Latest 10 episodes

Չեմ ամաչում իր հետ երգելուց. Նունե Եսայանը` Սևակ Ամրոյանի հետ դուետի մասին

Օրերս Նունե Եսայանն ու Սեւակ Ամրոյանը ներկայացրին իրենց համատեղ «Իմ աննման յար» երգի հիման վրա նկարահանած տեսահոլովակը, իսկ այսօր Նունե Եսայանը Life.panorama.am-ին պատմել է երգի պատմության ու Սեւակի հետ համագործակցության մասին:
 
«Նախ ասեմ, որ երգն արդեն 15 տարվա պատմություն ունի: Տարիներ առաջ հեղինակ Անուշ Ալեքսանյանը այս երգն ինձ նվիրեց, դրանից էլ տարիներ հետո միայն ձայնագրեցի` գրեթե յոթ տարի առաջ: Իսկ վերջերս «Երգ-երգոց» հաղորդաշարի շրջանակում Սեւակ Ամրոյանի հետ պետք է դուետով ներկայանայինք ու ես առաջարկեցի կատարել հենց այս գեղեցիկ երգը: Ստացված դուետից հետո արդեն Սեւակն առաջարկեց միասին վերաձայնագրել երգն ու տեսահոլովակով ներկայացնել հանդիսատեսին: Ինչ խոսք, ինձ համար շատ հաճելի առաջարկ էր, անմիջապես կյանքի կոչեցինք մեր գաղափարներն ու աշխատանքն իրականություն դարձավ: Երգը նախկինում էլ շատ էի սիրում ու նոր տարբերակով եւս հավանում եմ, կարծում եմ, երբ երգը լավն է, ուրեմն ամեն կերպ էլ գեղեցիկ կընկալվի»,- պատմեց Նունե Եսայանը:
 
Անդրադառնալով Սեւակ Ամրոյանի հետ համագործակցությանն ու երիտասարդ երգչի մասին իր կարծիքին` ՀՀ վաստակավոր արտիստուհին նշեց.
 
«Սեւակը տաղանդավոր երիտասարդ է, շատ եմ սիրում նրան եւ առհասարակ «Ժողովրդական երգիչ» նախագծի բոլոր կատարողներին: Սեւակն իսկապես լավ ու տաղանդավոր տղա է, այնպես որ չեմ ամաչում իր հետ երգելուց: Նա այնպիսի դպրոց է անցել, այնպիսի ուսուցիչ ունի, որ նրա կատարման մեջ ոչ մի շեղում լինել չի կարող: Սեւակը ժողովրդական ժանրում շատ դասական է, նա պահպանում է բոլոր անհրաժեշտ օրինաչափությունները, ուստի ես այդ առումով եւս շատ հանգիստ եմ Սեւակի համար»:
Մեզ հետ զրույցում Նունե Եսայանը ավելացրեց նաեւ, որ այս պահին զբաղված է մեկ այլ երգով, որն արդեն հանդիսատեսի դատին կհանձնի 2017-ի սկզբին:
Today's most read news !
  • Աննա Դովլաթյանն ու Դավիթ Աղաջանյանը համատեղ բիզնեսներ են հիմնում
  • Ավարտել եմ դիմահարդարման դասընթացները ու սկսել եմ աշխատել նաեւ այդ ոլորտում. Լիկա Սալմանյան
  • Երգչուհի Լիանան՝ 20 կիլոգրամ նիհարելու իր գաղտնիքի մասին
  • «Եթե ես չսպանեի, ինքն էր ինձ սպանելու». Զեյթունում պարտքը չվերադարձնելու համար մոտ ընկերը սպանել է ընկերոջը
  • Քրիստինե Պեպելյան.«Ուզում էի վայելել իմ տարին»
  • 1990 թ. ԻՆՉՊԵՍ ԵՂԵԼ Է. Կամոյի շրջանում փեսան 2 ընկերների հետ մերկացրել և հրկիզել է աներձագին՝ տան նրա բաժնին տիրանալու համար
  • Երբեք չեմ մտածում, որ սա այն կետն է, որին հասել եմ եւ վերջ. Դիանա Շատվերյանը 32 տարեկան է
  • Ինչպես է նկարահանվել Սիրուշոյի «Դեր Զոր» տեսահոլովակը
Comments