Տոները պատրաստվում եմ նշել շատ բարի միջավայրում. Դավիթ Աղաջանյան

Դերասան Դավիթ Աղաջանյանը Life.panorama.am-ի հետ զրույցում խոսել է ավարտին մոտեցող «Թաքնված սեր» հեռուստասերիալի եւ առաջիկա անելիքների մասին.
 
«Այս նախագիծը թողեց հիշողություններ, լիքը հարազատ մարդկանց հետ շփումն ավելի ամրապնդվեց. Հաճելի թիմ, հաճելի անձնակազմ, իսկ ավելի կոնկրետ ընտանիք` սա մեր նախագծի համառոտ բնութագիրն է: Հիմա բոլորս էլ ինչ-որ չափով տխրել ենք, որ ավարտվեց մեզ համար շատ հարազատ հեռուստասերիալը, սակայն դերասանը ամեն դեր կերտելիս պետք է հասկանա, որ մի օր հրաժեշտ է տալու»,- «Թաքնված սեր» հեռուստասերիալի մասին խոսելիս` նշեց Դավիթ Աղաջանյանը:
 
Վերջինս նկատեց, որ հեռուստասերիալից շատ բան է սովորել.
 
«Ամեն նախագիծ հմտացնում է դերասանին եւ այս նախագիծն էլ հերթական անգամ տվեց ինձ ստեղծագործելիս բազում նրբություններ իրականացնելու հնարավորություն, իսկ ես սիրում եմ անընդհատ սովորել ու ամեն մի մանրուք քաղել»,- հավելեց դերասանը:
Դավիթի խոսքով` նա արդեն իսկ առաջարկներ ունի, որոնց մասին գերադասեց լռել, մինչեւ դրանց իրականանալը.
 
«Նոր աշխատանքով ներկայանալս շատ չի ուշանա, ես իմ հեռուստադիտողին շատ սպասեցնել չեմ տա»,- ժպիտով նկատեց մեր զրուցակիցը:
Գալիք տարվա ծրագրերի մասին խոսելիս` Դավիթը շարունակեց.
«Հիմա մի միտք ունեմ, որն արդեն իրականացման ընթացքում է: 2017-ին կցուցադրեմ մի բան, որի մասին հեռուստադիտողի կարծիքն ինձ շատ-շատ է հետաքրքրում»:
 
Անդրադառնալով տոնական տրամադրությանն ու Ամանորը նշելու իր տարբերակին` ժպիտով պատմեց.
«Տոները պատրաստվում եմ նշել շատ բարի միջավայրում` իմ ամենահարազատ մարդկանց հետ: Այդ օրը պատրաստվում եմ ուրախանալ, խմել, պարել, ինչպես բոլորը: Ի դեպ` ուզում եմ նախապես բոլորին շնորհավորել Նոր տարվա եւ Սուրբ Ծնունդի կապակցությամբ: Թող բոլորը լինեն առողջ, սիրեն ու սիրվեն, թող մտքերը լինեն մաքուր, իսկ արարքների հարցում հետեւեն սրտի թելադրանքներին, հակառակ դեպքում ամենը սուտ է»:
 
Today's most read news !
  • Դժոխք էր՝ընկերուհիներ,առաջին ամուսնություն.Արման Նշանյանը՝ ամուսնալուծության և ներկայիս կնոջ մասին
  • Հիասթափություն, ափսոսանք, անիմաստ հիշողություն. Շուշաննա Թովմասյանը` չստացված հարաբերության մասին
  • Էվա Խաչատրյանի ամերիկյան արկածներն ու ճանապարհի ամենալավ ընկերը
  • Հմայիչ Անժելա Սարաֆյանը՝ Օսկարին հաջորդող երեկույթին
  • Վանո Սիրադեղյանի գլխարկը՝ Աստղիկ Սաֆարյանի հավաքածուի յուրահատուկ նմուշ
  • Հայկ Պետրոսյանի սիրային հումորները եւ Սոնայի, Սեւակի հետ զուգերգերը
  • Լայնամասշտաբ պատերազմ չի լինի, բայց պետք է աչքերն ու ականջները սրած պահենք. Կոմանդոս
  • Խոշոր ավտովթար Արագածոտնի մարզում. Opel-ը, բախվելով արգելապատնեշներին, գլխիվայր շրջվել է
Comments
Loading...