Սոնա Շահգելդյանը` ամուսնու հետ ճակատագրական հանդիպման, որդու եւ Ամանորի գիշերվա մասին

Սոնայի եւ Նարեկի առաջնեկն արդեն մեկ տարեկան է: Երգչուհին որդու հետ տոնական ֆոտոշարք է անցել BRAVO.am-ի համար, իսկ զրույցի ընթացքում անկեղծորեն պատասխանել մեր հարցերին: Ի դեպ, 2015-ի տարեվերջին էլ պայմանավորվածություն ունեինք լուսանկարել մայրանալ պատրաստվող Սոնային, սակայն, փոքրիկը որոշեց հենց այդ օրը լույս աշխարհ գալ:): 

Սոնա Շահգելդյանը` որդու հետ


«Հրաշք է»

Որդուս ծննդից հետո իմ կյանքում շատ բան փոխվեց ու, իհարկե, միայն դեպի լավը: Չեմ կարող բացատրել` ինչ եմ զգացել ու այժմ էլ ինչ եմ զգում, երբ տեսնում եմ նրան: Ինձ համար երեխայի ծնունդը հրաշք է ու շատ սուրբ երեւույթ: Արթուրի մեկամյակը նշեցինք մանկական սրճարաններից մեկում՝ մեր հարազատների, ընկերների ու մտերիմների հետ:

«Նրան սպասել եմ ամբողջ կյանքում»

Ամուսնուս հանդիպել եմ սրճարաններից մեկում… Շատ չեմ ուզում խոսել այդ մասին, բայց դա ճակատագիր էր: Նա այն ասպետն է, ում սպասել եմ ամբողջ կյանքում: Փառք Աստծո, իրար միանգամից ենք հասկացել, քանի որ միմյանց համար ենք ստեղծված եւ արժանի ենք երջանիկ լինելու: Ամուսինս իր խելքով ու համեստությամբ գրավեց ինձ: Նա բարի է, գեղեցիկ, նվիրված. դրական շատ հատկանիշներ ունի, որ կարող եմ թվարկել:

Սոնա Շահգելդյանը` որդու հետ


Տարիքային տարբերություն

Տարիքային տարբերությունը մեզ երբեք չի խանգարել: Այն կապ չունի սիրո հետ, կարեւորը` լինես հոգեպես հասուն մարդ, խելացի ու հասկանաս դիմացինիդ: Կարեւոր է նաեւ, թե ինչ ընտանիքից ես:

«Ինձ նրանց իրավիճակում եմ պատկերացնում»

Շատ կուզեմ` այս տարի կորուստներ չունենանք, մեր զինվորները բարեհաջող ավարտեն իենց ծառայությունը: Այժմ մայր եմ ու շատ լավ եմ զգում մայրերի հոգեվիճակը, քանի որ ինձ նրանց իրավիճակում եմ պատկերացնում: Կուզեմ` բացի մեր երկրից, ամբողջ աշխարհում խաղաղություն լինի, բոլորն առողջ լինեն: Մեկ էլ շատ կուզեմ, որ այս տարի, կամ չգիտեմ` երբ, Ադրբեջանը կործանվի, իսկապես շատ եմ ուզում, որ այդ պետությունը երկրի երեսից վերանա:

Սոնա Շահգելդյանը` որդու հետ


«Եթե տարեմուտի գիշերը ելույթ չունենայի»

Այս անգամ էլ Ամանորի գիշերն աշխատեցի: Ամեն տարի էլ երգում եմ ու տարբեր կերպ եմ նշում այս տոնը: Բայց եթե ելույթ չունենայի, շատ ուրախ կլինեի բալիկիս ու ընտանիքիս հետ դիմավորել 2017-ը:

Today's most read news !
  • «Հանրային լինել դեռ չի նշանակում հանդուրժել նման դրսևորում սեփական անձի նկատմամբ». Մերի Հակոբյան
  • Գուցե իմ ստացած դաստիարակությունն է պատճառը, որ հրաժարվում եմ բաց տեսարաններում նկարահանվել. Եվա Բաղդասարյան
  • Քիմ Քարդաշյանը կես միլիոն դոլար է ստանում Instagram-ում գովազդային մեկ հրապարակման համար
  • Առնվազն անբարոյականություն կլինի թերագնահատել ՀՀԿ-ի այս ցուցակը
  • Ուտել-խմելու պրոցեսը սիրում եմ, բայց այսօր ընկերական մթնոլորտում չեմ նշի ծննդյանս օրը. Մհեր Խաչատրյան
  • Հենրիխ Մխիթարյանը և Յուրա Մովսիսյանը միմյանց դեմ կխաղան
  • Կայացավ «Հաց բերողի» հոգեհանգստյան արարողությունը
  • Նա իր կյանքի արժեքը մեզ թողնելով՝ մեզ համար օրինակ դարձավ. Արսինե Խանջյանը՝ Հաց բերողի հոգեհանգստին
Comments

Name: