձ տրամադրված սյուժեն ու մոտեցրել եմ իմ պատկերացումներին»:

Եթե պատերազմի մասին պատմող հայկական շատ տեսահոլովակներ ու ֆիլմեր տխուր ավարտ են ունենում, ապա այս տեսահոլովակում բարի ավարտ է տեղի ունենում եւ տարիներով գերի մնացած զինվորը վերադառնում է տուն:

«Քանի որ մեզ մոտ շատ է տխրությունը, ես փորձեցի տեսահոլովակն այնպես նկարահնել, որպեսզի ցույց տամ մեր իրականության նաեւ դրական կողմերը, որոնք իսկապես եղել են: Փորձեցինք հենց դրական կողմը ներկայացնել ու ցույց տալ, որ ընտանիքի ջերմությունը տարիներ անց կարող է պահպանվել, բացի այս տղան այդ ընտանիքի միակ զավակն էր ու այդպիսով ցույց տրվեց, որ հայի ընտանիքը կշարունակի սերունդներ տալ»,- ավարտեց ռեժիսորը:

Today's most read news !
  • Սերժ Սարգսյանի արձագանքը Սեյրան Օհանյանի հայտարարությանը
  • Վախեցնող էր միայն այն փաստը, որ պետք է աշխատեի նման ռեժիսորի հետ. Անի Ամիրյանը Մհեր Մկրտչյանի նոր ֆիլմում է նկարահանվում
  • Ընտիր ներդրումային դաշտ. էստի՜ համեցեք
  • Անահիտ Սիմոնյանը` թուրքական սերիալները պրոպագանդելու մասին
  • Քիմ Քարդաշյանի երեխաների նոր լուսանկարները
  • Քիմ Քարդաշյանը շիկահեր է դարձել
  • Լիլիթ Հովհաննիսյանի նոր լուսանկարները Նյու Յորքից
  • Արագածոտնի մարզի Ղաբաղթափա գյուղի բնակիչները գտնվում են շրջափակման մեջ
Comments