Վահագն Գալստյան.«Չգիտեմ՝ ուրախանամ, թե տխրեմ»

Վահագն Գալստյանը 39-ամյակը նշել է Անապայում: Նա BRAVO.am-ի հետ զրույցում հայտնել է` հաճախ է պատահել, որ ծննդյան օրն արտերկրում է եղել.«Նախորդ տարի, երբ օդանավակայանի աշխատակիցը մուտքի վիզան էր խփում, նկատեց, որ ժամը 12-ն է, ու շնորհավորեց ինձ: 2015-ին էլ Վրաստանից վերադառնալիս դարձյալ կեսգիշերին հատեցի Հայաստանի սահմանը:)»:

Վահագն Գալստյանը` կնոջ հետ


Դերասանի փոխանցմամբ` առաջին բարեմաղթաները լսել է Ավստրալիայում եւ Միացյալ Նահանգներում ապրող ընկերներից, որին հաջորդել է կնոջ ու երեխաների շնորհավորանքը.«Ինչպես Հայաստանում, այնպես էլ այստեղ տոնական ուրախ երեկո եմ ունեցել: Քեռակինս ու եղբորս կինն ինձ հաճելի անակնակալ մատուցեցին. խնջույք էին կազմակերպել՝ հրավիրելով այստեղ ապրող մեր հարազատներին: Ինձ համար շատ թանկ մարդկանց միջավայրում հաճելի ժամանակ անցկացրի: Իմ ձեռքով խորոված էի պատրաստել:)»:

Խոսելով տպավորիչ նվերներից՝ Վահագնը մտաբերել է.«Շատ-շատ են հետաքրքիր նվերները, բայց այս պահին կառանձնացնեմ երկուսը՝ ոսկե գրիչն ու աղամանը: Աղամանի պատմությունը շատ հետաքրքիր է. նվիրողին հարցրի, թե ինչու հենց աղաման, պատասխանեց` «Որ համուհոտդ երբեք չկորցնես:)»: Շատ եմ կարեւորում նվերի պիտանի լինելը: Կզարմանաք, բայց մինչ օրս 1998 թվականին նվեր ստացած վերնաշապիկ ունեմ պահած: Այն ինձ համար շատ կարեւոր է»:

Վահագն Գալստյանի երեխաները


Երեւանի դրամատիկական թատրոնի դերասանը, որը հանրությանն առավել հայտնի է սերիալներից եւ սիթքոմներից, առժամանակ կբացակայի էկրաններից.«Նոր մի շարք նախագծերում ընդգրկվելու առաջարկներ ունեի, բայց երկրում չլինելս խանգարեց բանակցություններին: Անկեղծ ասած` մի փոքր հոգնել եմ ներկայիս սերիալների սցենարներից, ոչ մի նոր բան ոլորտում չի արվում, ինձ կերպարներ են առաջարկում, որ ես դեռ տարիներ առաջ եմ մարմնավորել: Նոր ու տարբերվող բան եմ ուզում, որ նորովի ներկայանամ հեռուստադիտողին: Հոգնել եմ այսօրվա լաց ու կոծից, «բոյեւիկ» տեսարաններից, գողական կերպարներից: Դեմ չեմ սերիալներին, բայց մակարդակով սերիալներ եմ ուզում»,- ասել է նա:

Ի դեպ, Վահագնի դուստրը շարունակում է ծնողների ուղին: Լիլին նկարահանվում է ATV-ի «Եթե գտնեմ քեզ» սերիալում.«Չգիտեմ՝ ուրախանամ, թե տխրեմ: Երբեք չեմ միջամտել երեխաներիս որոշումներին: Չեմ փորձի նրանց համար ճանապարհ հարթել, ուզում եմ` բոլոր խոչընդոտներն ինքնուրույն հաղթահարեն, որ գնահատեն հաջողության համը»:

Today's most read news !
  • Սիրուշոն 12-րդ անգամ ճանաչվել է լավագույն երգչուհի
  • Քիմ Քարդաշյանն Instagram-ում ցուցադրում է մարզված մարմինը
  • Ինձ համար իսկապես անսպասելի էր այս միցանակը. Տաթեւ Հովակիմյանը՝ «Արտավազդ 2017»-ում «Լավագույն երիտասարդ դերասանուհի» կոչման մասին
  • Անաստասիա Բրուխտին՝ Սուպեր Սաքոյի հետ զուգերգի և հայկական արմատների մասին
  • Կարեն Բաբաջանյանը՝ երկրից ընդմիշտ հեռանալու մտքերի մասին
  • Պատկերը ապրիլի 2-ից հետո
  • Ռազմական ինստիտուտի 2 կուրսանտ դանակով հարձակվել են տաքսու վարորդի վրա, թալանել են ու խլել մեքենան
  • Քենդալ Ջենները Love պարբերականի համար նկարահանվել է Մերիլին Մոնրոյի կերպարով
Comments

Name: