Latest 10 episodes

Մհեր Խաչատրյան.«Գարիկի կերպարն ինձ ընդհանրապես հոգեհարազատ չէ»

Մասնագիտությամբ դերասան չլինելով հանդերձ՝ Մհեր Խաչատրյանը «Դոմինո» սիթքոմում իր կերպարին մարմնավորում է մասնագիտորեն, ինչը նույնիսկ կրթությամբ որոշ դերասանների մոտ այդքան լավ չի ստացվում: «Դոմինո»-ի Գարիկը` ակնոցով տղան, ոչ այնքան հմայիչ, մեզ ժպիտ է պարգեւում, իսկ մյուս կողմից՝ խղճահարություն արթնացնում: BRAVO.am-ի զրուցակիցը Մհեր Խաչատրյանն է, ով դերասանի եւ հաղորդավարի աշխատանքից բացի փորձում է իր ուժերը նաեւ  լրագրության եւ գրականության ասպարեզներում: 

Մհեր Խաչատրյանը


- Մհեր, ինչպե՞ս հայտնվեցիր հեռուստատեսությունում:

- Նախ ասեմ, որ սովորել եմ ԵՊՀ Արեւելագիտության ֆակուլտետի Իրանագիտության բաժնում: Իսկ հեռուստատեսությունում հայտնվել եմ 2012թ-ին` «ԱրմՔոմեդի» հաղորդման հայտարարած քասթինգի միջոցով:

- Հեռուստադիտողը քեզ տեսնում է ոչ միայն «Դոմինո» սիթքոմում, այլեւ երեկոյան ծրագրում։ Ըստ քեզ, միմյանց չե՞ն խանգարում:

- Այս պահին արդեն չեմ վարում երեկոյան ծրագիրը, բայց վարելու ժամանակ խանգարող ոչինչ չի եղել:

- Դու նաեւ տարբեր հետաքրքիր նյութեր ես գրում, ո՞ր ոլորտն է քեզ հոգեհարազատ, թե՞ ինքդ էլ դեռ չես կողմնորոշվել:

- Ինձ հետաքրքիր է այն ամենը, ինչով ուզում եմ զբաղվել տվյալ պահին: Այո, լինում է, որ գրում եմ, նույնիսկ մի փոքրիկ պատմվածք գրեցի, որը հայտնվեց վերածնված «Գարուն» ամսագրի առաջին համարում, ինչի համար հաճելիորեն զարմացա եւ ուրախացա: 
Բայց ոլորտներից ամենահոգեհարազատն այս պահին հեռուստատեսությունն է: Տարբեր հաղորդումների գաղափարներ ունեմ, որոնք, հուսով եմ, մի օր կիրականացնեմ:

Նարեկ Մարգարյանը, Մհեր Խաչատրյանը եւ Սերգեյ Սարգսյանը


- «Դոմինո»-ում քո կերպարը հայտնվում է տարբեր ծիծաղաշարժ իրավիճակներում, իսկ կյանքումդ նմանատիպ իրավիճակներ եղե՞լ են, կպատմե՞ս:

- Երբ ինձ ասում են՝ «անեկդոտ պատմիր, կենաց ասա, զավեշտալի դեպք հիշիր կյանքիցդ» եւ այլն, ոչ մի բան չեմ հիշում: 

- Եղե՞լ է, որ քեզ փողոցում տեսնելիս դիմեն կերպարիդ անունով, կամ, օրինակ, ցանկանան գրանցվել քեզ մոտ մերսման:

- Մերսման գրանցվող դեռ չի եղել, բայց կերպարի անունով շատ են դիմում, հատկապես երեխաները:

- Որքանո՞վ է քեզ հոգեհարազատ կերպարդ, կան նմանություններ:

- Կերպարս ընդհանրապես հոգեհարազատ չէ ու, հուսամ, նմանություններ չկան:

Մհեր Խաչատրյանը` «Դոմինո» սիթքոմի նկարահանումներին


- Ի՞նչ երազանքներ, ցանկություններ կամ նպատակներ ունեիր, երբ դեռ չէիր հայտնվել հեռուստատեսությունում, եւ ի՞նչ երազանքներ ունես հիմա:

- Մինչեւ հեռուստատեսությունում հայտնվելս, անկեղծ ասած, չեմ հիշում՝ ինչ երազանքներ ունեի, հիմա ունեմ նպատակներ, որոնք իրականանալու դեպքում կիմանաք:

- Սիթքոմում դու ամուսնացած ես, իսկ իրականում քո կյանքում կա՞ ինչ-որ մեկը:

- Անձնականից խոսում եմ միայն սեփական նախաձեռնությամբ: 

- Ամենաշատը ինչի՞ց ես վախենում:

- Ամենաշատը վախենում եմ վախերս չհաղթահարելուց:

- Ինչպիսի՞ն ես տեսնում կյանքդ տարիներ անց եւ արդյո՞ք այն Հայաստանում է:

- Եթե կարողանայի ապագան տեսնել, գուցե եւ առիթ չլիներ այս հարցազրույցը տալու:

Today's most read news !
  • Աննա Դովլաթյանն ու Դավիթ Աղաջանյանը համատեղ բիզնեսներ են հիմնում
  • Ավարտել եմ դիմահարդարման դասընթացները ու սկսել եմ աշխատել նաեւ այդ ոլորտում. Լիկա Սալմանյան
  • Երգչուհի Լիանան՝ 20 կիլոգրամ նիհարելու իր գաղտնիքի մասին
  • «Եթե ես չսպանեի, ինքն էր ինձ սպանելու». Զեյթունում պարտքը չվերադարձնելու համար մոտ ընկերը սպանել է ընկերոջը
  • Քրիստինե Պեպելյան.«Ուզում էի վայելել իմ տարին»
  • 1990 թ. ԻՆՉՊԵՍ ԵՂԵԼ Է. Կամոյի շրջանում փեսան 2 ընկերների հետ մերկացրել և հրկիզել է աներձագին՝ տան նրա բաժնին տիրանալու համար
  • Երբեք չեմ մտածում, որ սա այն կետն է, որին հասել եմ եւ վերջ. Դիանա Շատվերյանը 32 տարեկան է
  • Ինչպես է նկարահանվել Սիրուշոյի «Դեր Զոր» տեսահոլովակը
Comments