Latest 10 episodes

Ինչն է միավորել Բեռտա Մարտիրոսյանին եւ Մկրտիչ Արզումանյանին

«Զվարթնոց» օդանավակայանի մեկնման սրահում այս օրերին ցուցադրվում են Գյումրիի պատկերները։ «Գյումրին այսօր» խորագրի ներքո լուսանկարիչ Բեռտա Մարտիրոսյանը ներկայացնում է Գյումրու ճարտարապետությունն իր ֆոտոօբյեկտիվից։

«Գյումրին այսօր» խորագրով ցուցահանդեսին ներկայացված լուսանկարներից


2-րդ անհատական ցուցահանդեսի համար 200-ից ավելի կադրերից նա ընտրել է 21 նկար, որոնց մեծ մասը սեւ-սպիտակ են.«Նկարել եմ պատմամշակութային շենքեր, հին շինություններ, որոնց վրա երեւում է երկրաշարժի հետքը։ Ցավոք, երկրաշարժից հետո այդ արժեքավոր շենքերը գրեթե չեն վերականգնվել»։ 

Բեռտա Մարտիրոսյանի երկրորդ անհատական ցուցահանդեսին


Բեռտան գյումրեցի չէ, վավերագրական ֆոտոշարքը ստեղծելու համար երկու անգամ այցելել է Գյումրի.«Առաջին անգամ գնալով՝ սկսեցի լուսանկարել, հետո հասկացա, որ ծավալուն թեմա է, երկրորդ անգամ այցելեցի շարքը շարունակելու համար։ Այդպես ծնվեց ցուցահանդեսի գաղափարը, որին աջակցել են դերասան Մկրտիչ Արզումանյանն ու նկարչուհի Լուսի Աբդալյանը։ Իսկ Արմինե Թումանյանը, որն օդանավակայանում պարբերաբար կազմակերպում է ցուցահանդեսներ, առաջարկեց մեկնման սրահում իրականացնել։ Շատ լավ հարթակ է, միշտ շարժ կա, եւ թե' հայաստանցիները, թե' արտասահմանցիները հնարավորություն ունեն տեսնելու։ Ուրախ եմ, որ հետաքրքրվում են՝ արդյոք հին Երեւանի լուսանկարներն են. որոշ մարդկանց համար Գյումրիի շենքերն անծանոթ են»։

Բեռտա Մարտիրոսյանի երկրորդ անհատական ցուցահանդեսին


Մինչեւ դեկտեմբերի 13-ը լուսանկարները կարող եք գնահատել «Զվարթնոց»-ում, դեկտեմբերի 14-ից էլ ցուցահանդեսը կգործի «Սարգիս Մուրադյան» ցուցասրահում. «Առաջիկայում նկարներից մի քանիսը կմասնակցեն աճուրդի, իսկ հասույթը կտրամադրվի երկրաշարժից տուժած մի ընտանիքի»։

Today's most read news !
  • Աննա Դովլաթյանն ու Դավիթ Աղաջանյանը համատեղ բիզնեսներ են հիմնում
  • Ավարտել եմ դիմահարդարման դասընթացները ու սկսել եմ աշխատել նաեւ այդ ոլորտում. Լիկա Սալմանյան
  • Երգչուհի Լիանան՝ 20 կիլոգրամ նիհարելու իր գաղտնիքի մասին
  • «Եթե ես չսպանեի, ինքն էր ինձ սպանելու». Զեյթունում պարտքը չվերադարձնելու համար մոտ ընկերը սպանել է ընկերոջը
  • Քրիստինե Պեպելյան.«Ուզում էի վայելել իմ տարին»
  • 1990 թ. ԻՆՉՊԵՍ ԵՂԵԼ Է. Կամոյի շրջանում փեսան 2 ընկերների հետ մերկացրել և հրկիզել է աներձագին՝ տան նրա բաժնին տիրանալու համար
  • Երբեք չեմ մտածում, որ սա այն կետն է, որին հասել եմ եւ վերջ. Դիանա Շատվերյանը 32 տարեկան է
  • Ինչպես է նկարահանվել Սիրուշոյի «Դեր Զոր» տեսահոլովակը
Comments