Latest 10 episodes

Նա ժամանակին չթողեց ինձ սխալ քայլեր անել. Մարտա

Life.panorama.am-ի զրուցակիցն է երգչուհի Մարտան, ով հանրությանը նորովի ներկայացավ «Դեպի Եվրատեսիլ» նախագծում, որի ընթացքում պայքարեց մինչեւ եզրափակիչ փուլ:

-  Մարտա, «Դեպի Եվրատեսիլ» նախագծից հետո այլ կերպ ներկայացաք հանդիսատեսին, ավելի շատ երկրպագուներ ձեռք բերեցիք ու շատերին ծանոթացրիք Ձեր երգեցողությանը: Երբ երգիչը բարձր նշաձող է սահմանում, պատավորություն է  ստանձնում հետագայում նոր բարձրունքներ գրավել: Այս առումով ինչպե՞ս եք պատկերացնում Ձեր հետագա ուղին:

-  Նախ շնորհակալ եմ լավ կարծիքի համար: Ինձ շատ հաճելի էին անցած ամիսները, ես ձեռք բերեցի երկրպագուներ, կամ պարզապես մարդիկ, ովքեր հավանեցին այն, ինչ ես անում եմ: Շատ անգամ ինձ մոտ եղել է մեծ ցանկություն մասնակցել որեւէ նախագծի, որտեղ կկարողանամ երգել կենդանի եւ ներկայացնել այն երգերը, որոնք ես եմ ուզում ու լսում, եւ դրանով իմ աշխատանքից հաճույք ստանալ: Ինչ վերաբերվում է պարտավորությանը, ես պարտավոր եմ առաջինը ինքս ինձ պարզապես չկորցնելու իմ տեսակը, թեեւ, եթե կորցնելու լինեի, ապա տարիներ առաջ արդեն դա կլիներ: Ես չեմ կարող ստաբիլ լինել էկրաններին ու նույն ստաբիլությամբ մեր օրերում անընդհատ նոր երգեր, տեսահոլովակներ ունենալ: Դրա ցանկությունն էլ չունեմ, բայց փոխարենը ունեմ մեծ ցանկություն անել քիչ, բայց որակով աշխատանքներ այն մարդկանց համար, ովքեր սպասում են այդ ամենին:

- Տարին նոր է մեկնարկել, սա նշանակում է, որ առջեւում ունեք շատ ժամանակ` հետաքրքիր աշխատանքներ ներկայացնելու: Հիմա նոր մտքեր կա՞ն:

- Չեմ կարող ոչինչ խոստանալ: Ես ոչինչ չեմ պլանավորում: Եթե լինում են առաջարկներ կամ որակյալ նախագծեր, սիրով համաձայնվում եմ: Ես աշխատում եմ ըստ ցանկության, ըստ պահի ու առաջարկների: Նոր գործերի մասին կխոսեմ այն ժամանակ, երբ դրանք արդեն պատրաստ լինեն:

- Մարտա, յուօրինակ ոճ ու երաժշտական ճաշակ ունեք: Հետաքրքիր է` այս ճանապարհն ու ոճն ընտրելու նախապատմությունը:

- Շնորհակալ եմ: Չեմ կարող ասել, թե ես այսպիսին եմ ծնվել, քանի որ գուցե ծնվեի այլ ընտանիքում ու լինեի ուրիշ ոճով, ուրիշ նախասիրություններով ու տեսակով: Դրա համար երեւի թե ընտանիքիս տված երաժշտական դաստիարակությունից է գալիս իմ այսօրվա անփոփոխ ոճն ու տեսակը: Հետագայում արդեն իմ ուսուցիչները ավելի հիմնովին դաստիրակաեցին իմ արվեստը: Ես չեմ հոգնի կրկնել, որ Արթուր Գրիգորյանի շնորհիվ է, որ չկորցրեցի ու երբեք էլ չեմ կորցնի իմ ոճն ու տեսակը, քանի որ նա ժամանակին չթողեց ինձ սխալ քայլեր անել:

-Ձեր երաժշտական ոճի թեման շարունակելով` հետաքրքիր է, թե ծրագրեր չունե՞ք արդյոք արտերկրում գործունեություն ծավալելու, քանի որ, եթե Հայաստանում այդ ոճը դեռեւս լիովին «մարսված» չէ հանդիսատեսի կողմից, ապա արտերկրում այն շատ մեծ տարածում ունի:

- Չեմ կարող խոսել նման հարցերի շուրջ, քանի որ անիրական թեմաներ են այս պահին:

-Մարտա, որքանով հասցրել եմ հետեւել, բրենդներից մեկի մոդելն եք ներկայանում: Մոդելային կարիերա սկսելու մտադրություն ունե՞ք:

- Անցած տարի մի քանի բրենդների մոդել եղել եմ: Եթե լինեն առաջարկներ, որոնք կհամապատասխանեն ինձ ու իմ պայմաններին, սիրով կհամաձայնեմ նկարահանվել: Ես սիրում եմ մոդելային կարիերան, սիրով եմ անում այդ աշխատանքը ու մեծ հաճույք եմ ստանում:

Today's most read news !
  • Էմմա Մանուկյան.«Փորձում եմ մեղքերս քավել»
  • «Աղջի՛, էլի գնում ես …-իդ մո՞տ». Միայնակ մայրը 5 տարվա սիրեկանի ժլատությանը չի դիմացել և սուտ մատնություն է կատարել
  • Հայկական ողբերգության թույլ մխիթարություն
  • Մովսես Երեմյան.«Միմյանց կորցնելու վախ կա միշտ»
  • Աշխարհի համերը՝ Նազենի Հովհաննիսյանի նոր հաղորդաշարում
  • Վլադիմիր Գասպարյանն ի՞նչ է զգուշացնում Հովիկ Աբրահամյանին
  • Մարտի 1-ի բացահայտման մասին հայտարարելը հասարակությանը հաճոյանալու քարոզչություն է. իրավապաշտպան
  • Որքան է Արևմուտքից Թուրքիայի կախվածության ծավալը. Odatv.com, Թուրքիա
Comments